ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް މިދިޔަ މެއި މަހު ދިން ނުރައްކާތެރި ޓެރެރިސްޓް ހަމަލާއަށްފަހު ބޭސްފަރުވާއަށް ރާއްޖެއިން ބޭރުގައި ހުންނެވުމަށްފަހު މިއަދު ވަނީ ރާއްޖެ ވަޑައިގެންފައެވެ.
ރައީސް ނަޝީދު ރާއްޖެ ވަޑައިގެންފައިވަނީ 3 ދުވަހަށް ކަމަށް މައުލޫމާތު ލިބެއެވެ. ރައީސް ނަޝީދު ރާއްޖެ ވަޑައިގެންނެވުމުން އެމަނިކުފާނުގެ ސެކިއުރިޓީ ވަނީ ވަރަށް ވަރުގަދަކޮށްފައެވެ. ގިނަ އަދަދެއްގެ ސިފައިންނާއި ފުލުހުން ގެންދަނީ ރައީސް ނަޝީދުގެ ސެކިއުރިޓީ ބަލަހައްޓަމުންނެވެ. އަދި ރައީސް ނަޝީދު ވަޑައިގަންނަވާ ސަރަހައްދުތަކުގައި ދުއްވާ އުޅަދުތަކަށް ނުވަދެވޭނެހެން ވަނީ މަގުތައް ބަންދުކޮށްފައެވެ.
ރައީސް ނަޝީދު އާއިލާ ކައިރިއަށް ޒިޔާރަތް ކުރައްވާފައިވަނީ މިއަދު އިރު އޮއްސެން އުޅެނިކޮށެވެ. ރައީސް ނަޝީދު ވަނީ އެމަނިކުފާނުގެ މަންމައާއި، ބައްޕަހިމެނޭހެން އާއިލީ ބޭފުޅުންނާއިއެކު އުފާވެރި ވަގުތުތަކެއް ހޭދަކޮށްފައެވެ. ރައީސް ނަޝީދަށް މީގެ 6 މަސްކުރިން ހަމަލާދީފައިވަނީ ގެކޮޅުން ނިކުންނަވައި މަޖީދީ މަގަށް ނިކުންނަވަނިކޮށެވެ.
— Nashsat (@Nashsat) October 11, 2021
ރައީސް މުޙައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލާއާ ގުޅިގެން، މަޖިލީހުން ވަނީ ޕާލަމެންޓްރީ އިންކުއެރީއެއްވެސް ހަދާފައެވެ. މިއިންކުއަރީގެ ރިޕޯޓްގައި ފާހަގަކޮށްފައިވާ ގިނަ ކަންކަން އިސްލާހުކޮށް ދައުލަތުގެ ތިން ބާރުގެ ވެރިންގެ ސަލާމަތީ ކަންކަން ވަނީ ވަރުގަދަކޮށްފައެވެ. އެގޮތުން ތިންބާރުގެ ވެރިންނަށް ޚާއްސަ ގެކޮޅުވެސް ވަނީ ކަނަޑައަޅާފައެވެ.
ރައީސް ނަޝީދު އަވަހާރަކޮށްލަން އެއްޗެއް ގޮއްވާލައި ދިން ހަމަލާގައި އެމަނިކުފާނަށް ސީރިއަސް ޒަހަމްތަކެއް ލިބިވަޑައިގެން ގިނަ އޮޕަރޭޝަންތަކެއް ވަނީ ކޮށްފައެވެ. ރައީސް ނަޝީދަށް ހަމަލާދިނުމަށް ބޭނުންކުރި ބޮން ހަދާފައިވަނީ އެއިން ގިނަ ޢަދަދެއްގެ ރޭޒާފުކާއި ގެއްލުންދެނިވި އެހެނިހެން ތަކެތި ހިމަނައިގެންނެވެ. ބޮން ގޮއްވާލުމާއެކު އެތަކެތިވަނީ ރައީސް ނަޝީދުގެ ހަށިކޮޅުގެ ތެރެއަށް ވަދެފައެވެ. މިތަކެތި ނެގުމަށް ޑޮކްޓަރުންގެ ޓީމަކުންވަނީ 16 ގަޑިރުވަންދެން ސީރިއަސް އޮޕަރޭޝަންތަކެއް ކޮށްފައެވެ.
ޑޮކްޓަރުންގެ ޓީމުން ވިދާޅުވީ، ގޮއްވާލި ބޮމުން ބުރައިގެންދިޔަ ތޫނު ދަގަނޑު އެތިކޮޅުތަކުގެ ތެރެއިން އެތިކޮޅެއް، އެމަނިކުފާނުގެ ސީދާ ހިތަށް ނުވަދެ ހުރީ އެންމެ ސެންޓިމީޓަރެއްގެ ދުރުމިންކަމަށެވެ. މި އެތިކޮޅު ރައީސް ނަޝީދުގެ ހިތަށް ނުވަދެ ސަލާމަތްވީ އެމަނިކުފާނުގެ މޭކަށިގަނޑުގައި ޖެހި ކަށިގަނޑު ފުނޑުފުނޑުވުމުގެ ސަބަބުން އެ އެތިކޮޅު އެތެރެއަށް ދިޔުން މަތަވެގެންކަމަށްވެސް ޑޮކްޓަރުން ވަނީ ވިދާޅުވެފައެވެ.
ރައީސް ނަޝީދަށް ހަމަލާދިން މީހުންގެ ޝަރީއަތް ފަށާފައިވަނީ މިދިޔަ އޮގަސްޓް މަހުގެ 21ވަނަ ދުވަހުއެވެ. ރައީސް ނަޝީދަށް ދިން ޓެރަރިސްޓް ހަމަލާއާ ގުޅިގެން ދައުވާ އުފުލާފައިވަނީ ބޮން ގޮއްވާލުމުގައި އަމަލީ ގޮތުން ބައިވެރިވި، ވ.ތިނަދޫ ލަކީ އަދުހަމް އަހްމަދު (25)އާއި މއ.ފޭރުގެ މުޖާޒް އަހުމަދު (21)އާއި، ގއ. ކޮނޑޭ ފޮޅޭމާ ތަހުމީން އަހްމަދު (32) އަދި ނ. މަނަދޫ ނޫރީގެ އަލީ ހައިޝަމް (27)ގެ މައްޗަށެވެ.ރައީ
One Response
ދެން ރަނގަޅުވާނީ ތި މީހާ ރާއްޖެނައިސް ބޭރުގެ ރށްވެހިކަން ހޯދިއްޔާ، ގައުމުގާ އޮތްހާ ފުލުހުންނަަކާ ސިފައިން ތި މީހާ ވަށާލައިގެން އަބަދު ދުވެވޭނެތަ؟