ރައީސް އިބްރާހިމް މުހައްމަދު ސޯލިހު މާގިލީގައި ޤާސިމް އިބްރާހިމްއާއި ބައްދަލު ކުރެއްވި ބައްދަލުވުންތަކުގައި، ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލް ބައިވެރިވެ ވަޑައިގަތުމަކީ އެމްއެންޑީއެފްގެ މުޅި މުވައްސަސާއަށް ލިބިގެންދިޔަ ބޮޑު ހުތުރެއް ލަމުގައި އިދިކޮޅު ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅިވެއްޖެއެވެ.
ރައީސް މާމިގިއްޔަށް ވަޑައިގަތުމަށްފަހު، ޖުމުހޫރީ ޕާޓީގެ ލީޑަރު ގާސިމް އިބުރާހިމު ރައީސް ސާލިހަށް މަރުހަބާ ވިދާޅުވުމަށް ވީއައިޕީ ލައުންޖުގައި ދެޕާޓީގެ އިސް ބައެއް ބޭފުޅުންނާއެކު ބޭއްވެވި ބައްދަލުވުމުގައި ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލް ބައިވެރިވެ ވަޑައިގަންނަވާ މަންޒަރުގެ ފޮޓޯވަނީ މީސް މީޑިއާގައި ދައުރުވެފައެވެ.
އެހެންނަމަވެސް ސިޔާސީ އިސްބޭފުޅުންގެ ބައްދަލުވުމުގައި ޝާމާލް ބައިވެރިވެ ވަޑައިގެންނެވި ސަބަބެއް އެމްއެންޑީއެފްއިން ހާމަ ކޮށްފައެއް ނުވެއެވެ.
ޝަމާލް މިދަތުރުގައި ބައިވެރިވެ ވަޑައިގަންނަވާތީ ގިނަ ބައެއްގެ ފާޑުކިޔުން ވަނީ އަމާޒުވެފައެވެ. އިދިކޮޅު ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވީ ޝަމާލްގެ މިޢަމަލީ ވަރަށް ނާތަހުޒީބު އަމަލެއްކަމަށެވެ. ސިޔާސީ މަޝްވަރާތަކުގައި ރާއްޖޭގެ ޤައުމީ ސަލާމަތީބާރުގެ އެންމެ އިސްވެރިޔާ އެމޭޒުގައި އިންނެވުމަކީ މުޅި މުވައްސަސާއަށް ކުރެއްވި މަލާމާތެއްކަމަށް ޝިޔާމް ވިދާޅުވިއެވެ.
އެމްޑީޕީގެ އެންމެ އިސްވެރިޔާގެ ހައިސިއްޔަތުން ރައީސް ޞާލިހުގެ ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ޤާސިމް އިބްރާހިމް އާއިއެކު ކުރިއަށް ގެންދިޔަ ސިޔާސީ ބައްދަލުވުމުގައި ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލް ބައިވެރި ވުމަކީ އެމްއެންޑީއެފް އަށްވެސް ހުތުރު ޢަމަލެއް. މުއައްސަސާގެ ޤަދަރާއި ކަރަމާތް މިމޫހުން ގެއްލުވާލައިފި.
– ޝިޔާމް ވިދާޅުވިއެވެ.
MDP ge emme isveriyaa ge haisiyyathun @ibusolih sarukaaru coalitiongai himeney JP ge Leader @qasimibrahim aa eku kuriyah gendhiya siyaasee bahdhaluvumugai @CDFofMNDF Shamaal baiverivumakee MNDF ah ves huthuru amale. Muassasaa ge qadharaa karaamaaiy mimeehun gelluvaalaifi. pic.twitter.com/6hSQBgoxeM
— Ahmed Shiyam (@Shiyamaldives) June 10, 2022
ސިފައިންގެ ގާނޫނާއި ސިފައިންގެ ކޯޑް އޮފް އެތިކްސް އާއި ސިފައިންގެ ކޯޑް އޮފް ކޮންޑަކްޓް ބުނާ ގޮތުން ސިފައިން ސިޔާސީ ކަންކަމުގައި ބައިވެރިވުމަކީ މަނާ ކަމެކެވެ. ޝަމާލް ބައިވެރިވެ ބައިވެރިވެ ވަޑައިގެންނެވީ ސިޔާސީ ޕާޓީތަކުގެ އިސްވެރިންގެ ބައްދަލުވުމެއަގައި ކަމަށްވިޔަސް މި ބައްދަލުވުމަކީ ސީދާ ކޮން މަގްސަދެއްގައި ބޭއްވުނު ބައްދަލުވުމެއްކަން އަދި ސާފުވެފައެއް ނުވެއެވެ.
