މިއީ ވަރަށް ފަސޭހައިން ތައްޔާރު ކޮށްލެވޭ ވަރަށް މީރު ކުޅި އެއްޗެކެވެ.
ބޭނުންވާނެ ތަކެތި:
- 3 ރޮށި (ބޯކޮށް ދެފަރާތް ރޯފިލާވަރަށް ކުޑަކޮށް ފިހެލާފައި)
- 200ގ ކުކުޅު (ކުދިކޮށް ކޮށާފައި)
- 1/2 ސައި ސަމުސާ އަސޭމިރުސް
- 1/2 މޭޒުމަތީ ސަމުސާ މުގުރި ދިރި
- 1 ސަމުސާ މުގުރިމިރުސް
- 3 ލޮނުމެދު (ޗިސްކޮށްފައި)
- 1 ފިޔާ (ކުދިކޮށް ކޮށާފައި)
- ލޮނު
- ކޮރިއެންޑަރ ކޮޅެއް (ކުދިކޮށް ކޮށާފައި)
- 3 ޗީސް ސްލައިސް (މެދުން ބުރިކޮށްލާފައި)
- ލެޓިއުސް
- މަޔޮނައިޒް
ތައްޔާރު ކުރާނެ ގޮތް:
- ތަށްޓެއްގައި އަސޭމިރުސް, ދިރި އަދި މުގުރިމިރުސް އެއްކޮށްލުމަށްފަހު ކުކުޅު ކޮޅު އެއްކޮށްލާފައި ގަޑިއިރެއް ހާއިރު ފްރިޖަށްލައި މެރިނޭޓް ކޮށްލާށެވެ.
- ކުޑަ ތެޔޮ ކޮޅެއްގައި ފިޔާ، ލޮނުމެދު ރަތް ވަންދެން މީރުކޮށްލާށެވެ.
- މީރު ކުރި ފިޔާކޮޅުގެ ތެރެއަށް ކޮރިއެންޑަރ ކޮޅާއި މެރިނޭޓް ކުރި ކުކުޅު ކޮޅު އަޅައި ރޯފިލުވާލާށެވެ. އަދި ލޮނު ހެޔޮވަރު ކޮށްލާށެވެ.
- އެއަށްފަހު ފިހެފައި އޮތް ރޮށީގައި މަޔޮނައިޒް ކޮޅެއް އުނގުޅާލުމަށްފަހު މީރުކުރި ކުކުޅުކޮޅު މައްޗަށް އަޅާށެވެ. އަދި އޭގެ މައްޗަށް ލެޓިއުސް ފަތް ކޮޅެއް ލުމަށްފަހު ޗީސް ސްލައިސް ފަތުރާލާށެވެ.
- މިދެންނެވި ގޮތަށް އެއްޗެހި އެޅުމަށްފަހު ރޮށި ރޯލްކޮށް ބަންދުކޮށް، ޓޫތުޕިކަކުން ހަރުކޮށްލާށެވެ.
- އެއަށްފަހު ތަވާ މަތީގައި ދޭފަތުން ކުޑަކޮށް ފަތާކޮށްފައި ރޯލް ފިހެލާށެވެ.
ކޮމެންޓު ފޮނުވާ