ފިލްމީ ތަރިން ކަމަށްވާ ހުސެއިން ސޮބާހު (ސޮބާ) އާއި ފާތިމަތު ފަރީލާ އެމްޑީޕީއާއި ގުޅިއްޖެއެވެ. ސޮބާއާއި ފަރީލާ އެމްޑީޕީއާއި ގުޅުމަށްފަހު މެމްބަރޝިޕް ފޯމު ހަވާލު ކުރައްވާފައިވަނީ ރައީސް ސާލިހާއެވެ. ހުސެއިން ސޮބާހުއަކީ ފިލްމީ ތަރިއެއްގެ އިތުރުން މިއުޒިޝަނެއްވެސް މެއެވެ.
ފިލްމީ ތަރި ފަރީލާ އެންމެ ފުރަތަމަ ފިލްމީ ދާއިރާއަށް ނިކުތީ 2006 ވަނަ އަހަރުއެވެ. އޭނާ އެންމެ ފުރަތަމަ ކުޅުނު ފިލްކަމީ "ވާ ލޯބި އެނގޭނަމަ" އެވެ. އެއަށްފަހު އޭނާވަނީ 50 އަށްވުރެ ގިނަ ފިލްމު ކުޅެފައެވެ.
ހުސެއިން ސޮބާހުއަކީ ގިނަ ދުވަސްތަކެއް ވަންދެން ފުޅާ ދާއިރާއެއްގައި މިއުޒިކްގެ ދާއިރާގައި ހަރަކާތްތެރި ވަމުން އަންނަ ފަންނާނެކެވެ. އޭގެ އިތުރުން އޭނާވެސް ވަނީ ގިނަ ފިލްތަކެއްގައި މުހިންމު ދައުރެއް އަދާކޮށްފައެވެ. ސޮބާ އަކީ މީގެ ކުރިން ރައީސް ސާލިހުގެ ސަރުކާރާ ދެކޮޅަށް އަޑު އުފުލަމުން އައިސްފައިވާ ފަރާތެއްކަން ފާހަގަ ކޮށްލެވެއެވެ.
ކޮންމެ ރިޔާސީ އިންތިޚާބެއް ކަރިވުމުން، ފިލްމީ ތަރިން ޕާޓީ ބަދަލުކުރުމާއި ޕާޓީތަކާއި ގުޅުމަކީ ވަރަށް އާންމު ކަމެކެވެ.
