ނ.މާފަރު އެމްޑީޕީގެ ގިނަ އަދަދެއްގެ ބަޔަކު އެމްޑީޕީގެ ތެރެއިން ޚިޔާލް ތަފާތުވެ އެޕާޓީން ވަކިވި ބޭފުޅުން އުފެއްދެވި ދަ ޑިމޮކްރެޓްސްއާއި ގުޅިއްޖެއެވެ.
ރިޔާސީ ކެމްޕޭންގައި ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބު މާފަރަށް ވަޑައިގެން ވަނީ އެރަށުގައި ކެމްޕޭން ހަރަކާތްތައް ކުރިއަށް ގެންގޮސްފައެވެ. މާފަރުން ޑިމޮކްރެޓްސްއާއި އަލަށް ގުޅުނު މެމްބަރުން ފޯމު ހަވާލު ކުރެއްވީ ޑިމޮކްރެޓްސްގެ ކެންޑިޑޭޓް އިލްޔާސް ލަބީބްއާއިއެވެ.
ޑިމޮކްރެޓްސް އިން ބުނީ މިބޭފުޅުންނަކީ މާފަރުގައި އެންމެ އިސްކޮށް ހަރަކާތްތެރިވާ އެމްޑީޕީ މެމްބަރުން ކަމަށެވެ. ނ.އަތޮޅުގެ ރަށްތަކަށް އިލްޔާސް ކުރެއްވި ކެމްޕޭން ދަތުރު ނިންމަވާލެއްވުމަށްފަހު މިރޭ ވަނީ މާލެ ވަޑައިގެންފައެވެ.
މާފަރު އެމްޑީޕީގެ ކުރީގެ ގޮފީގެ ރައީސް މިވަގުތުވެސް ހަރަކާތްތެރިވާ @moadgani ޑިމޮކްރެޓްސްއަށް ގުޅެއްޖެ.
މަރުހަބާ ޤަނީ 💙👏👏👏👏@ilyas_labeeb 7️⃣#IlliAmr2023#WeTheDemocrats pic.twitter.com/9GM8am3IDW
— Sim (@Simwarr) August 23, 2023
ޑިމޮކްރެޓްސްގެ ރިޔާސީ ކެންޑިޑޭޓަކަށް އިލްޔާސް ހުންނެވި ނަމަވެސް، އެޕާޓީގައި އެންމެ އިސްކޮށް ހަރަކާތްތެރިވަނީ އެމްޑީޕީގެ ކުރީގެ ރައީސް މުހައްމަދު ނަޝީދެވެ. ރައީސް ނަޝީދު ވިދާޅުވެފައިވަނީ މިފަހަރުގެ އިންތިޚާބުގައި ރައީސް އިބްރާހިމް މުހައްމަދު ޞާލިހު ބަލިކުރައްވާނެކަމަށެވެ. އަދި އަމާޒަކީ ރައީސް ޞާލިހު ދެވަނަ ބުރަކަށްވެސް ނުދެވޭނެ ގޮތް ހެދުންކަމަށެވެ.
