އިންޑިއާ އައުޓް ހަރަކާތުގެ ތެރެއިން އިންޑިއާއާއި ދެކޮޅަށް އަޑުއުފުލާ އަންހެނުން ފަހައި ދިވެހި ސިފައިން ދުވުމަކީ ލަދުވެތިކަމެއްކަމަށް ވިދާޅުވެ އިދިކޮޅު ލީޑަރު އަދި ކުރީގެ ރައީސް ޔާމީން ފާޑުވިދާޅުވެއްޖެއެވެ.
ރައީސް ޔާމީން ފާޑުވިދާލުވެފައިމިވަނީ، އިދިކޮޅުން އިންޑިއާ އައުޓްގެ ނަމުގައި ހިންގާ ހަރަކާތްތަކުގެ ދަށުން ކުރިއަށްގެންދިޔަ އިހްތިޖާޖުގެ އަންހެން ބައިވެރިޔަކު ފަހައި ދިވެހި ސިފައިންގެ ފިރިހެނަކު ދުވާ ވީޑިއޯއެއް އާންމުވެ ގިނަ ބައެއް ފާޑުކިޔުން އަމާޒުވެފައިވަނިކޮށެވެ.
ރައީސް ޔާމީން ކުރެއްވި ޓްވީޓެއްގައި ވިދާޅުވީ ކުރީގެ ރައީސް މުޙައްމަދު ނަޝީދުގެ ސަރުކާރުން ބަދަލެއްގެ ގޮތުގައި ހަދިޔާކުރީ އިޤްތިޞާދީ އަޅުވެތިކަމެއްކަމަށެވެ. ބެލެވޭ ގޮތުގައި ރައީސް ޔާމީން އެ އިޝާރާތްކުރެއްވީ ރާއްޖޭގެ މައި އެއަރޕޯޓް އިންޑިއާގެ ޖީއެމްއާރު ކުންފުންޏަށް ކުޑަ އަގެއްގައި ވިއްކާލި ވިއްކާލުމަށެވެ. ޣައިރު ޤާނޫނީ އަމުރުތައް ތަންފީޒުކުރަން ނުކުންނަ ފުލުހުންނަނީ އިނގިރޭސި ސައެންސް ފިކްޝަން ނާވިލެއް ކަމުގައިވާ ފްރެންކެއިންސްޓެން މޮންސްޓާގައި އުފައްދާ ފްރެންކެސްޓެއިން މޮންސްޓާ ފަދަ ބާރެއްގެ ގޮތުގައި ސިފަކުރައްވާ ރައީސް ޔާމީން ވިދާޅުވީ، މިއަދު ރާއްޖެ އޮތީ ރެސްލިންގައި މީހުން ހަންމަތަކުރަން އަޅުވާ މަޅިއެއް ކަމުގައިވާ "ހާލްފް ނެލްސަން ހޯލްޑުގެ" ދަށުގައިކަމަށެވެ.
އިންޑިއާ އައުޓް ހަރަކާތުގައި އުޅުނު އަންހެނުން ފަހައި ދިވެހި ސިފައިން ދުވުމަކީ ލަދުވެތިކަމެއްކަމަށް ސިފަކުރައްވާ އެމަނިކުފާނު ވަނީ، އެއީ ފިރިހެންވަންތަ އަޚުލާޤު އެކަމުން ފެންނަ ކަމެއްތޯ ސުވާލުކުރައްވާފައެވެ.
Prz Nasheed’s govt gifted us economic servitude as payback.The present PolPot fiefdom is enthralled in the mocking Saamant’s half nelson hold.Hail Frau????Frankenstein’s monster force is joined by the army hunting down the brave women chanting lndia OUT. Display of chivalry? Shame
— Abdulla Yameen (@prz_ymn) May 21, 2022
ދިވެހި އަންހެނަކު ހިފަހައްޓަން ދިވެހި ސިފައިންގެ މީހަކު ދުވާ ވީޑިއޯއާއި ގުޅިގެން ސަލާމަތީ ބާރުތަކަށް ބޮޑެތި ފާޑުކިޔުންތަކެއް އަމާޒުވެފައިވެއެވެ. އެގޮތުން ބައެއް ފަރާތްތަކުން ވަނީ އެއީ އިސްރާއީލުން ފަލަސްތީނުގެ އަންހެނުންނަށް ދެމުންދާ ލާއިންސާނީ އަނިޔާފަދަ އަމަލެއްގެ ގޮތުގައާއި، އިސްރާއިޅް ސިފައިން ފަލަސްތީނުގައި ހަރަކާތްތެރިވާ ގޮތްކަމަށް ސިފަކޮށްފައިވެއެވެ.
އިންޑިއާ ހަރަކާތަކީ ޤައުމީ ސަލާމަތަށް ނުރައްކަލެއްކަމަށް ވިދާޅުވެ ރައީސް ޞާލިޙް ވަނީ އެހަރަކާތް ހުއްޓުވުމަށް ކަމާ ގުޅުންހުރި އިދާރާތަކަށް އަމުރުކޮށްފައެވެ. ނަމަވެސް އިދިކޮޅުން އިންޑިއާ އާއި ދެކޮޅަށް ހިންގާ ހަރަކާތްތައް މިހާތަނަށް ހުއްޓާލާފައެއް ނުވެއެވެ.
3 Responses
ބޭފުޅާ ގުދޯ ގުދޯ ގޮވަނީ ތޯ؟ ތިމާ މީހާ ކަންތައް ތައް ކުރި ގޮތް ނަކަލު ކުރީމާ ކަމު ނުދިޔައީ ދޯ.
އެކަން އެގޮތައް ނުކުރާނެ ކަމުގެ ވައުދުވެގެން ވެރިކަމަށް އަރާފަ އެގޮތައް ( ކުރިން ކުރި ގޮތައް ކުރީމަ) ދެން އެގޮތް ކަމުދާނެ މީހުން މަދުވާނެ އެކަމު ކަލޭ ފިޔަވައި ވެރިކަމަށް އެރީ ޔާމީނު ކަންކުރާ ގޮތް ގޯސްވެގެން ރަގަޅަށް އިންޞާފުން ކަންކުރުމުގެ ޓެގްއަޅާގެން ދެންއާސަ އެގޮތަށް ނުވަތަ އެޔަށްވުރެވެސް ގޯސްކޮށް ކަންކަން ކުރަން ފެށީމަ ދެންވާގޮތަކީ އޭތި ކަޑަވަނީ މިހާރު ސާފުވެއްޖެ ދޯ ކަމުދިޔަ ސަބަބު ދެންބަލާބަ އެޔަށް ވުރެ ރަނގަޅައް އެއްވެސް ކަމެއް ކުރެވޭތޯ.! ނުވާނެބެލިޔަސް. ޙަމަ ކަޑައީ މިސަރުކާރު.
ޤައުމުގެ ރައްޔިތުންނާއި ފުލުހުންނާއި ޖެހި މުޅި ޤައުމުގައި ހަމަނުޖެހުން އުފެދުމަކީ ޤައުމީސަލާމަތައްހުރި އަދި މާބޮޑު ނުރައްކަލެއް.