ބޮލީވުޑް އެކްޓަރ ސަންޖޭ ދަތަށް ކެންސަރު ޖެހުންކަން އެނގުނު ދުވަހު ވަރަށް ދެރަވެގެން ރުއި ކަމަށް އޭނާ ބުނެފިއެވެ.
ފުއްޕާމޭގެ ކެންސަރު ޖެހުނުކަން އެނގުމުން އަބިމީހާ އާއި ދަރިންނަށް ވާނީ ކިހިނެއްބާއޭ ހިތަށް އަރައި 3 ގަޑިއިރެއްހާއިރު ރުއި ކަމަށް ސަންޖޭ ވަނީ ބުނެފައެވެ.
ސަންޖޭއަށް ކެންސަރު ޖެހުނުކަން އެނގުނީ 2020 ވަނަ އަހަރުއެވެ. ނަމަވެސް މާ ބޮޑުވަރުނުވެ އޭނާ ވަނީ އެ ބަލިން ސަލާމަތް ވެފައެވެ.
"ކޭޖީއެފް: ޗެޕްޓާ 2″ ގެ ޕްރޮމޯޝަންގެ ތެރެއިން ވާހަކަދައްކަމުން އޭނާ ބުނެފައި ވަނީ ކެންސަރު ޖެހުނުކަން ކުއްލި ގޮތަކަށް އެނގުމަކީ ލިބުނު ވަރަށް ބޮޑު ޝޮކެއް ކަމަށެވެ.
"އެ ދުވަހު ޓެސްޓްތަކެއް ހެދިއިރު މުޅި ފުއްޕާމޭގައި ފެން ހެދިފައި އޮތީ. ދެން ޑޮކްޓަރުން މަސައްކަތްކުރީ އެ ފެން ބޭރުކުރަން. އޭރު ބެލެވުނީ ޓީބީ ކަމަށް،"
– ސަންޖޭ
ސަންޖޭ ބުނީ ކީމޯ ދިނުމުން އެބަލީގެ އެހެންމީހުން ވެސް ތަހަންމަލު ކުރި ކަންކަން އޭނާ ވެސް ތަހަންމަލު ކުރި ކަމަށެވެ.
ކެންސަރު ޖެހިފައިވާކަން އެނގުނީ ނޭވާއަށް އުނދަގޫވާތި ޑޮކްޓަރަށް ދެއްކުމުން ކަމަށާއި އެއީވެސް ހަމަ އަދާއިގެ ދުވަހެއް ކަމަށް އޭނާވަނި ބުނެފައެވެ. އަދި އޭރު ކުދިންނާއި އަނބިމީހާ ހުރީ ދުބާއީގައި ކަމަށްވެސް އޭނާ ވަނީ ބުނެފައެވެ.
ބަލިން ރަނގަޅުވުމާއެކު ކުރިއެކޭ އެއްގޮތަށް ސަންޖޭ ފިލްމީ މަސައްކަތްތައް ފެށިއެވެ. އަދި އޭނާ އަންނަނީ ވަރަށް ވަރުގަދަ ރޯލުތައް ކުޅެމުންނެވެ.
