ދިވެހިރާއްޖޭގެ ލޯކަލް މީޑިއާއި އަދި ސޯޝަލް މީޑިއާގައި ބައެއް ފަރާތްތަކުން، ރާއްޖޭގައި ހުންނަ އިންޑިއަން ހައިކޮމިޝަންއާއި، ހައިކޮމިޝަނަރ އަދި ހައިކޮމިޝަންގައި މަސައްކަތްކުރާ ޑިޕްލޮމެޓިކް ސްޓާފުންނާމެދު ނަފްރަތު އުފައްދާ އެފަރާތަތްކުގެ އަބުރަށް އަރައިގަންނަމުން ދާތީ، އެފަދަ ފަރާތްތަކާ ދެކޮޅަށް، ވިއެނާ ކޮންވެންޝަން (1961)ގައި ވާގޮތުގެމަތިން ފިޔަވަޅު އަޅައި ދިނުމަށް އިންޑިއާ ސަރުކާރުން އެދިއްޖެއެވެ.
މާލޭގައި ހުންނަ އިންޑިއާ ހައިކޮމިޝަންއިން ފޮރިންގ މިނިސްޓްރީއަށް ފޮނުވާފައިވާ ޝަކުވާގެ ސިޓީގައި އެދިފައިވަނީ، ވިއެނާ ކޮންވެންޝަން (1961)ގެ، ހާލަތާ ގުޅުން ހުރި އެންމެހާ މާއްދާތަކުން، ގައުމުން ބޭރުގެ މިޝަންތަކުގައި ތިބޭ އެންމެހާ މުވައްޒަފުންނަށް ލިބިދޭ ހިމާޔަތާއި ރައްކާތެރިކަން ކަށަވަރު ކޮށްދިނުމާއެކު، ހައިކޮމިޝަގެ އިމާރާތާއި، ހައިކޮމިޝަނަރ ހުންނަވާ ގެކޮޅާއި، އަދި ހައިކޮމިޝަންގައި މަސައްކަތްކުރާ އެންމެހާ މުވައްޒިފުންނާއި، މުވައްޒިފުން ދިރިއުޅުއްވާ އިމާރާތްތަކުގެ ރައްކާތެރިކަން ކަށަވަރު ކޮށްދިނުމަށެވެ. އަދި މިއިން އެއްވެސް ފަރާތަކަށް އެއްވެސް ބާވަތެއްގެ ހަމަލާއެއް އަމާޒުވެ ނުދިއުން ކަށަވަރު ކޮށްދިނުމުގެ އިތުރުން އެމީހުންގެ މިނިވަންކަމާއި ކަރާމާތައް އެއްވެސް ފަރާތަކަށް އަރައިނުގަނެވޭނެކަން ކަށަވަރު ކޮށްދިނުމާއި، އަދި މާލޭގައި ހުންނަ އިންޑިއާ ހައިކޮމިޝަންގެ މަސައްކަތްތަކަށް ބުރޫ ނާރާނޭކަން، ވިއެނާ ކޮންވެންޝަންގައި ވާގޮތުގެމަތިން ކަށަވަރު ކަށަވަރު ކޮށްދިނުންމަށްވެސް ހައިކޮމިޝަންއިން ފޮރިންގ މިނިސްޓްރީއަށް ފޮނުވި މިސިޓިގައި އެދިފައި ވެއެވެ.
މީގެ އިތުރުން، ވިއެނާ ކޮންވެންޝައާއި ޚިލާފަށް އަމަލް ކުރަމުންދާ ފަރާތްތަކާ ދެކޮޅަށް، ބައިނަލް އަގުވާމީ ގާނޫނުތަކާއިއި އަދި ދިވެހިރާއްޖޭގެ ގާނޫނުތަކާއި އެއްގޮތްވާ ގޮތުގެމަތިން ފިޔަވަޅު އެޅުމަށްވެސް މިސީޓިގައި އިންޑިއާ ސަރުކާރުން ދިވެހި ސަރުކާރުގެ ކިބައިން އެދިފައި ވެއެވެ.
ފޮރިންގ މިނިސްޓްރީއަށް މާލޭގައި ހުންނަ އިންޑިއާ ހައިކޮމިޝަންއިން ފޮނުވި ޝަކުވާގެ ސިޓީގައި ވާގޮތުން، ރާއްޖޭގެ ބައެއް މީޑިއާތަކުގައި ޝާއިއު ކޮށްފައިވާ އާރޓިކަލްތަކާއި އަދި ސޯޝަލް މީޑިއާގެ ބައެއް ޕޯސްޓުތައް އަމާޒު ކޮށްފައިވަނީ، ހައިކޮމިޝަންގެ ޑިޕްލޮމެޓިކް މުވައްޒަފުންނާއި ޒާތީގޮތުން ދިމާ ކުރުމުގެ މަގުސަދުގައެވެ.
