ބޭނުންވާނެ ތަކެތި:
250ގ ފުށް
2 މޭޒުމަތީ ސަމުސާ ހަކުރު
400 އެމް.އެލް ފެން
4 ބިސް
100ގ މާޖިރިން
ތެޔޮ(ތެލުލަން)
ފަނިގަނޑަށް ބޭނުންވާނެ ތަކެތި:
3 ޖޯޑު ފެން
250ގ ހަކުރު
ރާނބާފަތް، ކާފޫރު ތޮޅި އަދި ފޮނިތޮށި (ރަހަލާވަރަށް)
ތައްޔާރުކުރާނެ ގޮތް:
ފުރަތަމަ ފެންފޮދު ތެއްޔަކަށް އެޅުމަށްފަހު ހޫނުވުމުން މާޖިރިންކޮޅާއި ހަކުރުކޮޅު އެޅުމައްފަހު މާޖިރިންކޮޅު މެލްޓް ވުމުން ގިނިމަޑުކޮށްލައި ފުށްކޮޅު އަޅަމުން އެއްކުރާނީއެވެ. މިގޮތަށް ފުށްގަނޑު ތެލިންނެއްޓެންދެން އެއްކޮށްލާނީއެވެ.
ފުށްގަނޑު ރަގަޅަށް ތެލިން ނެއްޓުނީމާ އުދުންމަތިން ބާލައި ކުޑަކޮށް ހިހޫވީމާ ފަހަރަކު ބިހެއް އަޅައި ބީޓް ކުރުމަށްފަހު ޕައިޕިންގބޭގަކަށް އަޅާށެވެ.
ތެޔޮފޮދު އުދައި، ހޫނުވުމުން ބޭނުން ވަރަކައް ޕައިޕިންގބޭގުން ފިއްތަމުން ބުރިކޮށް ތެލުލާނީއެވެ. ތެޔޮތާހުން ނެގުމަށްފަހު ހިހޫވުމުން ފަނިގަނޑަށް ލާފައި ނަގާނީއެވެ.
ފަނިގަނޑު ތައްޔާރުކުރާނެ ގޮތް:
ފެނާއި ހަކުރު އަދި ރާނބާފަތް، ކާފޫރު ތޮޅި، ފޮނިތޮށި އެއްކޮށް ތެއްޔަކަށް އަޅައި ހަކުރުގަނޑު ކުޑަކޮށް އޮލަވަންދެން ކައްކާލާށެވެ. އުދުންމަތިން ބާލައި ކުޑަކޮށް ހިހޫވުމުން ތެލުލާފައިވާ ކާމަރަނގަ ފަނިގަނޑަށްއަޅާފައި ނަގާނީއެވެ.
