"ވަނާޖުބޭސާ" ފިލްމުގެ އިތުރު ޝޯއެއް އަންނަ ހުކުރު ދުވަހު އަޅުވަން ނިންމައިފި އެވެ.
މި ފިލްމް ގެ އިތުރު ޝޯވ އެއް އަޅުވަން ނިންމައިފައިވަނީ ބެލުންތެރިންގެ ތަރުހީބު ބޮޑުވެ، ސަޕޯޓަރުންގެ އެދުމުގެ މަތިންނެވެ. މި އޮލިމްޕަހުގައި ޕްރިމިއާކުރީ މިދިޔަ މަހުގެ 25 ވަނަ ދުވަހު އެވެ. އަދި މިދިޔަ އާދިއްތަ ދުވަހު އެ ފިލްމުގެ އެންމެ ފަހު ޝޯ ވަނީ އަޅުވައިފަ އެވެ.
އަލަށް ފީޗާ ފިލްމެއް ގެނެސްދޭ ޑައިރެކްޓަރު ޓްވިޝާލް ޒަކީ ހަދާފައިވާ މި ފިލްމުގެ ކާސްޓަކީވެސް މި ދާއިރާއަށް މުޅިން އަލަށް ނިކުންނަ ކާސްޓެކެވެ.
"ވަނާޖުބޭސާ" އަކީ ވަރަށް ގިނަ ޓީވީ އިޝްތިހާރުތަކުން ވެސް ފެނިފައިވާ މަޝްހޫރު ކޮމީޑިއަން އަދި ކާއްޓޭ ޑިވާންޝޯގެ ނަމުން މަޝްހޫރު ނަޒީރު ޝިހާމާއި ކޮމީޑިއަން ހުސައިން ސާދު (މަޓޭ) މައިގަނޑު ރޯލުތައް ކުޅެފައިވާ އެއްޗެކެވެ. މީގެ ކާސްޓްގައި މުހައްމަދު ސައީދުގެ އިތުރުން އައިޝަތު ރިޝްމާ، އަހުމަދު ޝަކީބު، އައިޝަތު ޝިރާނީ، ޖަލްވާން މުހައްމަދު އަދި ހަދީޖާ އަލީ ހިމެނެ އެވެ.
"ވަނާޖުބޭސާ" އަކީ ވިޝާލް އާއި ކާއްޓޭގެ ސްކްރީންޕްލޭއަކަށް ހަދާފައިވާ އެއްޗެކެވެ.