މީގެއިތުރުން، ފަހަކަށް އައިސް، މީޑިއާގެ ވަސީލަތްތައް ބޭނުން ކޮށްގެން އިންޑިއާ ހައިކޮމިޝަނަށް އަމާޒުކޮށް ފަތުރަމުންދާ ދޮގު ޚަބަރުތަކާއި، މީޑީއާގެ ވަސީލްތަތަކުގެ ބޭނުންކޮށްގެން މިގޮތުން ކިޔަމުންދާ ފާޑު ކިއުންތަކުގެ މަގުސަދަކީ، ދެ ސަރުކާރުގެ ދެމެދުގައި ނަފްރަތު އުފެއްދުން ކަންވެސް މިސިޓީގައި ފާހަގަ ކޮށްފައި ވެއެވެ. އަދި ވަކީން ޚާއްސަކޮށް ބައެއް ނޫސްތަކުގައި ޝާއިއުކުރަމުންދާ އާޓިކަލްތަކާއި، ރާއްޖޭގެ ސޯޝަލް މީޑިއާގެ ވަސީލަތްތައް ބޭނުންކޮށްގެ ކުރަމުންދާ ބައެއް ޕޯސްޓުތަކުގެ ހަގީގީ ބޭނުމަކީ، މާލޭގައި ހުންނަ އިންޑިއާ ހައިކޮމިޝްނާއި، ހައިކޮމިޝަންގައި މަސައްކަތްކުރާ މުވަޒްފުން ހިމެނޭގޮތުން، އިންޑިއާ ސަރުކާ ދެކޮޅަށް ހަމަނުޖެހުމާއި ނަފްރަތު އުފެއްދުން ކަމަށްވެސް ހައިކޮމިޝަނުން ފޮރިންގ މިނިސްޓްރީއަށް ފޮނުވާފައިވާ ޝަކުވާގެ ސިޓީގައި ބަޔާން ކޮށްފައި ވެއެވެ.
މިގޮތުުން، ހައިކޮމިޝަންއާއި، ހައިކޮމިޝަނަރ އަދި މިޝަންގައި މަސައްކަތް ކުރާ ޑިޕްލޮމެޓިކް މުވައްޒިފުންގެ އަބުރު ކަތިލުމަށް އަމާޒުކޮށް މީޑިއާގެ ވަސީލްތްތައް މެދުވެރިކޮށް ދެމުންދާ ހަމަލާތަކުގެ ސަބަބުން، މިޝަންއިން ކުރަމުންދާ މަސައްކަތްތަކަށް ބުރޫ އެރުމަކީ އެކަށީގެންވާ ކަމެއްކަމުގައި ފާހަގަ ކޮށްފައި ވެއެވެ.
އަދި މީގެ ނަތީޖާއެއްގެ ގޮތުން، ރާއްޖެއާއި އިންޑިއާ ސަރުކާރާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުމަށް ބުރޫ އެރުމަކީވެސް އެކަށީގެންވާ ކަމެއްކަމުގައި މި ސިޓީގައި ވިދާޅުވެފައި ވެއެވެ.
ގައުމުތަކުގައި ހުންނަ އެމްބަސީތަކަކީ، ވަކި ޚާއްސަ ޑިޕްލޮމޓިކް އިމިއުނިޓީއެއްގެ ހިމާޔަތުގައި ހުންނަ ތަންތަނެވެ. މިގޮތުން މިޝަންތަކުގައި މަސައްކަތް ކުރާ ޑިޕްލޮމެޓިކް މުވަޒަފުންނަކީވެސް މި އުސޫލުން، ބައިނަލް އަގުވާމީގޮތުން ބަަލައިގަންނަ، ވަކި ޚާއްސަ އިމްތިޔާޒުތަކަކާއި، އިނާޔަތްތަކެއް ލިބިދީފައި ތިބޭ ބައެކެވެ. މިގޮތުން، އެމްބަސީ ހުންނަ ގައުމެއްގެ އެމްބަސީތަކުގައި މަސައްކަތް ކުރާ، ޑިޕްލޮމެޓިކް މުވައްޒަފުން، އެވަގުތަކު ވަޒީފާ އަދާކުރަމުންދާ ގައުމަކަށް ޓެކްސް ދެއްކުމުން އިސްތިސްނާ ވުމާއި، އަދި ކުރިމަތިވާ އެހެނިހެން މައްސަލަތަކަށް ޖަވާބު ދާރީވުމުގައި އަމަލް ކުރެވޭ އުސޫލުތައް ތަފާތުވުންފަދަ، ޚާއްސަ އިމްތިޔާޒްތަކެއް ބައިލަނަލް އަގުވާމީ ގޮތުން ލިބިދީފައި ހުރެއެވެ.
