އިދިކޮޅުން ކުރިއަށްގެންދާ އިންޑިއާ ހަރަކާތަށް ޓޫރިޒަމް މިނިސްޓަރ ޑރ.ޢަބްދުﷲ މައުސޫމްވެސް ފާޑުވިދާޅުވެއްޖެއެވެ.
މައުސޫމް ފާޑުވިދާޅުވެފައިމިވަނީ އިންޑިއާ އައުޓް ހަރަކާތް ފުޅާކުރުމަށް ރައީސް ޔާމީން އަތޮޅުތެރެއަށް ކުރައްވާ ދަތުރުފުޅުގައި އިއްޔެ މާލެއަތޮޅު ތުލުސްދުއަށް ވަޑައިގެން އުޅުއްވިއިރު، އިންޑިއާ އައުޓް ޓީޝާޓުގައި ބޭރު މީހުންވެސް ތިބި ފޮޓޯތަކެއް ސޯޝަލް މީޑިއާގައި އާންމުވުމާއި ގުޅިގެންނެވެ.
އެކަމަށް ފާޑުވިދާޅުވެ ޓޫރިޒަމް މިނިސްޓަރ ޑރ.ޢަބްދުﷲ މައުސޫމް ވިދާޅުވީ، ޓީމުން ބޭރުމީހުން ގަންޖުފަރާސް ލައްވާފަ ޓީީމަށް ގޭމުކުޅެން އެރުވުމަކީ ކުޅިވަރުގެ ރޫހާ މުޅިން މުޑިއަރާ ސުމެއްގެ ކަމެއްކަމަށެވެ.
ޓީމުންބޭރުމީހުން ގަންޖުފަރާސް ލައްވާފަ ޓީީމަށް ގޭމުކުޅެންއެރުވުމަކީ ކުޅިވަރުގެ ރޫހާމުޅިން މުޑިއަރާ ސުމެއްގެ ކަމެއް.
(ނޯޓު: ގޭމޭ ބުނެވުނުބަހުގެ މާނައިގާ ސިޔާސީގޭމު އިސްވެގެންވެއެވެ)— Abdulla Mausoom (@Mausoom_Maus) December 17, 2021
އިދިކޮޅުން ކުރިއަށްގެން ހަރަކާތަށް ސަރުކާރަށް ތާޢީދުކުރާ ފަރާތްތަކުން ގެންދަނީ ވަރަށް ބޮޑަށް ފާޑުވިދާޅުވަމުންނެވެ. ސަރުކާރަށް ތާޢީދުކުރާ ފަރާތްތަކުން ބުނަމުންދަނީ އިންޑިއާ އައުޓް ހަރަކާތުގެ ސަބަބުން އިންޑިއާއެކު ރާއްޖެއިން އޮތް ޒަމަންވީ އެކުވެރި ގުޅުމަށް ބުރޫ އަރާނެކަމަށެވެ. އިންޑިއާ އަކީ ރާއްޖެއަށް ބޭނުންވާ އަސާސީ އެތައް މުދަލެއް އެތެރެ ކުރާ ޤައުމަކަށް ވީހިނދު، އިދިކޮޅުގެ ހަރަކާތުގެ އަސަރު މިކަމަށްކޮށް، ރާއްޖެއަށް ބޮޑެތި ގެއްލުންތަކެއް ކުރިމަތިވެދާނެކަމަށެވެ.
