ތާރީޚީ ގޮތުން އެކުވެރި ދެގައުމުގައިވާ ޕާކިސްތާނުގެ ބޮޑުވަޒީރު އިމްރާން ޚާން، ދެގައުމުގެ ދެމެދުގައި ރަސްމީ ވާހަކަތައް ބޭއްވުމަށް ސައުދީ އަރަބިއާއަށް ވަޑައިގެންފިއެވެ.
ސައުދީ ސައުދީ ސަރުކާރުގެ މީޑިއާ SPAއިން ރިޕޯޓު ކޮށްފައިވާ ގޮތުގައި، އިމްރާ ޚާން ސައުދީއަށް ވަޑައިގެންނެވީ، ސައުދީ ވަލީ އަހުދު މުހައްމަދު ބިލް ސަލްމާންގެ ދައުވަތަކަށެވެ. އިމްރާން ޚާންގެ މި ދަތުރުފުޅުގައި ދެގައުމުގެ ދެމެދުގައި އޮތް ގުޅުމާއި، ސަރަހައްދީ އަދި ބައިނަލް އަގުވާމީ މުހިންމު މައްސަލަތަކާ ގުޅޭގޮތުން އެމްބީއެސްއާއި މަޝްވަރާ ކުރެއްވުމަށް ހަމަޖެހިފައިވާ ކަމަށްވެސް ސައުދީ ސަރުކާރުގެ ރަސްމީ ނޫސް އޭޖެންސީން ރިޕޯޓު ކޮށްފައި ވެއެވެ.
The Prime Minister of Pakistan's visit to Saudi Arabia is an important milestone in bilateral relations; The Kingdom is keen to further strengthen relations between the brotherly countries as well as enable broader economic cooperation. Welcome @imrankhanPTI ???? pic.twitter.com/BpaILyZoGV
— فيصل بن فرحان (@FaisalbinFarhan) May 7, 2021
ޕާކިސްތާނުގައި އަސްކަރިއްޔާއިން ނެރުނު ބަޔާނެއްގައި ބުނެފައިވަނީ، ބޮޑުވަޒީރު އިމްރާން ޚާންގެ ތަރުރުފުޅުގެ ކުރިން ޕާކިސްތާންގެ އަސްކަރިއްޔާގެ ވެރިޔާ ޖެނެރަލް ޤަމަރު ޖޭވްޑް ބަޖްވާ މި ހަފްތާގެ ހުކުރު ދުވަހު ސައުދީއަށް ވަޑައިގެން އެމްބީއެސްއާއެކު މަޝްވަރާތައް ވަނީ ކުރިޔަށް ގެންދަވާފައެވެ.
މި ބައްދަލުވުމުގައި، ދެގައުމުގެ މަސްލަހަތު ހިމެނޭ މައްސަލަތަކާއި، ސަރަހައްދީ ސަލާމަތާއި، އަފްއާނިސްތާނުގެ ސުލްހައިގެ މަޝްރޫޢާއި، ދެގައުމުގެ އަސްކަރީ ގުޅުމާއި ގުޅޭގޮތުން މަޝްވަރާ ކުރެވިފައުވާ ކަމަށްވެސް ބުނެފައި ވެއެވެ.
