ކުރިޔަށް އޮތް އީދު ބަންދުގެ ކުރިން، ކޮންމެހެން ކުރާންޖެހޭ މުއާމަލާތައް ކޮށް ނިންމުމަށް ބޭންކް އޮފް މޯލްޑިވްސްއިން ކަސްޓަމަރުންނަށް އިލްތިމާސް ކޮށްފިއެވެ.
ބީއެމްއިން މިއަދު ނެރެފައިވާ ބަޔާނެއްގައި ވިދާޅުވެފައިވަނީ އެމްއެމްއޭއިން ނިންމާފައިވާގޮތުން، ބޭންކު ޖުލައި މަހުގެ 10ވަނަ ދުވަހުން 14 ވަނަ ދުވަހާއި ހަމައަށް ހުންނާނީ ބަންދު ކޮށްފައެވެ. އަދި އީދު ބަންދަށްފަހު ބޭންކު އަލުން ހުޅުވާނީ ޖުލައިމަހުގެ 17ވަނަ ދުވަހުއެވެ.
ބޭންކުން ހާމަ ކޮށްފައިވާ ގޮތުގައި މި މުއްދަތުގައި ބޭންކު ބަންދު ކޮށްފައި ހުރި ނަމަވެސް، ރާއްޖޭގެ އެކި ހިސާބުތަކުގައި ގާއިމް ކޮށްފައިވާ ސެލްފް ސާވިސް ބޭންކިންގ ސެންޓަރުތަކުން ކަސްޓަމަރުންނަށް ޚިދުމަތް ލިބެމުން ދާނެއެވެ. އަދި މީގެ އިތުރުން މީހުން ދިރިއުޅޭ ރަށްތަކުގައި ތިބި އޭޖެންޓުންގެ ޚިދުމަތްވެސް މި މުއްދަތުގައި ލިބެމުން ދާނެއެވެ.
ބޭންކުން އިތުރަށް ހާމަ ކޮށްފައިވާ ގޮތުގައި، އީދު ބަންދަށް ބޭންކު ބަންދު ކޮށްފައި ހުންނަ މުއްދަތުގައި އިންޓަރނެޓް ބޭންކިންގ އާއި މޯބައިލް ބޭންކިންގެ ޚިދުމަތްވެސް ބޭނުން ކުރެވޭނެއެވެ. އެހެންނަމަވެސް މި ޚިދުމަތްތައް ޚިދުމަތްތަކަށް ރިކުއެސްޓު ކުރުމުގައި ކަސްޓަމަރުންނަށް ދަތި ނުވާނާގޮތަށް ޝެޑިއުލް ކުރުމަށްވެސް އިލްތިމާސް ކޮށްފައި ވެއެވެ.
މިއަހަރު ހައްޖު ދުވަހާއި ގުޅިގެން އަންނަ އީދު ބަންދާ އެކީ ޖުމްލަ 9 ދުވަސް ސަރުކާރު ބަންދު ކުރުމަށް ވަނީ ހަމަޖެހިފައެވެ.
ކޮމެންޓު ފޮނުވާ