ދީނީގޮތުން ހަށުކަށި ފިކުރުގެ މީހުން ހިތާވާގޮތަށް އެމަނިކުފާނަށް ބަސްތައް ރައްދު ކުރަމުން އަންނަ ކަމަށާއި އެއީ ވަރަށް ބޮޑު ނުރައްކަލެއް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުގެ އިދާރާއިން މިއަދު ނެރުނު ބަޔާނެއްގައި ވަނީ ރައީސް ނަޝީދުގެ މެސެޖެއް ހިއްސާކޮށްފައެވެ.
އެ މެސެޖުގައި އެމަނިކުފާނު ވިދާޅުވީ ރާއްޖޭގެ ސިޔާސީ ފަރާތްތަކުންދޭ ބަހުގެ ހަމަލާތަކާއި މިޑިއާ ރިޕޯޓްތަކުގައި އެމަނިކުފާނަކީ އިސްލާމްދީނުގެ އަސާސްތަކާ ޚިލާފަށް އުޅޭ މީހެއްގެ ގޮތުގައި ތަޞައްވަރުކުރަން މަސައްކަތް ކުރާތާ އަހަރުތަކެއް ވެއްޖެ ކަމަށެވެ. އަދި އެމަނިކުފާނާ ދެކޮޅަށް ރައްދުކުރާ ބަސްމަގު ހުންނަނީ ދީނީގޮތުން ހަރުކަށި މީހުން ހިތާވާގޮތަށް ކަމަށް ވެސް ރައީސް ނަޝީދު ވިދާޅުވިއެވެ.
"އެފަދަ ވާހަކަތައް އިންތިހާއަށް ނުރައްކާތެރިވެފައި، އޭގެ ހަމައެކަނި މަގްސަދަކީ އަޅުގަނޑުގެ ޖާނަށް ނުރައްކާ ދިނުމެވެ،" ރައީސް ނަޝީދު ވިދާޅުވިއެވެ.
ލާދީނީ މީހެއް ކަމަށް ބުނެ އެމަނިކުފާނުގެ ބޮލުގައި އަޅުވަމުންދާ އިލްޒާމްތަކަށް ފިޔަވަޅު އަޅާނެ ކަމުގެ އުންމީދުގައި ހުރި ކަމަށް ވެސް ރައީސް ނަޝީދު ވިދާޅުވިއެވެ.
2020 ވަނަ އަހަރު ރައީސް ނަޝީދު ކްރިސްމަސްގެ ތަހުނިޔާ ފާޅުގައި ދިވެހީންނަށް ފޮނުވާފައިވެއެވެ. އަދި މިދިޔަ އަހަރު ވެސް އަނެއްކާ ކްރިސްމަސްގެ ތަހުނިޔާ ކިޔުން ތަކުރާރުކޮށް ފޮޓޯ އާންމު ކޮށްފައިވާތީ އެ މައްސަލަ ރައްޔިތުންގެ އިއްތިހާދުން ވަނީ ފުލުހުންނަށް ހުށަހަޅާފައެވެ.
މީގެއިތުރުން ހަސަން ކުރުސީގެ ނަމުގައި ހިންގާ ޓްވިޓާ އެކައުންޓެއްގައި ރާއްޖޭގައި އެހެން ދީންތައް ފެތުރުމަށާއި އިސްލާމްދީނުގައި ހަރާމްކުރައްވާފައިވާ ބައެއް ކަންތައްތައް ކުރުމަށް ހިތްވަރުދޭ ކަމަށް ފާހަގަވެފައިވާއިރު، އެ ކައުންޓަކީ ރައީސް ނަޝީދު ގެންގުޅުއްވާ އެކައުންޓެއް ކަމަށް ގިނަ ބަޔަކު ތުހުމަތު ކުރެއެވެ. އެ ތުހުމަތުތަކަށް އެމަނިކުފާނު އެއްވެސް އެއްޗެއް މިހާތަނަށް ވިދާޅުވެފައެއްނުވެއެވެ.
2 Responses
ދެން މިމުޖުތަމަޢުގައި އިސްލާމް ދީނާ ދެކޮޅު ވާހަކަ ދެއްކީމާ އެވާހަކަ ރައްޔިތުން ނުދައްކަންވީތޯ ތިވިދާޅުވަނީ.
ހިއެއް ނޫން ޑެންމާުކުގައި ފާޅުގައި ﷲ އަށް ގޮންޖަހައި ރަސޫލާ( ޞޢވ) އަށް ފުރައްސާރަ ކުރުމުން ރައްޔިތުން އެވާހަކަ ނުދައްކައި ނުތިބޭނެ.