ތުރުކީގެ މުގްލާ ރީޖަންގެ ރަށް ބޭރުގައި، އަގުބޮޑު ޔޮޓެއްގައި، އެމޭޒަންގެ ވެރިޔާ، ބިލިއަނަރ ޖެފް ބެޒޮސްއާއެކު، ބިލް ގޭޓްސް އޭނާގެ 66ވަނަ އުފަން ދުވަސް ފާހަގަ ކޮށްފިއެވެ.
ތުރުކީގެ މުގްލާ ރީޖަންއަކީ، މޫދަށް ވާގޮތަށް އޮންނަ ތުރުކީގެ މަޝްހޫރު ޓޫރިސްޓް ޓައުންއެކެވެ.
އެމޭޒަންގެ ބާނީ އަދި އެކްޒެކެޓިވް ޗެއާމަންގެ ޖެފް ބެޒޮސްގެ މިލްކިއްޔާތުގައި 195.9 ބިލިއަން ޑޮލަރު އެބަހުއްޓެވެ.
ތުރުކީގެ ނޫސްތަކުން ރިޕޯޓު ކޮށްފައިވާ ގޮތުގައި، މައިކްރޯސޮފްޓްގެ ބާނީ، އަދި ބިލިއަނަރު ބިލް ގޭޓްސް އޭނާގެ އުފަންދުވަސް ފާހަގަ ކޮށްފައިވަނީ، ތުރުކީގެ ރައްބޭރުން، މެޑިޓެރޭނިއަން ކަޑުގެ ކަނޑު އޮޅިއެއްގައި އޮތް ޔޮޓެއްގައި، އޭނާގެ ގާތް 50ހަކަށް އެކުވެރިންނާ އެކީގައި ކަމަށެވެ. މި މީހުންގެ ތެރޭގައި ބިލިއަނަރ ޖެފް ބެޒިސްވެސް ހިމެނޭކަމަށްވެސް ތުރުކީގެ ނޫސްތަކުގައި ރިޕޯޓު ކޮށްފައި ވެއެވެ.
ބިލް ގޭޓްސްއަށް 66 ފުރިފައިވަނީ ފާއިތުވެދިޔަ އޮކްޓޯބަރު މަހުގެ 28ވަނަ ދުވަހުއެވެ.
މީޑިއާ ރިޕޯޓުތައް ބުނެފައިވާ ގޮތުގައި، ބިލް ގޭޓްސް އޭނާގެ އުފަން ދުވަސް ފާހަގަ ކުރި ޔޮޓުގައި، ޖަކޫޒީއާއި، ޖިމްގެ އިތުރުން ފަތާ ފެންގަޑާއި އަދި މިނޫނަސް މިފަދަ އެތައް ޚިދުމަތެއް ލިބެން ހުރެއެވެ.
ބިލް ގޭޓްސް މި ޔޮޓު ކުއްޔަށް ހިފާފައިވަނީ ހަފްތާއަކަށް 2 މިލިއަން ޑޮލަރަށެވެ.
ބިލް ގޭޓްސްގެ އުފަން ދުވަހުގެ މި ޕާޓީގައި މި ޔޮޓުގައި މަސައްކަތް ކުރި މީހުން ބުނެފައިވަނީ، އުފަން ދުވަސް ފާހަގަ ކުރަމުން ދިޔައިރު، އެމީހުންނަށް ޔޮޓުގައި ފޯން ބޭނުން ކުރުމާއި، އަދި ފޮޓޯ ނެގުންވެސް، ބިލް ގޭޓްސްއާއި އޭނާގެ އެކުވެރިންގެ ޕްރައިވެސީއަށް އިހުތިރާމް ކުރުމުގެ ގޮތުން، މަނާކުރެވިފައިވާ ކަމުގައެވެ.
މީގެ ކުރިން ބިލް ގޭޓްސްއަކީ ދުނިޔޭގައި ހުރި އެންމެ މުއްސަދި މަހުޖަނުއެވެ. އޭނާގެ މިލްކިއްޔާތުގައި 136.1 ޑޮލަރު އެބަހުއްޓެވެ.
