އެމްޑީޕީގެ ރައީސް ، ރައީސް މުޙައްމަދު ނަޝީދަކީ ހަލަބޮލިކަމަށް ލޯބިކުރައްވާ ބޭފުޅެއްކަމަށާ، އެހެންކަމުން އެމަނިކުފާނުގެ ވެރިކަމުގައި ޤައުމަށް ހަމަޖެހުމެއް އައުމުގެ ފުރުސަތެއް ނެތްކަމަށް ވިދާޅުވެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް އަނެއްކާވެސް ރައީސް ނަޝީދަށް ވަރަށްބޮޑަށް ފާޑު ވިދާޅުވެއްޖެއެވެ.
ރޮޒައިނާ ކުރެއްވި ޓްވީޓެއްގައި ވިދާޅުވެފައިވަނީ ހަލަބޮލި ކަމަށް ލޯބިކުރާ މީހަކަށް ޤައުމަށް ހަމަޖެހުމެއް ނުގެނެސްދެވޭނެ ކަމަށެވެ. އެހެންކަމުން ނަޝީދުގެ ވެރިކަމެއްގެ ތެރެއިން މިޤައުމަށް ހަމަޖެހުން ލިބުމުގެ ފުރުސަތެއްނެތް ކަމަށާ، އެއާ ޚިލާފަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަކީ ހަމަޖެހުމަށް ލޯބިކުރައްވާ ބޭފުޅެއްކަމުން ޤައުމުގެ ވެރިކަން ކުރެވޭނީ އެމަނިކުފާނަށް ކަމަށެވެ.
ހަލަބޮލި ކަމަށް ލޯބިކުރާ މީހަކަށް ހަމަޖެހުމެއް ނުގެނެސްދެވޭނެ. މިސަބަބަށްޓަކާ ރ ނަޝީދުގެ ވެރިކަމެއްގެ ތެރެއިން މިޤައުމަށް ހަމަޖެހުން ލިބުމުގެ ފުރުސަތެއްނެތް.
ރ އިބޫ އަކީ ހަމަޖެހުމަށް ލޯބިކުރައްވާ ބޭފުޅެއް. މިކަން ކުރެވޭނީ އިބޫއަށް#MDPKuriah
#Ibu2023https://t.co/JgyniEybSq— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) January 10, 2023
ރާއްޖޭގެ އެންމެބޮޑު ސިޔާސީ ޕާޓީ އެމްޑީޕީގެ ސިޔާސީ ޙަޔާތަށް ބަލާއިރު، ދެފަހަރެއްގެ މަތިން ރާއްޖޭގެ ވެރިކަންކުރުމުގެ ފުރުސަތު ލިބުނެވެ. މިހާތަނަށް ޕާޓީއަށް އެންމެބޮޑު ކާމިޔާބެއް ހޯއްދަވައިދެއްވުމުގެ ރެކޯޑު އޮތީ ރައީސް ޞާލިޙްގެ އަތްޕުޅުގައެވެ. ރައީސް ނަޝީދަށް ވެރިކަން ކުރަން ލިބިވަޑައިގަތީ 2008ވަނަ އަހަރުއެވެ. ދައުރު ހަމަނުވަނީސް ކުރިމަތިވި ސިޔާސީ ހަލަބޮލިވުންތަކާއެކު ވެރިކަމުން އިސްތިއުފާދެއްވީއެވެ. ރޮޒައިނާގެ ޓްވިޓުގައި އިޝާރާތްކުރެއްވީ އެކަމަށްކަމަށް ބެލެވެއެވެ.
