މިއަދު މަޖިލީހުގެ ސްޓޭޓް އޯންޑް އެންޓަރޕްރައިޒަސް ކޮމިޓީއިން ފްލެޓްތަކަށް ކުރި ޒިޔާރަތުން ފެނިގެން ގޮސްފައިވަނީ ރައްޔިތުންނަށްޓަކައި ވެރިކަން ކޮށްދެއްވި ވެރިއެއްގެ އިޚްލާސްތެރި މަސައްކަތް ކަމުގައި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ސްޓޭޓް އޯންޑް އެންޓަރޕްރައިޒަސް ކޮމިޓީއިން މިއަދު ވަނީ ސަރުކާރު ހިއްސާވާ ކުންފުނިތަކުގެ ފްލެޓްތަކާއި، ހިޔާ ފްލެޓްތަކަށްވެސް ޒިޔާރަތްކޮށް ހާލަތު ހައްލަވާލާފައެވެ. މެމްބަރުންގެ މި ޒިޔާރަތުގައި އެންމެ ބޮޑަށް ފާހަގަ ވެގެން ގޮސްފައިވަނީ ވެރިއެއްގެ އިޚްލާސްތެރި މަސައްކަތް ކަމަށް ޝިޔާމް ވިދާޅުވިއެވެ. ހިޔާ ފްލެޓަކީ ރައީސް ޔާމީންގެ ވެރިކަމުގައި ރައްޔިތުންނަށް ބޯހިޔާ ވަހިކަން ފޯރުކޮށް ދިނުމަށް އެޅި އިމާރާތްތަކެކެވެ.
ރައީސް ޔާމިން ހިޔާ މަޝްރޫޢުގެ ދަށުން ސަރުކާރު ކުންފުނިތަކާ ހަވާލުކުރެއްވި ފްލެޓުތަކުގެ މަސައްކަތްތައް ބަލާލަން މަޖިލީހުގެ އެސް.އޯ.އީ ކޮމިޓީއިން ކުރިޒިޔާރަތުގައި ފެނުނީ ރައްޔިތުންނަށް ވެރިކަންކޮށްދެއްވި ވެެރިއެއްގެ އިޚްލާސްތެރިކަން.
– ޝިޔާމް ވިދާޅުވިއެވެ.
ރައީސް ޔާމިން ހިޔާ މަޝްރޫޢުގެ ދަށުން ސަރުކާރު ކުންފުނިތަކާ ހަވާލުކުރެއްވި ފްލެޓުތަކުގެ މަސައްކަތްތައް ބަލާލަން މަޖިލީހުގެ އެސް.އޯ.އީ ކޮމިޓީއިން ކުރިޒިޔާރަތުގައި ފެނުނީ ރައްޔިތުންނަށް ވެރިކަންކޮށްދެއްވި ވެެރިއެއްގެ އިޚްލާސްތެރިކަން.#FreePresidentYameenNow pic.twitter.com/lH7daKdfYa
— Ahmed Shiyam (@Shiyamaldives) October 28, 2021
މި ޒިޔާރަތުގައި ކޮމެޓީގެ ގިނަ މެމްބަރުން ވަނީ ބައިވެރި ވެފަައެވެ. ސަރުކާރު ހިއްސާވާ ކުންފުނިތަކުގެ ތެރެއިން ގިނަ ކުންފުނިތަކުގެ ފްލެޓްތައް މިހާރުވަނީ ނިމުމާއި ގާތަށް ގޮސްފައެވެ. އެންމެ ބޮޑަށް މިހާރު މަސައްކަތް ނިމިފައިވާ އެއް ފްލެޓަކީ އެމްއޭސީއެލްގެ ފްލެޓްތަކެވެ. އެފްލެޓްތަކުގެ މަސައްކަތުގެ 90 އިންސައްތަ މަސައްކަތް ވަނީ ނިންމާލާފައެވެ.
މީގެ އިތުރުން ސްޓެލްކޯގެ ފްލެޓްތަކުގެ މަސައްކަތްވެސް ވަރަށް ބާރަށް ދެއެވެ. އެކުންފުނީގެވެސް އަމާޒަކީ ވީހާވެސް އަވަހަށް ފްލެޓް ނިންމައި، ހައްގުވެރިންނަށް ފްލެޓް ހަވާލު ކުުރުމެވެ. އެމްޕީއެލްގެ ފްލެޓްތަކުގެ މަސައްކަތްވެސް އެކުންފުނިން ދަނީ ކުރަމުންނެވެ. އެމްޕީއެލްއިން އަމާޒު ކޮށްފައިވަނީ އަންނަ އަހަރުގެ ކުރީކޮޅު ނުވަތަ އަންނަ އަހަރުގެ މެދު ތެރޭގައި ފްލެޓްތަކަށް މީހުން ވެއްދޭ ވަރު ކުރުމެވެ.
