ސީދާ ލޯބިވެޔޭ ނުބުނެ ލޯބި ފާޅު ކުރެވޭނެ ގޮތްތަކެއް އެބަހުއްޓެވެ. ވަރަށް ކުދިކުދި ކަންކަމުން ވެސް، ދުލުން އަކުރުން އަކުރަށް ލޯބިވޭ ނުބުނެ، ހަދިޔާއަކުން ނުވަތަ ކޮށްލާ ކަމަކުން ލޯބިވާކަން ހާމަކުރުމަކީ ކުރެވޭނެ މުހިންމު ކަމެކެވެ.
ދުލުން ބުނެގެން ވެސް ލޯބިވާކަން ހާމަކުރެވިދާނެއެވެ. އެހެން ނަމަވެސް މި ކިޔައިދެނީ ލޯބިވާ ވަހަކަ ދުލުން ނުބުނެ އެހެންނަމެސް ލޯބިވާކަން ދެއްކިދާނެ 5 ގޮތެކެވެ.
1. ތައުރީފުކުރުން
ކުރާ ކަންތައްތައް ބަލައިގަތުމަކީ މީހުން ވަރަށް ގާޔާވާ ކަމެކެވެ. ހިތްވަރުދީ، ކުރާ ކަންކަން ބަލައިގަތުމާއި ތައުރީފު ކުރުމުން ލޯބިވާކަން ހާމަކޮށްދެއެވެ. މިފަދަ ކަންކަމަކީ ލޮތްބާއި ކުލުނު އަދި އަޅައިލުން ދައްކުވައިދޭ ކަމެކެވެ.
2. އެކުގައި ވަގުތުހޭދަކުރުން
ތިބާގެ ބައިވެރިޔާ އާއެކު ވަގުތު ހޭދަ ކުރުމަކީ ލޯބި އިތުރުވާ ކަމެކެވެ. ހަމަ އެކަނި ބައިވެރިޔާއަށް ހުރިހާ ސަމާލު ކަމެއް ދީ ބައިވެރިޔާ ދައްކާ ވާހަކަ އަޑު އެހުމަކީވެސް ލޯބިވާކަން ދެއްކުމަށް ކުރެވިދާނެ ލޯބި އިތުރުވާނެ ކަމެކެވެ.
3. ކުދިކުދި ކަންކަމުގައި އެހީވުން
ލޮތްބަކީ މުޅިންވެސް ކޮށްދޭ ކުދިކުދި ކަންތައްތަކުގެ މައްޗަށް ބިނާވެފައިވާ އެއްޗެކެވެ. ގޭތެރޭގައި ބައިވެރިޔާ ކުރާ ކަންކަމުގައި ބައިވެރިޔާއަށް އެހިތެރިވެދީ، ކުދި ކުދި ކަންކަން ކޮށްލަދިނުމަކީ ވެސް ހަމަ ލޮތްބެވެ.
4. ހަދިޔާ ދިނުން
ބައިވެރިޔާއަށް ހަދިޔާ ދީ ސަޕްރައިޒް ދިނުމަކީ ބައިވެރިޔާ ކުރާ ކަންކަން ބަލައިގަންނަކަން ދެއްކުމުގެ ގޮތުން ކުރެވިދާނެ ކަމެކެވެ. ދޭތެރެ އަކުން ހަދިޔާއެއް ގެނެސް ދިނުމަކީ ލޯބިވާކަން ހާމަކޮށްދިނުމަށް ކުރެވިދާނެކަމެކެވެ. ވަކި ދުވަހެއް ނުވަތަ މުނާސަބަތަކާ ގުޅުވައި ހަދިޔާ ދިނުމުގެ ބަދަލުގައި ދޭތެރެ ދޭތެރެއިން ހަދިޔާ އެއް ދިނުމުން ލޯބި އިތުރުވެއެވެ.
5. ފިޒިކަލް ޓަޗް
އަތުގައި ހިފާލުން ނުވަތަ ލޯބިން ބައްދާ ލުމަކީވެސް ލޯބި ފާޅު ކުރެވިދާނެ ގޮތެކެވެ. މިއީ ލޯބި ފާޅު ކުރުމަށް އެންމެ ފަސޭހަ ގޮތް ކަމުގައި ވެއެވެ. މި ނޫނަސް އަތުގައި ހިފާލައިގެން ހިނގާލަން ދިއުމާއި ދޭތެރެއަކުން ގޮވައިގެން ސައިކަލު ބުރެއް ޖަހާލަން ދިއުމަކީވެސް ހަމަ ލޯބި ކަންތައްތަކެވެ.
ހަފްތާ އަކު އެއްފަހަރު ނަމަވެސް ސައިކަލު ބުރެއް ޖަހާލަން ދިއުން ނުވަތަ ހަވީރެއްގައި ހިތްފަސޭހަ މާހައުލެއްގައި އަތާ އަތް ޖޯޑުކޮށް ހިނގާލުމަކީވެސް ލޯބި ފާޅުކުރެވިދާނެ ގޮތެކެވެ.
ލޯތްބަކީ ވަރަށް ތަފާތު އިހުސާސެކެވެ. އަދި ހަމަ އެއާއިއެކު ދިރިއުޅުމަށް އެންމެ މުހިންމު އެއްބައި ކަމުގައިވެސް ބުނެވިދާނެއެެވެ. އެހެން ކަމުން ލޯބިވެޔޭ ދުލުން ބުނުބުނި ކަމުގައި ވިޔަސް ލޯބި ފާޅުކުރެވޭނެ ތަފާތު ބަހުރުވަތައް އެބަހުއްޓެވެ.
