ބާ ކައުންސިލްގެ ހިންގާ ކޮމެޓީގެ މެންބަރު ކަމުން އަނަސް އަބްދުއް ސައްތާރު އިސްތިއުފާ ދެއްވައިފިއެވެ.
ގާނޫނީ ވަކީލުންގެ ބެލެނިވެރި ފަރާތް ކަމުގައިވާ ބާ ކައުންސިލްގެ ހިންގާ ކޮމިޓީގެ މެމްބަރު ކަމުން އަނަސް މިއަދުންފެށިގެން އިސްތިއުފާދެއްވާފައި ވާކަން ހާމަކުރީ އެ ކައުންސިލުން މިއަދު ކުރި ޓްވީޓެއްގައެވެ.
އަނަސް އަކީ ބާ ކައުންސިލުގެ ހިންގާ ކޮމިޓީ އެކުލަވައިލިއިރު ވަކީލުންގެ ތެރެއިން އެ ކައުންސިލަށް އިންތިހާބުވެވަޑައިގެންނެވި މެންބަރެކެވެ.
BCM Executive Committee Member, Uz. Anas Abdul Sattar has resigned from the Executive Committee with effect from today, 1 June 2021. We thank him for his service to the Bar Council and wish him the best in his future endeavours.@anasabdulsattar
— Bar Council of the Maldives (@MvBarCouncil) June 1, 2021
އަނަސް މި މިޤާމުން އިސްތިއުފާދެއްވީ ސަބަބެއް އަދި މިހާތަނަށް ހާމަކުރައްވާފައެއް ނުވެއެވެ. ބާ ކައުންސިލްގެ އެކްސްކޯގެ ބައްދަލުވުންތަކަށް މިދިޔަ އަހަރު އެންމެ މަދުން ޙާޒިރުވެވަޑައިގެންނެވި މެމްބަރަކީވެސް އަނަސް އެވެ.
އަނަސް ވަނީ ނިމިދިޔަ ލޯކަލް ކައުންސިލްތަކުގެ އިންތިހާބުގައި މާލެ ސިޓީ ކައުންސިލްގެ މޭޔަރު ކަމުގެ މަގާމަށް ސަރުކާރު ހިންގާ މައިޕާޓީ އެމްޑީޕީގެ ޓިކެޓުގައި ވާދަކުރައްވާފަ އެވެ. މީގެ އިތުރުން އެމްޑީޕީގެ ސެކްރެޓަރީ ޖެނެރަލްކަމުގެ މަގާމު ގިނަ ދުވަސްތަކެއް ވަންދެން އަނަސް ވަނީ އަދާކުރައްވާފަ އެވެ.
ކޮމެންޓު ފޮނުވާ