ފަތުރުވެރިންނަށް ހާއްސަ އިނާޔަތްތަކެއް ލިބޭ "ބޯޑަރ މައިލްސް" ޕްރޮގްރާމުގެ އެމްބެސެޑަރަކަށް ހަމަޖެއްސި ހޯޒޭ އެންރީކޭ ފުރަތަމަ ފަހަރަށް ރާއްޖެ އަތުވެއްޖެއެވެ.
އޭނާ ކުރިން ލިވަރޕޫލް އެފްސީ އަދި ނިއުކަރސަލް ޔުނައިޓެޑްގެ ޑިފެންޑަރެއްގެ މަޤާމު އަދާކޮށްފައިވާ ކުޅުންތެރިއެކެވެ. މޯލްޑިވްސް ބޯޑަރ މައިލްސް ޕްރޮގްރާމަކީ ކޯވިޑް-19ގެ ބަލިމަޑުކަމާއެކު ދިވެހިރާއްޖޭގެ ބޯޑަރު ބަންދުކުރުމާ ގުޅިގެން، ފަތުރުވެރިން ރާއްޖެއައުން ހުއްޓި، ޤައުމުގެ އިޤްތިޞާދަށް އައި ހީނަރުކަމުން އަރައިގަނެ، ރާއްޖޭގެ ފަތުރުވެރިކަން އާ ހަރުފަތަކަށް ގެންގޮސް، އިތުރަށް ކުރިއެރުވުމަށްޓަކައި މޯލްޑިވްސް އިމިގްރޭޝަންގެ އިސްނަގައިގެން ތައާރަފްކޮށްފައިވާ ޕްރޮގުރާމެކެވެ. މިއީ ދުނިޔޭގައި ވެސް މިފަދަ ޕްރޮގްރާމެއް ފެށި ފުރަތަމަ ފަހަރެވެ.
The first Brand Ambassador of the Maldives Border Miles visits Maldives for the promotional purposes of the Program and Maldives as a destination.
Read more: https://t.co/hmYpjO0XPb
.
.
.#bordermilesmv #VisitMaldives pic.twitter.com/tvJ80FoMnH— Maldives Border Miles (@BorderMilesMv) October 22, 2021
އެންރީކޭ މި ދަތުރުގައި މޯލްޑިވްސް ބޯޑަރ މައިލްސް ޓީމާއެކު ރާއްޖެ އިޝްތިހާރު ކުރުމުގެ އެކި ހަރަކާތްތަކުގައި ބައިވެރިވުމަށް ވަނީ ހަމަޖެހިފައެވެ. މޯލްޑިވްސް ބޯޑަރ މައިލްސް ޕްރޮގްރާމްގެ އެންމެ ފުރަތަމަ އެމްބެސެޑަރަކަށް ޖޯސް ހަމަޖެއްސުމާ ގުޅިގެން އޭނާ ބުނެފައިވަނީ މިއީ އޭނާއަށް ލިބުނު ވަރަށް ބޮޑު ޝަރަފެއްކަމަށެވެ. ރާއްޖެއަކީ ޗުއްޓީ ހޭދަކޮށްލުމަށް އޭނާއަށް އެންމެ ކަމުދާ މަންޒިލްކަމަށާ، އަދި ޖޯސް ރާއްޖެ ސިފަކުރެއްވީ ދުނިޔެމަތީގެ ސުވަރުގޭގެގޮތުގައެވެ.
މި ޕްރޮގްރާމުގެ ބައިވެރިންނަށް ލިބޭ ޚާއްސަ ފައިދާތައް ބެހިގެންވަނީ 3 ދަރަޖައަކަށެވެ. ބްރޮންޒް އަށް ދީފައިވާ ނަމަކީ "އައިދަ"އެވެ. ސިލްވަރ އަށް "އަންތަރަ" ކިޔާއިރު ގޯލްޑަށް ކިޔަނީ "އަބާރަނަ"އެވެ. މިއިން ކޮންމެ ދަރަޖައަކަށް ލިބޭ އިނާޔަތްތައްވެސް ތަފާތެވެ.
ބޯޑަރ މައިލްސް ޕްރޮގްރާމްގައި ބައިވެރިވުމަށް ފަތުރުވެރިން ރާއްޖޭގައި މަދުވެގެން 3 ދުވަސް މަޑުކުރަންޖެހެއެވެ. އަދި މަޑުކުރަންޖެހޭނީ ޓޫރިސްޓް ފެސިލިޓީއެއްގައެވެ. މޯލްޑިވްސް އިމިގްރޭޝަނުން އިސްނަގައިގެން ޓޫރިޒަމް މިނިސްޓްރީއާއި ގުޅިގެން ތަޢާރަފުކުރި މި ޕްރޮގްރާމުގައި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯރޕަރޭޝަން، (އެމްއެމްޕީއާރްސީ)އާއި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމް.އޭ.ސީ.އެލް ވަނީ ޕާޓްނަރުންގެ ގޮތުގައި ބައިވެރިވެފައެވެ.
ކޮމެންޓު ފޮނުވާ