ޔޫއޭއީގެ ރައީސް ޝައިޚް ޚަލިފާ ބިން ޒައިދު، އުމުރުފުޅުން 73 އަހަރުގައި އަވަހާރަ ވެއްޖެކަމަށް، މިނިސްޓްރީ އޮފް ޕްރެޒިޑެންޝަން އެފެއަރޒްއާއި ހަވާލީ، ޔޫއޭއީގެ ލޯކަލް މީޑިއާތަކުން ރިޕޯޓު ކޮށްފިއެވެ.
"ޔޫއޭއީގެ ރައީސް، ހިޒް ހައިނެސް ޝެއިޚް ޚާލީފާ ބިން ޒައިދު އަލް ނަހުޔާން އަވާހަރު ވުމުގެ ހިތާމާގައި، މިނިސްޓްރީ އޮފް ޕެރެޒިޑެންޝަލް އެފެއަރޒްއިން ޔޫއޭއީގެ ރައްޔިތުންނަށާއި، ދުނިޔެއަށް ތައުޒިޔާ ފޮނުވަން،" އެމިރޭޓްސް ނިއުސް އޭޖެންސީ WAMގެ ސްޓޭޓްމަންޓުގައި ވިދާޅުވެފައި ވެއެވެ.
ޔޫއޭއީގެ ރައީސް އަވަހާރަ ވުމުގެ ހިތާމާގައި، މިނިސްޓްރީ އޮފް ޕްރެޒިޑެންޝަލް އެފެއަރޒްއިންވަނީ، ހުކުރު ދުވަހުން ފެށިގެން، 40 ދުވަހު ހިތާމަ ފާޅު ކުރާގޮތަށް ހަމަޖައްސާފައެވެ. އަދި ސަރުކާރު އޮފީސްތަކާއި އަމިއްލަ ތަންތަންވެސް 3 ވަސް ވަންދެން ބަންދު ކުރާގޮތަށްވެސް ވަނީ ހަމަޖައްސާފައެވެ. އަދި ދިދަތައް ބައި ދަނޑިއަށް ތިރި ކުރުމަށްވެސް ވަނީ ހަމަޖެހިފައެވެ.
ޝައިޚް ޚަލިފާ ބިން ޒައިދު ޔޫއޭއީގެ ރައީސްކަމާއި، އަބޫދާބީގެ ވެރިޔާގެ މަގާމް އަދާކުރަމުން އަންނަނީ 2004 ވަނަ އަހަރުގެ ނޮވެމްބަރުމަހުގެ 3ވަނަ ދުވަހުން ފެށިގެންނެވެ.
