ބަންގްލަދޭޝްގެ މީހަކާ އެކު އެއްޖިންސުން ގުޅުން ހިންގި ގިނަ ބައެއްގެ ވީޑިއޯ އާންމުވެ، އެ ކަމުގައި ޝާމިލުވާ އެކި މުއައްސަސާތަކުގެ މީހުންނާ މެދު ފިޔަވަޅު އަޅަމުން އަންނައިރު، އެމްއެންޑީއެފްގެ މީހަކާއި، އިމާމަކުވެސް ސަސްޕެންޑު ކޮށްފިއެވެ.
އެނގިފައިވާ ގޮތުގައި ބަންގްލަދޭޝްގެ އާލަމްގީރާއެކު، އިމާމެއް ކަމަށްވާ އަހުމަދު ރަޝީދު ވެސް ގްރޫޕް ހަދައިގެން އެއްޖިންސުން ގުޅުން ހިންގި ކަން ފުލުހުންގެ ފޮރެންސިކަށް ކަށަވަރު ކުރެވޭތީ، އޭނާ އަށް ފިޔަވަޅު އެޅުމަށް ވަނީ އިސްލާމިކް މިނިސްޓްރީގައި އެދިފައެވެ. އެހެންވެ، އެ މިނިސްޓްރީން ވަނީ އޭނާ ސަސްޕެންޑް ކޮށްފައެވެ. މިމައްސަލާގައި ސިފައިންގެ މީހަކުވެސް ހިމެނޭތީ އޭނާގެ ވީޑިއޯ އުޅޭކަން އެމްއެންޑީއެފްއަށް ފުލުހުން އެންގުމުން އޭނާވެސް ސަސްޕެންޑު ކޮށްފައިވާކަމަށް މައުލޫމާތު ވަނީ ލިބިފައެވެ.
ބަންގްލަދޭޝްގެ އަލަމްގީރާއެކު ގިނަ ބަޔަކު އެއްޖިންސުން ގުޅުން ހިންގައި އެ މަންޒަރުތައް ވީޑިއޯކޮށްފައި ވަނިކޮށް، ލީކުވެ މައްސަލަ އަންނަނީ ތަހުގީގުކުރަމުންނެވެ. އެ މައްސަލައިގައި ހިމެނޭ ވީޑިއޯތަކުގެ ފޮރެންސިކް ތަހުލީލު ނުނިމޭތީ ބައެއް މީހުން ހައްޔަރު ނުކުރި ނަމަވެސް ތުހުމަތުވާ ކަމަށް ބެލެވޭ މީހުންގެ ތެރެއިން ސަރުކާރުގެ އެކި އިދާރާތަކުގައި އުޅޭ މީހުންގެ މައުލޫމާތު ފުލުހުން ވަނީ އެ ތަންތަން ދީފައެވެ.
އަލަމްގީރާއެކު އެއްޖިންސުން ގުޅުން ހިންގާ މަންޒަރު ފެންނަ ވީޑިއޯއެއް ކުރިން އާންމުވެފައިވާއިރު، އެ ވީޑިއޯ އިން ފެންނަ އެކަކީ އިމާދުއްދީން ސްކޫލުގައި ހާއްސަ އެހީ އަށް ބޭނުންވާ ކުދިންނަށް ކިޔަވައިދޭން އުޅުނު ސެން ޓީޗަރެކެވެ. ދެން އެ ވީޑިއޯ އިން ފެންނަނީ ހޯމް މިނިސްޓްރީގެ ޖުވެނައިލް ޖަސްޓިސް ޑިޕާޓްމަންޓުގެ މުވައްޒަފެކެވެ. ހޯމް މިނިސްޓްރީގެ މުވައްޒަފު ސަސްޕެންޑް ކޮށްފައިވާއިރު، ވީޑިއޯ އިން ދެން ފެންނަ ސެން ޓީޗަރު އެންމެ ފަހުން މަސައްކަތްކުރި ސްކޫލެއް ސާފެއް ނުވެއެވެ.
އާލަމްގީރާއެކު އުޅެނިކޮށް ވީޑިއޯ އިން ފެންނަ، ގުރުއާނާ ބެހޭ މަރުކަޒުގެ ސީނިއާ އެގްޒެކެޓިވް ޑިރެކްޓަރު އިބްރާހިމް ރާފިއު ވަނީ އެ މައްސަލައިގައި މަގާމުން ވަކިކޮށްފައެވެ. އެއީ ގުރުއާން މުދައްރިސެއް ވެސް މެއެވެ. ނަމަވެސް މިހާތަނަށް ހައްޔަރު ކޮށްފައި ވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކޮއްކޯފުޅު ނާޒިމް ސައްތާރާއި ނޮޅިވަރަމް ދާއިރާގެ ކުރީގެ މެމްބަރު ކާނަލް މުހައްމަދު ނަޝީދު އަދި ފުލުހުންގެ ވަޒީފާގައި އުޅޭ މީހެކެވެ. އެ އެންމެނާއެކު އެއްޖިންސުން ގުޅުން ހިންގި އާލަމްގީރު ހައްޔަރު ކުރީ މިދިޔަ މަހު 12 ގައެވެ.
One Response
މިކަންކަމުގަ ތުބުޅިލީސޭހުންކޮބާ ބެލެނިވެރިންކޮބާ ފުލެޓުނުލިބުނީމަމުޒާހިރާ ޓީޗަރުންލިވާތުކުރީމައަތްޖަހަނީ ވިސްނާކިތައްދަރިވަރުންނައް ބެހިފަހުރިކައްއެގޭތަ މިކިޔަނީޓީޗަރުންގެވާހަކަ މިމަގުމައްޗައްނުކުއްނަންވީވަގުތު މިތިބަވެރިންބޭރުކުރަންވީވަގުތު އަދިވެސްހޭއަރަންނުވޭތަ މިގެއްލެނީމިމާޔްދީން ދެންއަހަރުމެންކޮންސަފާއަތެކޭމިކިޔަނީ