މިގޮތުން، ބޭރުގެ ގައުމުތަކުގައި ގާއިމްވެފައި ހުންނަ މިޝަންތަކަށް ބައިނަލް އަގުވާމީގޮތުން ޚާއްސަ އިމްތިޔާޒުތަކެއް ލިބިދެނީ ވިއެނާ ކޮންވެޝަންގައި ގައުމުތަކުން އެއްބަސްވެފައިވާ ކަންކަމުގެ މައްޗަށެވެ.
މި ކޮންވެންޝަންއަކީ، އޮސްޓްރިއާގެ ވިއެނާގައި ބޭއްވުނު “ޔުނައިޓެޑް ނޭޝަން ކޮންފަރެންސް އޮން ކޮންސިއުލާރ ރިލޭޝަންސް”އިން އެކުލަވާލާ ޔޫއެންގެ ހުރިހާ މެމްބަރު ގައުމުތަކުން ބަލައިގެންފައިވާ ކޮންވެންޝަނެކެވެ.
މިގޮތުން މި ކޮންވެންޝަންގެ ގައި ބަޔާން ކުރަނީ އެމްބަސީއެއް (ނުވަތަ ކޮންސިއުލާ މަސައްކަތް ކުރާ އިމާރާތެއް) ހުންނަ ގައުމަކުން އެއިމާރާތަށް، އެމްބަސީ ނިސްބަތްވާ ގައުމުގެ ހުއްދައަކާ ނުލާ އެއްވެސް މީހަކު ވަނަނުދީ، ފުރިހަމަ ހިމާޔަތާއި ރައްކާތެރިކަން ފޯރުކޮށް ދޭން ޖެހޭނެ ކަމުގައެވެ. އަދި މި އިމާރާތާއި އިމާރާތުގައި މަސައްކަތް ކުރާ އެންމެހާ މުވައްޒަފުންނަށްވެސް އެއްވެސް ގެއްލުމެއްވެސް ލިބުނަނުދީ ބެލެހެއްޓުމަކީވެސް އިމާރާތް ހުންނަ ގައުމެއްގެ މައްޗަށް މި ކޮންވެންޝަންއިން ލާޒިމް ކޮށްފައިވާ ކަމެކެވެ.
3 Responses
ނަފްރަތު ތަ އުފައްދަނީ!! ނޫނީ ހަގީގަތްތައް ކިޔައިދެނީ !! މިކަމުން ދޭހަވަނީ ދިޔަރެސް އިން ރައްޔިތުންނަށް ތިލަކޮށްދީފައިވާ ކަންތައްތަކަކީ ތެދު އެކުލެވޭ ވާހަކަ ތަކެއްކަން!!
ވިއެނ ކޮންވެންޝަންގައ ގައުމުތަކުގ ދާހިލީކަންކަމ ނުބެހެންއޮވ. މިގައުމުގައިއިންޑިޔ އެމްބަސީއެކަނިތަހުރ އިންޑިޔާގ ބިލިއަނ މީހުންނަކ އެމްބަސީގ މުވައްޒަފުންނަށްހަދ ކޮނ ބިރެއްތިޔަދައްކަނ
އިންޑިއާ ހައިކޮމިޝަނުން ދިވެހި ރައްޔިތުންނަށް ވިއެނާ ކޮންވެންޝަން އޭ ކިޔައިގެން ބިރު ދައްކަމުންދާދިއުން ހުއްޓާލަން ޖެހޭ .2018 ވަނައަހަރު ވިއެނާ ކޮންވެންޝަން ނެތީތަ ދިވެހި ސަރުކާރުން ވިސާ މުއްދަތު އިތުރު ކޮއް ނުދީ އިންޑިއާ ހަދިޔާ ކުރި ހެލިކޮޕްޓަރ ތަކާ ، އައިސްތިބި އިންޑިއާ ގެ ސިފައިން ބާލަން އެންގުމުން ނުބާލާ ތިބީ ބިއެނާ ކޮންވެންޝަން ލިބިދޭ ކޮންބާރެއްގެ ދަށުނަ…..ދިވެހި ގައުމުގެ މިނވަން ކަމައް އަރައިގަތުމުގެ ހައްގު ވިއެނާ ކޮންބެންޝަން ދީފައި ނުވޭ ގައުމެއްގެ ނުގަބޫލު ގައި އަނެތް ގައުމެއްގެ ސިފައިނައް ނުތިބެވޭނެ ވިއެނާ ކޮންވެންޝަން ގެ ދަށުން