މަޖިލިސް މެމްބަރަކަށް އިންޒާދީ ބިރުދެއްކުމުން ޓީޗަރު ވަޒީފާއިން ވަކިކުރު ގޮތަށް މާތް ނަބިއްޔާ އަށް ފުރައްސާރަކޮށް ހަޖޫ ޖެހުމުން އެޓީޗަރަކު ވަގުތުން ވަޒީފާއިން ވަކި ކުރަންޖެހޭ ކަމުގައި ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
ޑރ.އިޔާޒް މިހެން ވިދާޅުވެފައިވަނީ ށ.ފޯކައިދޫގައި ކުރިޔަށްދިޔަ މަދަހަ މުބާރާތެއްގެ ތެރެއިން އެރަށު ޓީޗަރަކު ބެލެނިވެރިންނާއި، ދަރިވަރުންގެ ހާޒިރުގައި ކީރިތި ރަސޫލާއަށް ފުރައްސާރަކޮށް މަދަހަ ކިޔާފައިވާ ކަމަށްބުނާ މައްސަލައެއް ފެންމަތިވެފައިވާ ދަނޑިވަޅެއްގައެވެ. އިޔާޒު ވިދާޅުވީ މާތް ރަސޫލާއަށް ފުރައްސާކޮށް، ލަވަކީ ޓީޗަރު ވަގުތު ވަޒީފާއިން ވަކިކުރަންޖެހޭކަމަށެވެ. އެފަދަ މީހުންނާއިމެދު ފިޔަވަޅު ނޭޅޭއިރު މަޖިލިސް މެމްބަރަކަށް ބިރުދެއްކި ޓީޗަރު ވަޒީފާއިން ވަކިކުރުމުން ހަމަނުޖެހޭކަމަށް ޑރ.އިޔާޒު ވިދާޅުވިއެވެ.
މަޖްލިސް މެމްބަރަކާ ދިމާލަށް އެއްޗެއް ބުނި ޓީޗަރ އަކު ވަޒީފާއިން ވަކިކުރި. ވީއިރު, ލޮބުވެތި ނަބިއްޔާ ﷺ އަށް ފުރައްސާރަކޮށް ލަވަކީ ޓީޗަރ ވަގުތުން ވަގުތަށް ވަޒީފާ އިން ވަކި ކުރެވެން ޖެހޭނެ. ސަމާސާ ކުރެވޭ ކަންތަކާއި ނުކުރެވޭ ކަންތައް ހުންނާނެ. މިއީ ސަމާސާ ކުރެވޭ ކަހަލަ ކަމެއް ނޫން.
– ޑރ.އިޔާޒު ވިދާޅުވިއެވެ.
މީސް މީޑިއާގައި ދައުރުވަމުން އަންނަ ވީޑިއޯތަކުން ފެނިގެންދަނީ މައިކް ޓެސްޓް ކުރުމުގެ ގޮތުން ޓީޗަރަކު މަދަހައެއް ކިޔައި މަންޒަރެވެ. ވަކި ހިސާބަކަށް "އޭ ސާހިބާ" މި މަދަހައިގެ ކަޑިތައް އޮންނަ ގޮތަށް ކިޔުމަށްފަހު، އަމިއްލަ ގޮތަކަށް މަދަހަ ބަދަލުކޮށް މުޅިން އެހެން ވާހަކައެއް މަދަހައިގެ ރާގުގައި ކިޔަން ފަށައެވެ. ޓީޗަރު އަމިއްލަ ގޮތަށް މަދަހައިގެ ރާގުގައި ކިޔަން ފެށުމުން ދަރިވަރުންގެ ހުނުމުގެ އަޑު މުޅި ހޯލުގައި ގުގުމާލައެވެ. އެރަށު ކައުންސިލުން ބުނެފައިވަނީ މިއީ މައިކު ޓެސްޓް ކުރުމަށް ކުރި ކަމެއްކަމަށާއި، އެއްގޮތަކަށްވެސް ރަސޫލާއަށް ފުރައްސާ ކުރުމުގެ ނިޔަތުގައި ކުރި ކަމެއްނޫންކަމަށެވެ.
ޑރ.އިޔާޒު ވިދާޅުވީ މައިކު ޓެސްޓް ކުރުމަށްވެސް މާތް ރަސޫލާއަށް ފަުރައްސާ ކުރެވިގެން ނުވާނެކަމަށެވެ. އެއީ ކަނޑައެޅިގެން ހަރާމް ކަމަކަށްވާއިރު އެކަން ކުރި މީހާއާއިމެދު އެއްވެސް ފިޔަވަޅެއް ނޭޅޭކަމީ މިފަދަ ކަންކަމަށް ޖާގަ ދެވިގެންދާނެ ކަމެއްކަމަށް ޑރ.އިޔާޒު ވިދާޅުވިއެވެ.
މައިކް ޓެސްޓު ކުރަން ވިޔަސް، މަޖަލަކަށްވެސް ރަސޫލާ ﷺ އަށް ފުރައްސާރަ ކުރުމަކީ ކޮށްގެންވާނެ ކަމެއްނޫން. އެއީ ބޮޑުވެގެންވާ ޙަރާމް ކަމެއް. އެކަން ކުރި ފަރާތަކާއި މެދު ފިޔަވަޅު އަޅަން ޖެހޭނެ.
– ޑރ. އިޔާޒު ވިދާޅުވިއެވެ.
ފަހަކަށް އައިސް ދިވެހިން އިސްލާމްދީނަށް ފުރައްސާރަ ކުރާ މައްސަލަތައް ވަނީ ވަރަށް ބޮޑަށް އިތުރުވެފައެވެ. ނަމަވެސް އެފަދަ ކަންކަން ކުރާ މީހުންނާއި މެދު ސަރުކާރުން އެއްވެސް ފިޔަވަޅެއް ނާޅާ ކަމަށް ބުނެ ގިނަ ބަޔަކު ސަރުކާރަށް ފާޑުކިޔައެވެ.
One Response
ނުކުރާނެ ބަލަން ތިބޭ. އެކަލޭގެއަށް ޕްރޮމޯޝަން ދޭނީ. ލާދީނީ ސަރުކާރު. އެހެން މޫނަށް މިސަރުކާރުން ކުރިކަމެއްނޫން އެއީ. ކުރީ ސަރުކާރުން އެކަން ކުރީ. އެހެންވީމަނު އިޔާޒު އެހާ ސަޕޯޓު ކުރަނީ.