އާންމުކޮށް ޑެޒާޓަކީ ކައިނިމިގެން ކާލާ އެއްޗެކެވެ. އެމީހެއްގެ އެންމެ ގަޔާވާ ކޮންމެވެސް ފޮނިއެއްޗެއް އަބަދުވެސް ކައިގެން ކާލާ މީހުން އުޅެއެވެ.
ނަމަވެސް ޑެޒާޓް ކެއުމަށް ރަނގަޅީ ކެއުމުގެ ފަހުންނެއް ނޫނެއެވެ. އެހެންނެއް ކަމަކު އެކްސްޕާޓުން ބުނާ ގޮތުގައި ޑެޒާޓް ކެއުމަށް އެންމެ ރަނގަޅީ ކެއުމުގެ ކުރިންނެވެ.
ކެއުމުގެ ކުރިން ޑެޒާޓް ކެއުމުން ލިބޭ ފައިދާ ތަކާމެދުގައި ވާހަކަ ދައްކަމުން ޑޮކްޓަރ ނިކިތާ ކޯލީ ބުނެފައިވަނީ ފޮނި އެއްޗެއްސަކީ ޑައިޖެސްޓް ވުމަށް ވަގުތު ނަގާ އެއްޗެހި ކަމަށެވެ. އަދި ކެއުމަށް ފަހު ޑެޒާޓް ކެއުމުން ކާނާ ހަޖަމް ވުމަށް ވަަރަށް ވަގުތު ނަގާކަމަށާއި އެހެން ކަމުން އެންމެ ރަނގަޅު ގޮތަކީ ކެއުމުގެ ކުރިން ޑެޒާޓް ކެއުން ކަމަށެވެ.
މީގެ އިތުރުން ޑެޒާޓް، ކެއުމުގެ ކުރިން ބޭނުންކުރުމުގެ ސަބަބުން ޓޭސްޓް ބަޑްތައް ހުޅުވި އެކްޓިވޭޓް ވާކަމަށެވެ. އަދި ކެއުމަށް ފަހު ޑެޒާޓް ކާނަމަ ގޭސް މައްސަލަތައް ދިމާވާ ކަމަށްވެސް ޑރ ވަނީ ވިދާޅުވެފައެވެ.
އެހެން ކަމުން ޑެޒާޓް ކެވެނީ އެންމެ ރަނގަޅު ވަގުތުގައި ތޯ ބެލުން މުހިންމެވެ. އަދި އެންމެ ފަހު ކެއުމެއްގެ ގޮތުގައި ޑެޒާޓް ބޭނުންކުރާ ބޭފުޅުން މި އާދަ ބަދަލު ކުރަން ޖެހޭކަމަށް ޑރ. ނިކިތާ ލަފާ ދެއެވެ.
