ރާއްޖެއިން މިއަދު ފެނިގެންދަނީ ނޯތު ކޮރެއާއިން ފެންނަ ފަދަ ޑޮމޮކްރަސީއާއި ބީރަށްޓެހި، ހިދަތި މަންޒަރުތަކެއް ކަމުގައި އިދިކޮޅު ޕީއެެންސީގެ ނާއިބް ރައީސް މުހައްމަދު ސައީދު ވިދާޅުވެއްޖެއެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ރާއްޖެ ވަޑައިގެންނެވުމުން އެމަނިކުފާނަށް ސެކިއުރިޓީ ދިނުމަށްޓަކައި ސިފައިންނާއި ފުލުންވަނީ ވަރަށް ވަރުގަދަޔަށް ސަލާމަތީ ކަންކަން އިންތިޒާމު ކޮށްފައެވެ. ރާޢްޖެއިން މީގެކުރިން ނުފެންނަ ވަރުގެ ވަރުގަދަ ސެކިއުރިޓީއެއް ރައީސް ނަޝީދަށް ދެމުންދާއިރު، މިއީ ރާއްޖެފަދަ އަމާން ސުލްހަވެރި ޤައުމެއްގެ ރައްކާތެރިކަން ސަރުކާރަށް ކަށާވަރުކޮށް ނުދެވޭކަމުގެ ހެއްކެއްކަމަށް ސައީދު ވިދާޅުވިއެވެ.

ސައީދު ވިދާޅުވީ ރާއްޖެ އިސްލާހުކޮށް ރާއްޖޭގައި އޮތް ނުރައްކާތެރި ހާލަތުން އަރައި ގަނެވޭނެކަމަށް މިއަދު ގަބޫލު ކުރުމަކީ ދިވެހި ރައްޔިތުންނަށް ދަތިކަމެއްކަމަށެވެ. އަދި ރާއްޖޭގެ ކަންކަން އިސްލާހު ކުރެވޭނެކަމަށް ގަބޫލު ކުރުމަކީ ނޯތު ކޮރެއާގައިވެސް ޑިމޮކްރަސީ އޮތްކަމަށް ގަބޫލު ކުރުމާއި އެއްފަދަ ކަމެއްކަމަށް ސައީދު ވިދާޅުވިއެވެ.

ރައީސް އިބްރާހިމް މުހައްމަދު ޞާލިހު އަށް ޤައުމު އިސްލާހު ކުރެވިދާނެ ކަމަށް ގަބޫލު ކުރުމާއި، ނޯތު ކޮރެއާގައި ޑިމޮކްރަސީ އޮތްކަން ގަބޫލުކުރުމާއި އެއްވެސް ތަފާތެއްނެތް. ޖަޒީރާ ހެޔޮ ވެރިކަމާއި، ހައްގުވާ މިންވަރު ކިތަންމެހާ ރަނގަޅަށްވެސް އެބަ ދައްކައިދޭ.

– ސައީދު ވިދާޅުވިއެވެ.

R @ibusolih ah gaumu islaahu kurevidhaane kamah gaboolu kurumaai North Korea gai democracy oiykan gaboolu kurumaai evves thafaatheh neiy. Jazeeraa heyo verikamaai, hagguvaa minvaru kithammehaa rangalhakavves eba dhakkaidhey @MDPSecretariat pic.twitter.com/BV3LWIPvGO

— Mohamed Saeed (@em_saeed) October 11, 2021

ރައީސް ނަޝީދު މިއަދު ރާއްޖެ ވަޑައިގެން މާލެ އައުމުން އެމަނިކުފާނު ހޮޓެލް ޖެންއާއި ހަމައަށް ދިޔައިރު ކާރުގެ ފަހަތުން ސިފައިންނާއި ފުލުހުން ދުވާ މަންޒަރުވެސް ވަނީ ފެނިގެން ގޮސްފައެވެ. މިއީ މީގެ ކުރިން ރާއްޖެއިން ވަރަށް ނުފެންނަ މަންޒަރެކެވެ.