ނަސްރުގެ ދުވަހާއި ގުޅިގެން ދައުލަތުގެ މީޑިއާއާއިން، ދުވަހައި ގުޅޭ އެއްވެސް ޕްރޮގުރާމެއް ނުދައްކާ ގޮތަކަށް ޝެޑިއުލް ނެރުމަށްފަހު ކުއްލިއަކަށް ނަސްރުގެ ދުވަހުގެ ޕްރޮގުރާމެއް ދައްކަން ނިންމައިފިއެވެ.
ދައުލަތުގެ މީޑިއާ ޓީވީއެމްއިން މިއަދަށް ނެރުނު ޝެޑިއުލްގައި ދުވަހައި ގުޅޭ ޚާއްސަ އެއްވެސް ޕްރޮގުރާމެއް ހިމަނާފައިނުވެއެވެ. މިކަމާއި ގުޅިގެން ބައެއް މީޑިއާތަކަށް މައުލޫމާތު ދެއްވަމުން ޕީއެސްއެމްއެން ހިންގުމާއި ހަވާލުވެ ހުންނެވި މެނޭޖިރެކްޓަރ އަލީ ޚާލިދު ވިދާޅުވީ އޭނާ ޕީއެސްއެމްއާ ހަވާލުވެ ވަޑައިގެންނެވީއްސުރެ ނަސްރުގެ ދުވަހަކީ "ބީ ކެޓަގަރީ" ގެ ދުވަހެއް ކަމަށެވެ. އެއީ ކުރީއްސުރެ އަމަލު ކުރަމުން އައި ގޮތެއް ކަމަށް އޭނާ ވިދާޅުވިއެވެ.
އަލީ ޚާލިދު ބުނާ ގޮތުން އޭ ކެޓަގަރީގައި ހިމެނެނީ ނޮވެމްބަރު 11 ގައި ފާހަގަކުރާ ޖުމްހޫރީ ދުވަހާއި ޖުލައި 26 ގައި ފާހަގަކުރާ މިނިވަން ދުވަސް އަދި އީދު ފަދަ ދުވަސްތަކެވެ. ޓީވީއެމްއިން ނަސްރުގެ ދުވަހުގެ ޕްރޮގުރާމެއް ދެއްކުމަށް ޝެޑިއުލް ކޮށްފައި ނުވިނަމަވެސް ފާޑުކިޔުން ބިޑުވުމުން ކުއްލިއަކަށް މިއަދު 2:30 ގައި ޕްރޮގުރާމެއް ދެއްކުމަށް ވަނީ ޝެޑިއުލްކޮށްފައެވެ.
ޕްރޮގްރާމް ގައިޑް#programmeguide pic.twitter.com/LCoiLqPVQv
— Television Maldives (@tvmaldives) November 2, 2021
ބޮޑަށް ބެލެވޭ ގޮތުގައި މި ޕްރޮގުރާމު ޝެޑިއުލްކޮށްފައިވަނީ، މީޑިއާތަކުން ދުވަހާއި ގުޅޭ އެއްވެސް ޕްރޮގުރާމެއް ނުގެންދީ ފާޑުކިޔުން ޕްރެޝަރުތައް ކޮންޓްރޯލް ކުރުމަށް ކަމަށް ބެލެވެއެވެ.
ނަޞްރުގެ ދުވަހުގެ ޚާއްޞަ ޕްރޮގްރާމުތަމުގެ ތެރެއިން “ފަޚުރު’
14:30 ގައި#Fakhuru #VictoryDaySpecial pic.twitter.com/WGYqzdzIQ1— Television Maldives (@tvmaldives) November 3, 2021
ނަސްރުގެ ދުވަހަކީ ދައުލަތުގެ މީޑިއާއިއިން މީގެ ކުރިން ކުލަގަދަކޮށް ފަހަގަކޮށް، ތަފާތު ޕްރޮގުރާމުވެސް ދެއްކި ދުވަހެކެވެ.
ކޮމެންޓު ފޮނުވާ