ކޯވިޑުގެ ސަބަބުން ދިރިއުޅުމަށް އައި ގިނަގުނަ ބަދަލު ތަކުން އަދިވެސް އަރައިނުގަނެވިގެން އުޅޭއިރު ކޮފީއަކީ ގިނަ ބައެއްގެ ދިރިއުޅުމަށް އިތުރުވި އާދައެއް ކަމަށް ދިރާސާ ކުރާ ފަރާތްތަކުން ބުނެއެވެ.
ކޮފީން ސިއްހަތަށް ވާފައިދާ އާއި އެއްވަރަށް ގެއްލުންތައްވެސް ހުރިއިރު ގޭގައި ފިޓްކޮށް ތިބުމަށްޓަކައި މަޝްހޫރު ނިއުޓްރިޝަނިސްޓް އާރޫޝީ އަގަރުވާލް ވަނީ ޓިޕްސްތަކެއްދީފައެވެ.
ފިޓުކޮށް ތިބުމަށް ގޭގައި ޕްލޭނެއް ތައްޔާރު ކުރެވިދާނެއެވެ. ނިދާ ގަޑިތަކާއި ކާ ގަޑިތައް އަދި ކަސްރަތުކުރާ ގަޑި ތާވަލުކޮށް އެއާ އެއްގޮތަށް އަމަލުކުރެވޭތޯ ބަލާށެވެ. ވީހާވެސް މަދުން ފޯނާއި ލެޕްޓޮޕް ފަދަތަކެތި ބަލާށެވެ.
އެންމެ މުހިންމު ކަމަކީ ފެންބޯ މިންވަރު ގިނަކުރުމެވެ. އަބަދުވެސް ގޭގައި އުޅޭއިރު ފެންފުޅި ކައިރީގައި ގެންގުޅޭށެވެ. ގޭތެރޭގައިވެސް އަބަދު އިށީނދެ އޮށޯވެ ނޯވެ ހަރަކާތް އިތުރުކުރާށެވެ.
ދެން އެންމެ މުހިންމު ކަމަކީ ކޮފީ ބޮވޭވަރު ގިނަ ނަމަ މަދުކުރުމެވެ. ގިނައިން ކޮފީ ބޯނަމަ ގޭސް، އެންޒައިޓީ އަދި ބޮލުގައިރިއްސުން ފަދަ ކަންކަން ގިނަވާނެއެވެ.
ގަޑިންގަޑިއަށްކާށެވެ. ހާއްސަކޮށް ހެނދުނުގެ ސަޔަކީވަރަށް މުހިންމު ކެއުމެކެވެ. އޯޓްސް، މޭވާ އަދި ފައިބާ އެކުލެވޭ ބާވަތްތައް ދުވަހުގެ ހުރިހާކެއުމެއްގައި ހިމަނާށެވެ. އަބަދުވެސް ގޭގައި ތައްޔާތުކުރާ ތަކެތި ކެއުމަށް އާދަކުރާށެވެ.
ނިދި ހަމަކުރާށެވެ. ދުވާލަކު 8 ނުވަތަ 7 ގަޑިއިރުގެ ނިދި ހަށިގަނޑަށް ބޭނުންވެއެވެ. ނޫންނަމަ މީހާ ސްޓްރެސް ވުން އަވަސްވާނެއެވެ.
