ފިލިޕީންސްގެ މިހާރުގެ ރައީސް ރޮޑްރިގޯ ޑުޓާޓޭ އަންނަ އަހަރު ބޭއްވުމަށް ހަމަޖެހިފައިވާ އެގައުމުގެ ސެނެޓްގެ އިންތިޚާބުގައި ވާދަކުރުމަށް ނިންމާފައިވާކަން ޑުޓާޓޭ އަރިސް ބޭފުޅުން ހާމަ ކޮށްފިއެވެ.
ޑުޓާޓޭ ފިިލިހިންސްގެ ސެނެޓަށް ވާދަކުރައްވަން ނިންމެވުމާއެކު، ކުރިޔަށް އޮތް ފިލިޕީންސް ރިޔާސީ އިންތިޚާބުގައި، އެގައުމުގެ ނާއިބު ރައީސަކަށް ވެވަޑައިގަތުމަށް އޭނާގެ އަންހެން ދަރިފުޅާއި ޑުޓާޓޭ ވާއްދަ ކުރައްވާނެ ކަމަށް ކުރެވެމުން ހީތަކަށް މިހާރުވަނީ ނިމުން އައިސްފައެވެ.
ކުރިޔަށް އޮތް ރިޔާސީ އިންތިޚާބުގައި ވާދަކުރައްވާ، ޑުޓާޓޭގެ އެންމެ ގާތް އެކުވެރިޔާ ކްރިސްޓިފަ ބިންގ ގޯ ރޮއިޓާސްއާއި ވާހަކަ ދައްކަވަމުން ވިދާޅުވެފައިވަނީ، 2022ވަނަ އަހަރުގެ ބޭއްވުމަށް ހަމަޖެހިގައިވާ ސެނެޓްގެ އިންތިޚާބުގައި ސެނެޓްގެ ގޮޑިއަކަށް ޑުޓާޓޭ ވާދަ ކުރައްވާނެ ކަމުގައެވެ.
އެހެންނަމަވެސް ގޯގެ މި މައުލާތަކީ، ޑުޓާޓޭގެ ކޮމިއުނިކޭޝަން ޗީފް މީޑިއާތަކަށް މީގެކުރިން ދީފައިވާ މައުލޫމާތުތަކާ ފުށުއަރާ މައުލޫމާތު ތަކެކެވެ. ޑުޓާޓޭގެ ކޮމިއުނިކޭޝަން ޗީފު މި ހަފްތާގެ ހޮނިހިރު ދުވަހު ވިދާޅުވެފައިވަނީ، ނާއިބުރައީސްކަމަށް ވާދަކުރައްވާ އޭނާގެ ދަރިފުޅާއި ޑުޓާޓޭ ވާދަކުރައްވާނޭ ކަމުގައެވެ.
އެހެންނަމަވެސް އޭގެފަހުން ރައީސްގެ ތަރުޖަމާން ހެރީ ރޯކުވަނީ ޑުޓާޓޭ އޭނާގެ ދަރުފުޅާއި ވާދަ ނުކުރައްވާނޭކަމުގެ ޔަގީންކަން ހޯމަ ދުވަހު ދެއްވާފައެވެ.
"އަހަރެން ދަންނަވާނީ، ބައްޕައާއި ދަރިފުޅު ދެމީހުން އެކަކު އަނެކަކު ދެކެ އިންތިހާއަށް ލޯބި ވާކަމަށް،" ރޯކު ވިދާޅުވެފައި ވެއެވެ.
"އެ ދެމީހުން ދުވަހަކުވެސް އެކަކު އަނެކަކާއި ވާދައެއް ނުކުރާނެ."
ޑުޓާޓޭގެ މި ނިންމުން އާންމު ކުރެވިފައި މިވަނީ، ފިލިޕީންސްގެ ސިޔާސީ ޕާޓީތަކުން ރިޔާސީ އިންތިޚާބުގައި ވާދަކުރާނޭ ކެނޑިޑޭޓުން ޔަގީންކުރުމުގެ ވަގުތު ކުޑަތަން ވެފައި ވަނިކޮށެވެ. މިގޮތުން މިފަހްތާގެ ހޯމަ ދުވަހުގެ ޖީއެމްޓީ ގަޑިން 9:00 އާއި ހަމައަށް ނަން ހުށަހެޅުން، ނުވަތަ އަބުރާ ގެންދިއުން ނުވަތަ ކުރިމަތިލީ މަގާމަށް އެހެން މީހެއްގެ ނަން ހަމަޖެއްސުމުގެ ފުރުސަތު ހުޅުވާލެވިފައި އޮތެވެ.
ފިލިޕީންސްގެ ގާނޫނު އަސާސީ އޮތް ގޮތުން ޑުޓާޓޭއަށް ދެން ފިލިޕީންސްގެ ރިޔާސީ އިންތިޚާބުގައި ވާދައެއް ނުކުރެއްވޭނެއެވެ. އެހެންނަމަވެސް، އިންތިޚާބީ އެހެން މަގާމްތަކަށް އަދިވެސް ވަޑައިގެންނެވޭނެއެވެ.
