އިންސާނީ ވަސީލަތް ތަރައްޤީކުރުމަށް ސަރުކާރުން ކުރައްވާ މަސައްކަތްޕުޅަށް ޖަޕާނު ސަރުކާރުން ރާއްޖެއަށް 110 މިލިއަން ޖަޕާނީޒް ޔެންގެ އެހީއެއް ފޯރުކޮށްދީފިއެވެ.
މިއެއްބަސްވުމުގެ ދަށުން ފޯރުކޮށްދޭ އެހީ ޚަރަދުކުރާނީ 6 ދަރިވަރަކަށް ފުލީ ފަންޑަށް ސްކޮލަރޝިޕްގެ ފުރުޞަތު ހޯދައިދިނުމަށްކަމަށް ސަރުކާރުން ބުނެއެވެ. މިދިޔަ އަހަރުވެސް ޖަޕާނު ސަރުކާރުން ވަނީ މި އެހީތެރިކަން ފޯރުކޮށްދީފައެވެ.
Gov't of Japan provides a grant aid of 110 Million Yen to the Maldives for the continuation of scholarship opportunities to be offered by the Gov't of Japan for the year 2022, under the Japanese Project for Human Resource Development
? Press Release | https://t.co/LNo8m1ZY4x pic.twitter.com/fiWGYW9RXA
— Ministry of Foreign Affairs ?? (@MoFAmv) August 26, 2021
110 މިލިއަން ޖަޕަނީޒް ޔެން ނުވަތަ 998000 ޑޮލަރުގެ އެހީގެ މި އެއްބަސްވުމުގައި ސޮއިކުރުމަށް ހަޔަރ އެޑިއުކޭޝަން މިނިސްޓްރީގައި ބޭއްވި ރަސްމިއްޔާތުގައި ސަރުކާރުގެ ފަރާތުން ސޮއިކުރެއްވީ، މިނިސްޓަރ އޮފް ހަޔަރ އެޑިއުކޭޝަން ޑރ. އިބްރާހިމް ހަސަންއެވެ. ޖަޕާނުގެ ފަރާތުން ސޮއިކުރެއްވީ ޖަޕާން އިންޓަރނޭޝަނަލް ކޯޕަރޭޝަން އެޖެންސީ، ޖައިކާގެ ރެސިޑެންޓް ރެޕްރެޒެންޓޭޓިވް މިޓްސުޔޮޝީ ކަވަސާކީއެވެ. މިރަސްމިއްޔާތުގައި ހަަޔަރ އެޑިއުކޭޝަން މިނިސްޓްރީއާއި، ފޮރިން މިނިސްޓްރީގެ އިސް އޮފިޝަލުންގެ އިތުރުން ޖަޕާނު އެމްބަސީގެ އޮފިޝަލުން ބައިވެރިވިއެވެ.
އިންސާނީ ވަސީލަތް ތަރައްޤީކުރުމަށް ސަރުކާރުން ކުރައްވާ މަސައްކަތްޕުޅަށް ޖަޕާނު ސަރުކާރުން ރާއްޖެއަށް 110 މިލިއަން ޖަޕާނީޒް ޔެންގެ އެހީއެއް ފޯރުކޮށްދިނުމުގެ އެއްބަސްވުމުގައި ސޮއިކޮށްފައިވާއިރު، މިކަމާއި ގުޅޭ އެކްސްޗޭންޖް އޮފް ނޯޓްސްގައި ފޮރިން މިނިސްޓަރ އަބްދުﷲ ޝާހިދު އާއި ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ކެއިކޯ ޔަނާއީ ވަނީ މިދިޔަމަހު ސޮއިކުރައްވާފައެވެ.
