ޕާކިސްތަނުގެ ވެރިރަށް އިސްލާމް އާބާދުގައި ހުންނަ އެންޓީ ޓެރިރިޒަމް ކޯޓުގައި، އެގައުމުގެ ކުރީގެ ބޮޑުވަޒީރު އަދި ތެހުރީރު-އޭ-އިންސާފު ޕާޓީގެ ލީޑަރ އިމްރާން ޚާންގެ މައްޗަށް ކުރެވޭ ދައުވާތަކުގައި އަންނަ ސެޕްޓެމްބަރު 1 ވަނަ ދުވަހާއި ހަމައަށް ކަފާލާތުގެ ދަށުން މިނިވަން ކޮށްފިއެވެ.
އިމްރާން ޚާންއާއި ދެކޮޅަށް ޓެރަރިޒަމްގެ ތުހުމަތުކޮށް، ޓެރަރިޒަމްގެ ޚާއްސަ ކޯޓުގެ ފަނޑިޔަރު ރާޖާ ޖަވާދު އައްބާސް ވަނީ ޕާކިސްތާނުގެ 100،000 ރުފީސް (460 އެމެރިކާ ޑޮލަރު) ބަހައްޓައިގެން ކަފާލާތުގެ ދަށުން އިމްރާން ޚާން މިނިވަން ކޮށްފައެވެ.
އަދި ހަމަ އެދުވަހުގެ ފަހުގެ ވަގުތެއްގައި ފަނޑިޔާރު އައްބާސް ސޫޕްރާ ވަނީ އަންނަ ސެޕްޓެމްބަރި 7 އައި ހަމައަށް، ހުއްދަ ނުހޯދާ އެއްވެ އުޅުމުގައި ތުހުމަތުގައި ކުރަމުންދާ ތުހުމަތުތަކުގައި ކަފާލާތުގެ ދަށުން، 5،000 ރުޕީސް ބެހެއްޓުމުމަށް އަމުރު ކޮށްފައެވެ.
މި އޮގަސްޓުމަހުގެ 31ވަނަ ދުވަހުވަނީ، އޭނާ ކޯޓުގެ ހުރުމަތް ކެނޑިކަމުގެ ދައުވާގެ އަޑުއެން ފެށުމަށް ހަމަޖެހިފައެވެ.
ޕާކިސްތާނުގެ ކުރިކެޓުގެ ތަރިއެއްކަމުގައިވާ އިމްރާ ޚާންއަށް ފަހަކަށް އައިސްވަނީ ގާނޫނީ ބޮޑެތި ގޮންޖެހުންތަކާއި ކުރިމަތިލާން ޖެހިފައެވެ.
މިގޮތުން ފާއިތުވެދިޔަ ހަފްތާގައި އިމްރާން ޚާންގެ މައްޗަށް ދައުވާ އުފުލާފައިވަނީ، ސީނިއަރ ޕޮލިސް އޮފިސަރަކާށާއި އަދި ފަނޑިޔާރަކަށް ބިރު ދައްކާފައިވާކަމުގެ ތުހުމަތުގައެވެ. މީގެ އިތުރުން ކޯޓުގެ ހުރުމަތް ކެނޑުމާއި ގާނޫނާއި ޚިލާފަށް އެއްވުންތައް ބޭއްވިކަމުގެ ތުހުމަތުގައެވެ. އިމްރާމްޚާން މިހަފްތާގެ ބުރާސްފަތި ދުވަހު ކޯޓަށް ހާޒިރުވުމުގެ ކުރިން، އޭނާ ގާނޫނީ ވަކީލުން ވަނީ މި މައްސަލައަކީ އިމްރާ ޚާންގެ ކިބައިން ބަދަލު ހިފުމަށް ކުރިޔަށް ގެންދާ މައްސަލައެއްކަމުގައި ބުނެ މައްސަލަ ޖައްސަފައެވެ.
އިމްރާން ޚާންގެ މައްޗަށް ކޮށްފައިވާ ދައުވާތަކުގެ އަޑުއެހުންތައް ކުރިޔަށް ގެންދާ ކޯޓުގައި ވަނީ ސަލާމަތީ ފިޔަވަޅުތައް ވަރަށް ވަރުގަދަ ކޮށްފައެވެ.
ޕާކިސްތާނުގެ އިގްތިސާދީ ހާލަތު ދަށަށްގޮސް، އިމްރާން ޚާންއަށް އެގައުމުގައި އޮތް ތާއީދުވަނީ އިންތިހާއަށްވަނީ މަތިވެގެން ގޮސްފައެވެ.
