ކްރިމިނަލް ކޯޓުގެ ކުރީގެ އިސް ޤާޟީ އަހުމަދު ހައިލަމްގެ ނަމުގައި ފޭކް ޓުވިޓާ އެކައުންޓެއް ބޭނުން ކޮށްގެން ހަގީގަތާއި ޚިލާފް ވާހަތަކެއް ފަތުރަން ފަށައިފިއެވެ.
ހައިލަމްގެ ޓުވިޓަރ އެކައުންޓުގައި ބޭނުން ކުރާ ފޮޓޯއާއި، އެނޫންވެސް މައުލޫމާތުތައް ހިނަގައިގެން ބޭނުންކުރަމުންދާ މި އެކައުންޓުން ގެންދަނީ އެކި ވާހަތައް ފަތުރަމުންނެވެ. އެގޮތުން އެންމެ ބޮޑަށް މިހާރުދެކެވޭ ވާހަކަ ކަމުގައިވާ، ރައީސް ޔާމީންގެ ޝަރީއަތާއި ގުޅިގެން ކުރީގެ ވަކީލުން ދެއްކެވި ވާހަތަކަށްވެސް ވަނީ ރައްދުދީފައެވެ.
Someone has impersonated me and tweeted from an account using my profile picture and the account has used the upper case i instead of simple (L). Strongly condemn media of spreading false information tarnishing my reputation and prior clarification from me. @Sangu_TV https://t.co/1vJx10Ct9Y pic.twitter.com/rqXZhBPzaW
— Ahmed Hailam (@AhmedHailam) September 5, 2021
މިއެކައުންޓުން ކުރި ބައެއް ޓްވީޓުތަކުން ގިނަ މީޑިއާތަކުން ވަނީ ޚަބަރުވެސް ގެނެސްދީފައެވެ. އެގޮތުން ރައީސް ޔާމީނަށް ހުކުމް ކުރުމަށް ސަރުކާރުގެ ވަޒީރަކު މެސެޖް ހެއްދެވިކަމަށް ބުނެ ފޭކް އެކައުންޓުން ކޮށްފައިވާ ޓުވީޓުން ގިނަ މިޑިއާތަކުން ހަދާފައިވާ ޚަބަރު ހައިލަމް ވަނީ ދޮގުކޮށް، އެކަން އިސްލާހު ކުރެއްވުމަށް އެދިވަޑައިގެންފައެވެ. އަދި މިއީ އޭނާގެ ނަމުގައި ބޭނުންކުރާ ފޭކް އެކައުންޓެއްކަމުގައި ވިދާޅުވެފައެވެ.
ކްރިމިނަލް ކޯޓުގެ ކުރީގެ އިސް ޤާޟީ ހައިލަމް މަޤާމުން އިސްތިއުފާ ދެއްވިފަހުން ޝަރުއީ ދާއިރާގައި ހުރި މައްސަލަތަކާއި، އިސްލާހު ކުރަންޖެހޭ ގިނަ ކަންކަން ފާހަގަކޮށް ޓުވީޓްކޮށް ހައްދަވައެވެ.
