ކުދި ވިޔަފާރި އާއި މެދުފަންތީގެ ވިޔަފާރިތަކަށް މާލީގޮތުން އެހީވުމަށް ސަރުކާރުން މަސައްކަތް ކުރަމުންދާކަމަށް އިކޮނޮމިކް މިނިސްޓަރ ފައްޔާޒު އިސްމާއިލް ވިދާޅުވެއްޖެ އެވެ.
ކޯވިޑްގެ ހާލަތު ރާއްޖޭގައި ގޯސްވުމުން ވިޔަފާރިތަކަށް ލިބޭ ހީނަރުކަމުން އަރައިގަތުމަށް މާލީ އެކިއެކި ނިޒާމްތައް މެދުވެރިކޮށް އެހީވުމަށް ސަރުކާރުންވަނީ ނިންމާފައެވެ. މިނިސްޓަރ ފައްޔާޒު ވިދާޅުވީ މިނިސްޓްރީގެ މުވައްޒަފުން އެކަމަށް މަސައްކަތް ކުރަމުންގެންދާ ކަމަށާއި ނަމަވެސް މިނިސްޓްރީގެ ގިނަ މުވައްޒަފުންތަކެއްވެސް ކޯވިޑަށް ޕޮޒިޓިވް ވަމުން ދާތީ މަސައްކަތް ލަސްތަކެއް އަންނަނީ ކަމަށެވެ.
މިނިސްޓަރ ވިދާޅުވީ މި މާލީ އެހީގެ ސަބަބުން ޖިމްތަކާއި، ސެލޫންތަކާއި، ކެފޭ ރެސްޓޯރަންޓް އަދި އެހެނިހެން ކުދި ވިޔަފާރިއާއި މެދުފަންތީގެ ވިޔަފާރިތަކަށް އެހީތެރިކަން ފޯރުކޮށްދެވޭނެ ކަމަށެވެ.
We have been working on a development assistance stimulus for smes especially gyms, saloons, cafes restaurants and more. Unfortunately due to many in our team coming down with Covid this is taking more time. Insha allah very soon.
— Fayyaz Ismail (@faya_i) June 2, 2021
ކޯވިޑް ކޮންޓްރޯލް ކުރުމަށް އަޅާ ފިޔަވަޅުތަކުގެ ސަބަބުން އެންމެ ބޮޑު ގެއްލުމެއް ކުރިމަތިވާ ބަޔަކީ ކުދި ވިޔަފާރިތަކާއި މެދުފަންތީގެ ވިޔަފާރި ތަކެވެ. ސަރުކާރުން މީގެކުރިންވެސް ވަނީ ކޯވިޑްގެ މާލީ ދަތިކަމުން އަރައިގަތުމަށް ބެންކްތައް މެދުވެރިކޮށް އެކިއެކި ލޯން ޕްރޮގްރާމް ތަކާއި މާލީ އެހީތެރިކަން ކުންފުނިތަކަށާއި ވިޔަފާރިތަކަށް ފޯރުކޮށްދީފައެވެ.
ކޮމެންޓު ފޮނުވާ