ރައީސް ނަޝީދަށް 6 މޭގައި ދިން ޓެރަރިސްޓު ހަމަލާގައި އެމަނިކްފާނުގެ ހަށިކޮޅަށް ލިބިގެންދިޔަ ބޮޑެތި އަނިޔާތަކުގެ ތެރެއިން 3 އިގިއްޔެއް ބަޅުވެފައިވާ ކަމަށާއި އަދި ބުރިކޮށްލަން ޖެހޭކަމަށް ވިދާޅުވެފައިވާ ކަމަށާއި، އެހެންނަމަވެސް އިގިލިތަށް ހުރީ ދިމާ ތެދަށްކަމަށް ވިދާޅުވެ، ރައީސް ނަޝީދު ހައްދަވާފައިވަނީ އިތުރުފުޅެއްކަމުގައި، ރައްޔިތުންގެ މަޖިލިހުގެ ދިއްދޫ ދާއިރާގެ ކުރީގެ މެމްބަރު ލަތީފް ވިދާޅު ވެއްޖެއެވެ.
6 މޭގެ ޓެރަރިސްޓް ހަމަލާއަށްފަހު ފަރުވާ ހޯއްދެވުމަށް 6 މަހެއްހާ ދުވަހު ރާއްޖެއިން ބޭރުގައި ހުންނެވުމަށްފަހު އިއްޔެ ހަވީރުގެ ވަގުތެއްގައި ރައީސް ރައީސް ނަޝީދު މާލެ ވަޑައިގެން، މިއަދު ރައްޔިތުންގެ މަޖިލިހުގެ ޖަލްސާތަކަށްވެސް ނިކުންނަވަން ފަށްޓަވާފައިވާއިރު، ލަތީފް މިއަދު ކުރެއްވި ޓުވީޓެއްގައި ވިދާޅުވެފައިވަނީ، ރައީސް ނަޝީދުގެ ބަޅުވެފައިވާ ތިން އިނގިލި ބުރިކޮށްލަން ޖެހޭކަމަށް ވިދާޅުވެފައިވި ނަމަވެސް ފޮޓޯތަކުން ފެންނަން ހުރި ގޮތުގައި، މި ތިން އިނގިލިވެސް ހުރީ ދިމާ ތެދަށް ކަމަށެވެ. އަދި ލަތީފުވަނީ ރައީސް ނަޝީދު ތެދެއް ހައްދަވާނީ ކޮންރިކުންތޯ ސުވާލު ކުރައްވާފައެވެ.
ބަޅުވެފައިވާ ތިން އިގިލި ބުރިކޮށްލަންޖެހޭ ކަމަށް ބުނެފައިވާއިރު އިގިލިތައް އެހުރީ ދިމާތެދަށް. ފޮޓޯތަކުން އެހުރީ ފެންނަން. ނަޝީދު ތެދެއްބުނާނަމަ ހާދަ ރަގަޅުވާނެއެވެ. ހެޔޮވާނީކިހިނެއްތޯ؟
— Abdul Latheef (@funamalatheef) October 12, 2021
6 މޭގެ ޓެރަރިސްޓް ހަމަލާއަށްފަހު ބައެއް އިގިލިތަށް ބަޅުވެފައިވާކަމަށް ރައީސް ނަޝިދުވިދާޅުވާ ވިދާޅުވުން ލަތީފް ދޮގު ކުރައްވާފައވާ ވާއިރު، ލަތީފަކީ ރައީސް ޔާމިންގެ ވެރިކަމުގައި ގޮޑި ގެއްލުނުކަމަށް އޭރުގެ ސުޕްރީމް ކޯޓުން ނިންމި 12 މެމްބަރުންގެ ތެރޭގައި ހިމެނޭ ބޭފުޅެކެވެ. އަދި އޭރު ލަތީފްވަނީ ވަނީ ރައީސް ޔާމިންގެ ސަރުކާރާ ދެކޮޅަށް ވަރަށް ބޮޑަށް މަސައްކަތްވެސް ކުރައްވާފައެވެ. އެހެންނަމަވެސް، މި ސަރުކާރު ވެރިކަމަށް އައުމަށް ކުރި ކެމްޕޭނުގައިވެސް ބައިވެރިވެ ވަޑައިގެންނެވި ލަތީފް މިހާރު މަސައްކަތް ކުރައްވަމުން ގެންދަވަނީ މިސަރުކާރާ ދެކޮޅަށެވެ. އަދި މީގެއިތުރުން ލަތީފް ފާހަގަވެގެން ގޮސްފައިވަނީ ރައީސް ޔާމިން މިނިވަން ކުރުމަށް ވަރަށް ބޮޑަށް އަޑު އުފުއްލަވާ، އަދި ސަރުކާރާ ދެކޮޅަށް ކުރެވޭ މުޒާހިރާތަކުގެވެސް އިސްސަފުގައި ހަރަކާތްތެރިވާ ބޭފުޅެއްގެ ގޮތުގައެވެ.
މީގެ ކުރިން ވިދާޅުވެފައިވަނީ، މި ސރުކާރު ވެރިކަމަށް ގެންނަން މަސައްކަތް ކުރި 12 މެމްބަރުންނަށް ރައްޔިތުންގެ މިޖިލީހުން 2019ގެ މަޖިލިސް ކެމްޕޭނުގައި އެމެމްބަރުންގެ ދާއިރާތައް ޚާއްސަ ކޮށްދެއްވާނެކަމަށް އޭރުގެ ކޯލިޝަންނުން ވީވައުދު ފުއްދުމުގައި އެންމެ ބޮޑަށް ހުރަސް އެޅުއްވި ބޭފުޅަކީ ރައީސް ނަޝީދު ކަމުގައެވެ. އަދި އެއަށްފަހު ލަތީފް ގެންދަވަނީ ވަރަށް ބޮޑަށް ރައީސް ނަޝީދަށް ފާޑު ވިދާޅުވަމުންނެވެ.
