ރައީސް އިބްރާހިމް މުހައްމަދު ޞާލިހަކީ ޑިމޮކްރަސީ ރަނގަޅަށް ފަހުމް ވެލައްވާ ލީޑަރެއް ކަމުގައި ޓުވަރިޒަމް މިނިސްޓަރ ޑރ.އަބްދުﷲ މައުސޫމް ވިދާޅުވެއްޖެއެވެ.
ރައީސް ޞާލިހުއާއިއެކު ސިޔާސީ މަސައްކަތް ކުރެވެން ނެތްކަމަށް ވިދާޅުވެ ރައީސް ނަޝީދު ދެއްކެވި ވާހަކަތަކާއި ގުޅިގެން މައުސޫމް ވިދާޅުވީ މިހާލަތުގައި ރައީސް ޞާލިހު އެކަންކަމަށް މާބޮޑު ސަމާލުކަމެއްނުދީ ވެފައިވާ ވައުދުތައް ފުއްދެވުމަށް އިސްކަން ދެއްވާކަމީ އެމަނިކުފާނުގެ ހިތުގައި ޤައުމާއި މެދު އޮތް ލޯބި ހާމަވަކަމެއްކަމަށެވެ. އަދި މިކަމުން ޑިމޮކްރަސީގައި އެމަނިކުފާނު ހުންނެވީ މާބޮޑަށްވެސް ކުރީގައިކަން އެނގޭކަމުގައި މައުސޫމް ވިދާޅުވިއެވެ.
ރައީސް ޞާލިޙްގެ ހުރިހާ ފޯކަސްއެއް އެމަނިކުފާނުގެ ރިޔާސީ މެނިފެސްޓޯގެ ވައުދުފުއްދަން ހުރުމުން ދޭހަވަނީ އެމަނިކުފާނަކީ ޑިމޮކުރަސީ ރަނގަޅަށް ފަހުމުވެލައްވާ، ޑިމޮކުރަސީއާ ރައްޓެހި ލީޑަރެއްކަން.
– މައުސޫމް ވިދާޅުވިއެވެ.
ރައީސް ޞާލިޙްގެ ހުރިހާ ފޯކަސްއެއްްް އެމަނިކުފާނުގެ ރިޔާސީ މެނިފެސްޓޯގެ ވައުދުފުއްދަން ހުރުމުން ދޭހަވަނީ އެމަނިކުފާނަކީ ޑިމޮކުރަސީ ރަނގަޅަށްފަހުމުވެލައްވާ، ޑިމޮކުރަސީއާ ރައްޓެހި ލީޑަރެއްކަން. https://t.co/NQxWNLILIX
— Abdulla Mausoom (@Mausoom_Maus) July 12, 2021
މައުސޫމް ވިދާޅުވީ ރިޔާސީ އިންތިޚާބު ބާއްވަން ދެ އަހަރާ ދެ މަސް ދުވަހަށް އޮއްވައި، ރިޔާސީ ކެންޑިޑޭޓުން މިހާ އަވަހަށް، ބައިބަހާ، ބޯކޮށް ތިލަވާން ފެށުމަކީ 2023ގެރިޔާސީ އީދު ފޯރީގެ ކޮޅުމަތިވުން ކަމަށެވެ. އަދި ޑިމޮކުރަސީ ދޮންވެ ފައްކާވީމާ ރިޔާސީ އީދުގައި ރައްޔިތުން އަތްޖަހާނީ މީހާއަކަށް ނޫން ކަމަށާއި މެނިފެސްޓޯއަށް ކަމަށް މިނިސްޓަރ ވިދާޅުވިއެވެ.
ރިޔާސީ އިންތިޚާބު ބާއްވަން 2 އަހަރާ 2 މަސް ރިޔާސީ ކެންޑިޑޭޓުން މިހާ އަވަހަށް، ބައިބަހާ، ބޯކޮންތިލަވާން ފެށުމަކީ 2023ގެ #ރިޔާސީއީދުގެ ފޯރީގެ ކޮޅުމަތި. ޑިމޮކުރަސީ ދޮންވެފައްކާވީމާ ރިޔާސީއީދުގަ ރައްޔިތުންއަތްޖަހާނީ މީހާއަކަށްނޫން، މެނިފެސްޓޯއަށް.
– މައުސޫމް ވިދާޅުވިއެވެ.
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވަނީ 2023 ވަނަ އަހަރު ރިޔާސީ އިންތިހާބެއް ބާއްވާނަމަ އެ އިންތިހާބުގައި މޯލްޑިވިއަން ޑިމޮކްރަޓިކް ޕާޓީގެ ފަރާތުން ކުރިމަތިލައްވާނީ އެމަނިކުފާނުކަމަށް ވިދާޅުވެފައެވެ. އަދި ދާދި ފަހުން އެމަނިކުފާނު މިވަނީ ރައީސް ޞާލިހާއެކު ސިޔާސީ ގޮތުން އެކުގައި މަސައްކަތްކުރެއްވެން ނެތް ކަމަށާއި، ކުރީގެ ރައީސް އިބްދުﷲ ޔާމީންއާ އެކު މަސައްކަތްކުރައްވަން ތައްޔާރަށް ހުންނެވިކަމަށް ވިދާޅުވެފައެވެ.
