އިނގިރޭސިވިލާތުގައި މިވަގުތު ހުންނެވި، ޖިންސީ އަނިޔާގެ ތުހުމަތުކޮށް ދައުވާކޮށްފައިވާ ކުރީގެ ޓޫރިޒަމް މިނިސްޓަރ ޢަލީ ވަޙީދުގެ ޝަރީއަތް ހިންގަންވެސް ފަނޑިޔާރުން ގެންދަންވީނުންތޯ ދީނީ ޢިލްމުވެރިޔާ ޑރ.އިޔާޒސިވާލުކުރައްވާ ފާޑުވިދާޅުވެއްޖެއެވެ. ޑރ.އިޔާޒް މީގެ ކުރިންވެސް ވަނީ މެއި 6 ގެ ހަމަލާއަށްފަހު އިނގިރޭސިވިލާތުގައި ފަރުވާ ހޯއްދަވަން މިވަގުތު ވަޑައިގެން ހުންނެވި ރައީސް ނަޝިދުގެ ބަޔާން ނެންގެވުމަށް ފުލުހުންގެ ވަފްދެއް އެޤައުމަށް ދިއުމާއި ގުޅޭގޮތުން ވާހަކަ ދައްކަވާ އެކަމާއި ދެކޮޅަށް ހުންނެވިކަމަށް ވިދާޅުވެ އެކަމަށް ފާޑުވިދާޅުވެފައެވެ.
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ނުރައްކާތެރި ޓެރެރިސްޓު ހަމަލާއާއި ގުޅިގެން އެމަނިކުފާ ވަނީ ބަޔާން ދެއްވަން ބޭނުންވާކަމަށް ވިދާޅުވެފައެވެ. އަދި މިހާރު ފުލުހުންނާއި ޕީޖީ ގެންދަވަނީ އެމަނިކުފާނުގެ ބަޔާން ނެންގެވުމަށް އިނގިރޭސިވިލާތަށް ދިއުމަށްޓަކައި ކުރަންޖެހޭ މަޝްވަރާތައް ކުރައްވަމުންނެވެ.
މިކަމާއި ގުޅިގެން ޑރ.އިޔާޒު ވިދާޅުވީ، އެންމެ ފަރުދެއްގެ ބަޔާން ނެގުމަށް އެ ބޮޑު ޚަރަދެއް ކުރުމަކީ ވަރަށް ބޮޑު އިސްރާފެއްކަމަށްވެސް ވިދާޅުވެފައެވެ. އަދި މިވަގުތު އިންގިރޭސިވިލާތުގައި ހުންނެވުމުގެ ސަބަބުން ޝަރީޢަތް ނުހިންގިފައިވާ ކުރީގެ ޓޫރިޒަމް މިނިސްޓަރ ޢަލީވަހީދުގެ ޝަރީޢަތް ހިންގަވަންވެސް ފަނޑިޔާރުންގެ ވަފްދެއް އެޤައުމަށް ވަޑައިގަންނަވަންވީނުންތޯވެސް ވިދާލުވެ ޑރ.އިޔާޒް ވަނީ ސުވާލު ކުރައްވާފައެވެ.
ރައީސް ނަޝީދު މިވަގުތު ހުންނެވީ ފަރުވާއަށް އިނގިރޭސި ވިލާތުގައެވެ. އެމަނިކުފާނުގެ ޤާނޫނީ ޓީމުން ނެރުނު ބަޔާނެއްގަިއ ބުނެފައިވަނީ ރައީސް ނަޝީދުގެ މިމައްސަލައިގެ ޝަރީއަތް ފެށުމުގެ ކުރިން ބަޔާން ދެއްވަން ތައްޔާރަށް ހުންނެވިކަމަށެވެ. މިހަމަލާ ހިނގަދިޔަ ގޮތާއި، ލިބިވަޑައިގެންފައިވާ މައުލޫމާތުގެ އަލީގައި ރައީސް ނަޝީދުގެ ބަޔާނެއް ދެއްވަން ބޭނުންވާކަމަށް ވަނީ ބުނެފައެވެ.
ރައީސް ނަޝީދު ބަޔާން ދެއްވަން ބޭނުން ވުމުން، ފުލުހުންނާއި ޕީޖީވަނީ ބަޔާން ނެގުމަށް އެނގިރޭސިވިލާތަށް ދިއުމަށް މަޝްވަރާކޮށްފައެވެ. އަދި މިކަމުގައި ވަރަށް އަވަހަށް ރައީސް ނަޝީދު ބަޔާން ނެގުމަށް ތަހުގީގު ޓީމެއް އިނގިރޭސި ވިލާތަށް ދިއުމަށް ވަނީ ހަމަޖެހިފައެވެ. ނަމަވެސް ދަތުރު ކުރަން ހަމަޖެހިފައިވާ ސީދާ ތާރީހެއް ސާފެއް ނުވެއެވެ.
One Response
އޮންލައިންކޮށް ބަޔާންނަގައި އޮންލައިންކޮށް ޝަރީޢަތް ހިންގަންވީ ނޫންތޯ?