ކޯވިޑް-19 އާ ގުޅިގެން ބަންދުކުރުމަށްފަހު މާދަމާ ސަލްޓަން ޕާކް ހުޅުވަން މާލެ ސިޓީ ކައުންސިލުން ނިންމައިފިއެވެ.
މާލޭގެ މޭޔަރު ސިފާ މުޙައްމަދު ވިދާޅުވީ، ސަލްޓަން ޕާކް ހުޅުވިފައި ހުންނާނީ މާދަމާއިން ފެށިގެން ކޮންމެ ދުވަހަކު ފަތިހު 04:30 އިން ހެނދުނު 09:00 އަކަށް ކަމަށާއި، ހަވީރު -04:30 އިން ރޭގަނޑު 09:00 އަކަށް ކަމަށެވެ. އަދި ޕާކް ބޭނުންކުރާމީހުން މާސް އެޅުމަށާއި، ގައިދުރުކަން ބެހެއްޓުމަށްވެސް މާލޭގެ މޭޔަރު ސިފާ އެދިވަޑައިގަތެވެ.
Sultan park ves maadhan hulhuveyne . Fathih 4:30 -9:00 adhi haveer 4:30 -9:00. Mask elhumashaai gaidhurukan dhemrhehtumah samaalkan dhehvun edhen . pic.twitter.com/SDgBsrKwmY
— Shifa Mohammed? (@SifaMohammed) November 20, 2020
މޭޔަރު ވިދާޅުވީ ސަލްޓަން ޕާކާއި ލޮނިޒިޔާރަތް ޕާކަށް ހެނދުނު ވަނުމަށް އިސްކަންދެއްވާނީ ދޮށީ ޢުމުރުގެ މީހުންނަށާއި، ކަސްރަތުކުރާ މީހުންނަށްކަމަށެވެ. ލޮނިޒިޔާރަތް ޕާކަކަކީ މިމަހުގެ 11 ވަނަ ދުވަހު މިސަރުކާރުން ހުޅުވި ޕާކެކެވެ.
Dhoshee umuruge beyfulhunashaai kasrath kuran anna faraithakah sultan park aai Lonuziyaarai park hedhunu vaguthu iskan dhehvigen dhaane . @MaleCitymv pic.twitter.com/EClYsfDHCp
— Shifa Mohammed? (@SifaMohammed) November 20, 2020
ރާއްޖޭގައި އާންމު ސިއްޙަތުގެ ކުއްލިނުރައްކަލުގެ ހާލަތު އިއުލާންކުރުމާއި ގުޅިގެން ޖުމްހޫރީ މައިދާން ހިމެނޭ ގޮތަށް މާލެ ސަރަހައްދުގެ ހުރިހާ ޕާކްތަކާއި މައިޒާންތައް އާންމުންނަށް ބަންދުކޮށްފައި ވަނީ މާރޗްމަހުގެ 13 ވަނަ ދުވަހުއެވެ. އަދި ކޯވިޑް-19 ގެ ހާލަތަށް ބެލުމަށްފަހު ޕާކްތައް އަލުން ހުޅުވާއިރު އެތަންތަނަށް މާސްކުއަޅައިގެން ދިއުމާއި، ކޮންމެ ދުވަހަކު އެއްފަހަރު ސާފުކުރަންޖެހޭގޮތަށްވަނީ ކަނޑައަޅާފައެވެ.
ޕާކްތަކާއި މައިޒާންތައް ހުޅުވާއިރު އަޅަންޖެހޭ ރައްކާތެރިކަމުގެ ފިޔަވަޅުތަކާ ބެހޭ އުސޫލުގައިވާގޮތުން ކޯވިޑް-19 އިން ރައްކާތެރިވުމާ ގުޅޭ މަޢުލޫމާތާއި ޢަމަލުތައް ބަހައްޓަންވީގޮތުގެ އިރުޝާދު (މާސްކް އެޅުން، މަދުވެގެން 3 ފޫޓު ގައިދުރުމިން ބެހެއްޓުން، ޢަތުގެ ސާފުތާހިރުކަން) ފަދަ ކަންކަން ޕާކު ނުވަތު މައިޒާނަށް ވަންނަ ދޮރު ކައިރީގައާއި އަދި ތަނުގެ އެތެރޭގައި ފެންނަގޮތަށް ބެހެއްޓުމަށް ވަނީ ކަނޑައަޅާފައެވެ.
ކޮމެންޓު ފޮނުވާ