އެންމެ ހެޔޮލަފާ ޔަޤުވާވެރި މީހާއަށްވެސް އެންމެންގެ ތާޢީދާއި ލޯބި ނުހޯދޭނެކަމަށް ވިދާޅުވެ ހޯމް މިނިސްޓަރ އަދި ޢަދާލަތު ޕާޓީގެ ރައީސް އިމްރާން ޢަބްދުﷲ އަނެއްކާވެސް ތަފާތު ޓްވިޓެއް ކުރައްވައިފިއެވެ.
އިމްރާނަކީ ދޭތެރެ ދޭތެރެއިން މިފަދަ ޓްވިޓުތައް ކުރައްވާ ބޭފުޅެކެވެ. ދެމާނަ އެކުލެވޭ ވާހަކަތާކާއި މާނަފުން ބައެއް ޓްވިޓުތައް ކުރައްވައެވެ. މިފަހަރުގެ ޓްވީޓުގެ އަމާޒަކީ ކޮބައިކަމެއް ނޭނގެއެވެ. އެހެންނަމަވެސް އޭނާ އިޝާރާތްކުރައްވަމީ މިހާރުގެ ސިޔާސީ މަސްރަޙަށްކަމަށް ބެލެވެއެވެ. އިމްރާން ވިދާޅުވެފައިވަނީ އެންމެ ހެޔޮލަފާ ތަޤުވާވެރި އިންސާނަކަށްވެސް އެންމެންގެ ރުހުމާއި ތާޢީދު ނުލިބޭކަމަށެވެ. އަދި އެންމެ ނުބައި ނުލަފާ ޖައްބާރު މީހާއަށް އެންމެން ދެކޮޅުވެރިވެ ނަފުރަތުވެސް ނުކުރާނެކަމަށެވެ.
އެހެންނަމަވެސް ޢާންމުގޮތެއްގައި ހެޔޮމީހުން ލޯބިވާނީ ހެޔޮމީހުންދެކެކަމަށާ، ނުބައި މީހުން ލޯބިވާނީ ނުބައިމީހުން ދެކެކަމަށްވެސް އިމްރާން ވިދާޅުވެފައިވެއެވެ.
Enme heyolafa,soalih,thaguva veri insaanakahves enmenge ruhuma thaeedh eh nulibe’eve.
Adhi enme nubai nulafa jabbaaru meeha ah enmen dhekolhuverive,nafurathves nukure’eve.
Aanmu gothehgai.
Heyo meehun loabivanee heyomeehun dheke’eve.
Nubaimeehun loabivanee nubaimeehun dheke’eve.— Imran Abdulla (@ShimranAb) February 26, 2023
އިމްރާނާއި އޭނާގެ ޢަދާލަތު ޕާޓީން ވަނީ ކުރިއަށް އޮތް ރިޔާސީ އިންތިޚާބުގައި ރައީސް އިބްރާހީމް މުޙައްމަދު ޞާލިޙަށް ތާޢީދުކޮށް އެމްޑީޕީއާއެކު ކޯލިޝަން ހަދަން ނިންމާފައެވެ. މިހާރުގެ ސަރުކާރުގައި ހިމެނޑޭ ކޯލިޝަން ޕާޓީތަކާއި އެހެން ބައެއް ސިޔާސީ ބޭފުޅުންގެ ތާޢީދަށްއެދިވަޑައިގެން ރައީސް އިބްރާހީމް މުޙައްމަދު ޞާލިޙު ދާދިފަހުން އެފަރާތްތަކަށް ސިޓީފުޅެއް ފޮނުއްވިއެވެ. އެސިޓީފުޅަށް އެންމެ އަވަހަށް އިޖާބަދީ ކޯލިޝަން ހަދަން ނިންމީ ޢަދާލަތު ޕާޓީންނެވެ.
ކޮމެންޓު ފޮނުވާ