ބައެއް މީހުންނަކީ ކިތަންމެ ގިނައިން ނިދިކަމުގައިވިޔަސް ފުރިހަމަ ނިދި ނުލިބޭކަމަށް ބުނާ މީހުންނެވެ. އަނެއްބަޔަކީ އަރާމު ނިންޖަކުން މަހުރޫހުމު ވެފައި ތިބި ބައެއް ކަމަށް ދައުވާ ކުރާ ބައެކެވެ. މީގެ އިދިކޮޅު މީހުންވެސް އުޅެއެވެ.
ކޮންމެއަކަސް އަރާމު ނިންޖަކީ ވަރަށް މުހިންމު ކަމެކެވެ. ދުވާލަކު މަދުވެގެން 8 ގަޑިއިރު ނިދުމަށް ސިއްހީ މާހިރުން އިރުޝާދު ދެއެވެ. އެހެންކަމުން އެ 8 ގަޑީރު އަރާމު ނިންޖަކުން ނިދާލުމަކީ ކޮންމެ މިހަކުވެސް ބޭނުން ވާނެކަމެކެވެ.
ހަމަ އެހެންމެ އަރާމު ނިންޖަކަށް ފަހު ހޭލާ އިރު، ދުވަސް ފެށުމަށް ތައްޔާރުވެވިފައި ހުރުމުގެ އިތުރުން ފިޒިކަލް އަދި މެންޓަލް ހެލްތަށް ވެސް އެކަމުގެ ރަނގަޅު އަސަރު ކުރެއެވެ. މިފަދަ ނިޖެއް ނުލިބޭނަމަ ނިދުމުގެ ކުރިން ބޭނުން ކުރެވިދާނެ ބައެއް ސައިތައް ނުވަތަ ބުއިންތަކަށް ބަލައިލާނަމެވެ.
ކަމޮމައިލް ޓީ
ހާބަލް ބުއިން ތަކަކީ އޭގައި އެކުލެވޭ ނެޗުރަލް ބައިތަކުގެ ސަބަބުން ހަށިގަނޑު ރިލެކްސް ކުރުމަށް އެހީވެދޭ އެއްޗެކެވެ. އެންޓިއޮކްސިޑެންޓުން މުއްސަދިވެފައިވާ މި ބުއިމަކީ އެންޒައިޓީ އާއި ޑިޕްރެޝަނަށް ވެސް ފަރުވާ އެކެވެ. ބޭސްވެރިކަމުގެ ގޮތުން ބަލާއިރު މި ބުއިމަކީ ހިތުގެ ބަލިތަކާއި ކެންސަރު ޖެހުން ކުޑަކޮށްދޭ އެއްޗެކެވެ.
މިއީ ތައްޔާރު ކޮށްލުމަށް ވަަރަށް ފަސޭހަ ބުއިމެކެވެ. ކޮށްލަންޖެހޭ ކަމަކީ ހޫނު ފެން ފޮދަކަށް ކަމޮމައިލް ކޮޅެއް އެޅުމަށްފަހު ދެތިން މިނިޓަށް ބެހެއްޓުމަށް ފަހު ފެންކޮޅު ވަކި ކޮށްލާނީއެވެ. އެއަށް ފަހު މާމުއި، އިނގުރު އަދި މިންޓް ލީވްސް ކޮޅެއް އެޅުމުން މި ބުއިން ތައްޔާރު ކޮށްލެވުނީއެވެ.
ގޯލްޑެން މިލްކް ވިތު ސެފްރޯން
މިލްކް ނުވަތަ ކިރަކީ އެންމެ ކުރީ ޒަމާނުއް ސުރެ އަރާމު ނިއްޖަކަށް ބޭނުން ކުރަމުން އައި ބުއިމެކެވެ. ނިދުމުގެ ކުރިން ހޫނު ކިރުތައްޓެއް ބުއިމުން އަރާމު ނިއްޖަކަށް މަގުފަހިވެއެވެ. މިއީ ސްޓްރެސް އާއި އިންސޮމްނިއާއަށް ވެސް ރަނގަޅު ބުއިމެކެވެ. ސެފްރޯނަކީ ގިނަ މިންވަރަކަށް އެންޓިއޮކްސިޑެންޓާއި މެގްނީޒިއަމް ހިމެނޭ އެއްޗެކެވެ. ރީނދުލަކީ އާންމުކޮށް ކެއުމުގައި ބޭނުން ކުރާ، އެންޓި – އިންފްލެމޭޓޮރީ އިން މުއްސަދި އެއްޗެކެވެ. އެހެން ކަމުން އަރާމު ނިންޖަކަށާއި އިންސޮމްނިއާ އާއި ޑިޕްރެޝަނުން ދުރުވުމަށް ހޫނު ކިރުތަށްޓަކަށް ސެފްރޯން އާއި ރީދޫ ކޮޅެއް އެއްކޮށްލުމަށް ފަހު ނިދުމުގެ ކުރިން ބޭނުން ކޮށްލާށެވެ.
އަޝްވަގަންދަ ޓީ
މިއީވެސް އަރާމު ނިއްޖަކަށް އެންމެ އެކަށީގެންވާ ބުއިމެކެވެ. މިއީ ގުދުރަތީ ބާވަތްތަކުން މުއްސަނދި ބުއިމެކެވެ. އަދި މިއީ ސްޓްރެސް ދުރުކުރުމަށް އެންމެ އެކަށީގެން ވާ ބުއިމެކެވެ. ހޫނު ފެން ފޮދެއް އުނދުން މައްޗަށް އުދުމަށްފަހު އަޝްވަގަންދަ ރޫޓް ކޮޅެއް އެއްކޮށްލައި، 3-4 މިނިޓް ކައްކާލުމަށްފަހު ބޭނުން ކޮށްލާށެވެ.
މިއީ އަރާމު ނިއްޖަކުން ނިދާލުމަށް ނިދުމުގެ ކުރިން ބޭނުން ކުރުން ރަނގަޅު ބުއިން ތަކެކެވެ. މި ބޭނުން ކުރުން ރަނގަޅީ ނިދުމުގެ 2 ނުވަތަ 3 ގަޑިއިރު ކުރިންނެވެ. އަދި ސްކްރީން ޓައިމް މަދުކުރުމާއި އަޑުމަޑު ތަނަކަށް ނިދާ ކޮޓަރި ހެދުންވެސް މުހިންމެވެ.
