ރެސިޕީ: މެގްނަމް ޕުޑިން

ބޭނުންވާނެ ތަކެތި:

1 ބޮނޑި މާރީ ބިސްކޯދު
2 ބިސް
4 މޭޒުމަތީސަމުސާ ކޯން ފްލަރ
1 ދަޅު ގެރިކިރު
1 ޕެކެޓު ފުލްކްރީމް ކިރު
1 މޭޒުމަތީސަމުސާ ބަޓަރު
150ގ ޑާކް ނުވަތަ މިލްކް ޗޮކުލެޓް

ތައްޔާރުކުރާނެ ގޮތް:

1. ބިސް، ގެރިކިރު، ކޯންފްލަރ އަދި ބަޓަރު މިކްސަރަށް އެޅުމަށްފަހު ރަނގަޅަށް ގިރާލާށެވެ.
2. ތެއްޔަކަށް ފުލް ކްރީމް ކިރު އެޅުމަށްފަހު ހޫނު ވަންދެން ކައްކާށެވެ.
3. ދެން މިކްސަރުގައިވާ ތަކެތި ހޫނުކުރި ކިރަށް އެޅުމަށްފަހު އޮލަވަންދެން ރަނގަޅަށް ކައްކާށެވެ.
4. ޓްރޭ އެއްގައި އޭގެ ފޫ ފޮރުވޭ ވަރަށް މާރީ ބިސްކޯދު އަތުރާލާށެވެ. އަދި އޭގެ މައްޗައް ކައްކާފައިހުރި ކްރީމްގަނޑު، ބިސްކޯދުތައް ފޮރުވޭވަރަށް ބައެއް އެޅުމަށްފަހު 4 ނުވަތަ 5 ފަށަލަ ވަންދެން ތަކުރާރު ކުރާށެވެ.
5. މައްޗަށް ޑާކު ޗޮކުލެޓް ނުވަތަ މިލްކު ޗޮކުލެޓް ގާނާލާށެވެ. އަދި ފްރިޖުގައި 2 ގަޑި އިރު ވަންދެން ބަހައްޓާށެވެ.