ރާއްޖޭގެ އަޚުލާޤީ އަދި ދުސްތޫރީ ހަމަތައް ސަރުކާރުން ހަފުސްކުރަމުން އަންނަކަމަށް އިދިކޮޅު ލީޑަރު އަދި ކުރީގެ ރައީސް ޔާމީން ވިދާޅުވެއްޖެއެވެ.

ރައީސް ޔާމީން މިހެން ވިދާޅުވީ، މިސަރުކާރާއި ގުޅުންހުރި އިސް ބައެއް ބޭފުޅުންގެ ބަރަހަނާ އަދި ފާހިޝް ޢަމަލުކުރާ ވީޑިއޯއާއި ފޮޓޯ ޢާންމުވާ މައްސަލައަށް އިޝާރާތްކުރައްވާ ކުރެއްވި ޓްވީޓްގައެވެ.

ރައީސް ޔާމީން ކުރެއްވި ޓްވީތެއްގައި ވަނީ، މިހާރު ހިނގަމުންދާ ކަންކަމަކީ ހޭލުމަށް ގޮވައިލެވޭ ގޮވައިލުމެއް ކަމުގައި ހެދުމަށް އިލްތިމާސްކުރައްވާފައެވެ. އަދި ސަރުކާރުން އަންނަނީ މުޤައްދަސް ހުރިހާ އަގުތަކާއި އަޚުލާޤީ މިންތައް މުގުރައިލަމުންކަމަށް ސިފަކުރައްވާ ރައީސް ޔާމީން ވިދާޅުވީ، ރާއްޖޭގެ އަޚުލާޤީ އަދި ޑިމޮކްރެޓިކް ހަމަތަކުގެ މައްޗަށް އެކުލެވޭ ދުސްތޫރު ނިޒާމީ ގޮތެއްގައި ހަފައިކަމުންދަނީ، އަމުރުވެރިއެއްގެ ވެރިކަން ފުލުހުންގެ ބާރާއި، ގަނާކުރާ އަވައްޓެރި ޤައުމެއްގެ ބާރުގައި ނެގެހެއްޓުމަށް ކަމަށެވެ. ރައީސް ޔާމީން ވަނީ އެގޮތަށް އެކަން ދެމިގެން ނުދާނެކަމަށް ވިދާޅުވެފައެވެ.

B it a shocking wake up call.All de sacred values n norms tattered.Our Constitution of moral n democratic values systematically masticated to pave de way for an ignoble lmperator propped up by a police mastiff n a bullying Neighbor. Enjoy while it lasts

— Abdulla Yameen (@prz_ymn) July 2, 2022

ރައީސް ޔާމީން މިހެން ވިދާޅުވެފައިވާއިރު، އެމްޑީޕީގެ ރައީސް އަދި މަޖިލީހުގެ ރައީސް ނަޝީދުގެ ކޮއްކޮ ނާޒިމް ސައްތާރު އެއްޖިންސުން ގުޅުންހިންގާ ވީޑިއޯއެއް އާންމުވެ ފުލުހުން ބަލަން ފަށާފައިވާ ދަނޑިވަޅެއްގައެވެ. އަދި އެމްޑީޕީ ޕީޖީ ގްރޫޕުގެ ޑެޕިއުޓީ ލީޑަރު، ހެންވޭރު ދެކުނު ދާއިރާގެ މެންބަރު ޙުސައިން ޝަހީމް (އަނދުން ޙުސައިން) އެހެން ފިރިހެނަކާ އަންހެނަކާއެކު ބަރަހަނާކޮށް އޮތް ފޮޓޯއެއްވެސް ލީކުވެފައިވެއެވެ. މިކަންކަމާއި ގުޅިގެން ގިނަ ބައެއްގެ ފާޑުކިޔުން ސަރުކާރަށް އަމާޒުވެފައިވެއެވެ.