ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީ ރުއްސުމަށްޓަކައި ނަފްރަތުގެ ބިލް ފުރަތަމަ ހުށަހެޅި ގޮތަށް ރައީސް ޞާލިހު ތާއީދު ނުކުރެއްވުމަކީ ހެދި އެންމެބޮޑު ގޯސްކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ބަރުލަމާނީ ނިޒާމަށް ތާއީދުކުރާ މެމްބަރުން ތިބޭ ގްރޭޕަކަށް ރައީސް ނަޝީދު ކުރެއްވި މެސެޖްތަކެއްގައި ވަނީ ސަރުކާރުން ކޯލިޝަން ދިފާއު ކުރުމަށް ކުރައްވާ މަސައްކަތަށް ވަރަށް ބޮޑަށް ފާޑުވިދާޅުވެފައެވެ. އަދި ނަފްރަތުގެ އަމަލު ހުއްޓުވުމަށް ފުރަތަމަ ޑްރާފްޓްކޮށްގެން ހުށަހެޅި ބިލަށް އަދާލަތު ޕާޓީން ބޭނުންވެގެން އެބިލަށް ރައީސް ތާއީދު ނުކުރެއްވިކަމީ ހެއްދެވި އެންމެ ބޮޑު ގޯސްކަމަށެވެ.
އަދާލަތު ރުއްސަން ނަފްރަތުގެ ބިލަށް ތާއީދު ނުކުރުން އެއީ ހެދި އެންމެ ބޮޑު ގޯސް.
– ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ސަރުކާރުން ޚާއްސަކޮށް، ރައީސް އިބްރާހިމް މުހައްމަދު ޞާލިހު އިއްތިހާދު ދިފާއު ކުރައްވަން ހައްދަވައިގެން އެމްޑީޕީގެ އާންމު މެމްބަރުން ވަރަށް ބޮޑަށް ރުޅިއެރުވިއްޖެ ކަމަށެވެ. މިކަމުގެ ސަބަބުން ސަރުކާރަށް ރައްޔިތުން ކުރާ އިތުބާރު ކުޑަވެ ރައްޔިތުންގެ ތާއީދު ގެއްލެމުންދާކަމަށެވެ. ރައީސް ނަޝީދު ވިދާޅުވީ ސަރުކާރުން އަމަލު ކުރައްވަމުންދާ ގޮތުން ވަކިވަޅި ގެއްލި މަރިޔަބުވެސް ގެއްލިފައިވާކަމަށެވެ. ދެން ގެއްލޭނީ ކޮށި ދަނޑުކަމަށް ރައީސް ނަޝީދު ވިދާޅުވިއެވެ.
އިއްތިހާދަށްޓަކައި، އެމްޑީޕީ އާންމު މެމްބަރުން ރުޅި އެރުވިއްޖެ. އެއީ ސަރުކާރަށް ކަތިވަޅި ގެއްލި، މަރިޔަބު ގެއްލުން. ދެން ގެއްލޭނީ ކޮށި ދަނޑު.
– ރައީސް ނަޝީދު ވިދާޅުވިއެވެ.
ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ، އާންމު ތަނެއްގައި މުސްލިމަކު ކާފަރެއްގެ ގޮތުގައި ސިފަކުރުން ފަދަ ނަފުރަތުގެ އަމަލު ހިންގުން ޖިނާއީ ކުށަކަށް ހެދުމަށް ޤާނޫނުލް އުގޫބާތަށް ހުށާހެޅި އިސްލާހު ފުރަތަމަ ހުށަހެޅިގޮތަށް ފާސްކުރަން ބޭނުން ނުވާކަމަށް ރައީސް ޞާލިހު ވަނީ ވިދާޅުވެފައެވެ. މިއާއިއެކު ސަރުކާރުންވަނީ ބިލަށް ބޮޑެތި ބަދަލުތަކެއް ގެނެސް ކަމާބެހޭ މިނިސްޓްރީތަކުގެ ވެރިންނާއި އިސްލާމީ ޝަރީއާގެ ދާއިރާގެ އީލްމީ ބޭފުޅުންނާ މަޝްވަރާ ކުރުމަށް ފަހު އެއްބަސްވެވުނު އިސްލާހުތައް ރައްޔިތުންގެ މަޖިލީހުގެ ޖުޑިޝަރީ ކޮމެޓީއަށް ހުށަހަޅާފައެވެ.
ސަރުކާރުގެ ފަރާތުން މަޖިލީހަށް ހުށަހަޅާފައިވާ ނަފްރަތުގެ ބިލަށް މިސަރުކާރުން ތާއީދު ނުކުރާނަމަ، މިސަރުކާރަށް ތާއީދު ނުކުރާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ވަނީ ތަކުރާރުކޮށް ވިދާޅުވެފައެވެ. ރައީސް ނަޝީދު ވިދާޅުވީ އިތުރަށް ދެން ކުރަންޖެހޭ އެއްވެސްކަމެއް ނެތްކަމަށެވެ. ވެރިކަންވެސް ކުރެވިއްޖެ ކަމަށާއި، އަދި އެނޫންކަންވެސް ކުރެވިފައިވާކަމަށެވެ. ނަމަވެސް މިހާރު މަސައްކަތް ކުރައްވަނީ ޤައުމު ދަރިންނާއި ހަމައަށް ހެޔޮ ގޮތުގައި ވާސިލް ކުރުމުގެމަސައްކަތް ކުރުމަށް ކަމަށް ރައީސް ނަޝީދު ވިދާޅުވެފައެވެ.
3 Responses
ނަޝީދު އަށް ކުރެވޭނެ ކަމަކީ އަނގަތެޅުން
ނަޝީދު މޮޔަފުޅުވީތޯ. ތިބިލަށް ތާއިދު ކުރަނީ ނަޝީދާއެކުތިނި ހައެއްކަ މެމްބަރުން. ރައީސް ސޯލިހުގެ ތާއީދު އިތުރުވަމުންދާތީ މޭކަރައިގެން ނަޝީދު ކުރަމުންދާ ކަންކަމާހެދި އެމްޑީޕީގެ ތާއީދު ދަނީ ގެއްލެމުންނެވެ.
Koshi dhandaai kathivalhi geeli mariyanbu vess gellumun dhen othee alun balun magu hoadhun! Allaah ge hama ekani dheen, Islam kamuge magah seedhaa vejje nama Ukhuravee hayaathuge naseebuge magakee dhaaimee kameh! Gelligen hoadhan jeheyne ithuru kameh neiy naseebuge dhandu koshaasheve!!