ދިވެހިންގެ މިނިވަންކަމުގެ ތެރެއަށް ނުވަންނަންޏާ ކޮންމެ ޤައުމަކާއިވެސް ގާތް ގުޅުމެއް އޮންނާނެ ކަަމަށް ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ ބަހުސްގައި ޚާރިޖީ ސިޔާސަތާއި ގުޅޭގޮތުން ވާހަކަ ދައްކަވަމުން މުއިއްޒު ވިދާޅުވީ ޚާރިޖީ ސިޔާސަތު ގެންގުޅޭނީ ހުރިހާ ޤައުމަކާއިވެސް ގާތް ގުޅުމެއް ބާއްވައިގެން ކަމަށެވެ. އަބަދުވެސް އިސްކުރާނީ ދިވެހިން ކަމަށާއި، ދިވެހިން ތިބި ޤައުމުތަކާއި، އަދި ދިވެހިން ޢާންމުކޮށް ދާ ޤައުމުތަކާއި އަބަދުވެސް ޤާތް ގުޅުމެއް ބާއްވާނެކަމަށް މުއިއްޒު ވިދާޅުވިއެވެ.
ނަމަވެސް އެއްވެސް ޤައުމަކުން ރާއްޖޭގެ މިނިވަންކަމުގެ އިނން ފަހަނަ އަޅާދާ ކަމުގައިވާނަމަ އެކަމަށް ޖާގަ ނުދެވޭނެކަމަށް މުއިއްޒު ވިދާޅުވިއެވެ. ރާއްޖޭގެ އިމުގެ ތެރެއަށް ވަދެ ދިވެހިންގެ ދާޚިލީ ކަންކަމާއި ބެހި މިނިވަންކަން ގެއްލޭފަދަ އެއްވެސް ކަމަކަށް ޚާރިޖީ ސިޔާސަތުގެ ތެރެއިން ޖާގަ ނުދެއްވާނެކަމަށް މުއިއްޒު ވިދާޅުވިއެވ.
އެއްވެސް ޤައުމަކާއި ދުރެއް ނުވާނެ. ދިވެހިންގެ ވަށާފާރު މަތިން ނާރާހާ ހިނދަކު ގާތް ގުޅުން އޮންނާނެ. މިނިވަން ކަމާއި ސިޔާދަތާއި އިސްތިގުލާލު ހިފެހެއްޓާނަން. އަބަދުވެސް ގެންގުޅޭނީ ދިވެހިން އިސްކުރާ ސިޔާސަތެއް. މިއީ މިނިވަން މުސްތަގިއްލު ޤައުމެއް. މިނިވަންކަމަށް އިޚުތިރާމު ކުރަން ޖެހޭނެ. އެގުޅުން އޮންނަހާ ހިނދަކު އެއްވެސް ބަޔަކާއި ދުރެއް ނުވާނެ.
– ޑރ. މުއިއްޒު ވިދާޅުވިއެވެ.
މުއިއްޒު ވިދާޅުވި ވެރިކަމަށް ވަޑައިގެން އިންޑިއާއިވެސް ގާތް ގުޅުމެއް އޮންނާކެމަށެވެ. ނަމަވެސް މިނިވަންކަމުގެ އިން ފަހަނަ އަޅާދާނަމަ އެކަމަށް އަޅަންޖެހޭ ފިޔަވަޅު އަޅުއްވާނެކަމަށެވެ.
