ބޭނުންވާނެ ތަކެތި:
ޓަޓިން ސްޓައިލް އާފަލު
100ގ ފެހި އާފަލު
50ގ ހަކުރު
¼ ސަމްސާ ވެނީލާ އެސެންސް
50ގ އަންސޯލްޑެޑް ބަޓަރ
މަސްކަޕޯނެ މޫސް
100ގ ކްރީމް ޗީޒް
10ގ ހަކުރު
100ގ ވިޕް ކްރީމް
1ގ ޖެލެޓިން
¼ ސަމްސާ ވެނީލާ އެސެންސް
ސްޕެކަލޯސް ބިސްކޯދު
100ގ އަންސޯލްޑެޑް ބަޓަރ
70ގ ހަކުރު (ބުރައުން)
70ގ މުސްކަވާޑޯ ހަކުރު
25ގ ކުކުޅުބިސް (ހޯލް އެގްސް)
200ގ ގޮދަން ފުށް
1ގ އަންސޯލްޑެޑް ބަޓަރ
3ގ ބޭކިން ޕައުޑަރ
2ގ ސިނަމަން ޕައުޑަރ
އާފަލު ކުރިސްޕް
¼ ފެހި އާފަލު
100ގ ހަކުރު
100މލ ފެން
ތައްޔާރުކުރާނެ ގޮތް
ޓަޓިން ސްޓައިލް އާފަލު – އާފަލުތައް ކުދިކޮއް ކޮށާލުމަށްފަހު، ބަޓަރުކޮޅު ރަނގަޅަށް މެލްޓްވީމައި، އޭގެ ތެރެއަށް ހަކުރު، ވެނީލާ އަދި އާފަލު އެޅުމައްފަހު ގޯލްޑެން ކުލަ އަރަންދެން ފްރައި ކޮއްލާށެވެ. އާފަލުކޮޅު ތައްޔާރުވުމުން އެހެން ތައްޓަކައް އަޅާލާށެވެ.
މަސްކަޕޯނެ މޫސް – ފިނި ފެންފޮދެއްގެ ތެރެއައް ޖެލެޓިން އެޅުމައްފަހު ޖެލެޓިން މަޑު ވަންދެން ބަހައްޓާށެވެ. ހަކުރު އަދި ވެނީލާ އަޅައިގެން ކްރީމް ޗީޒް ބީޓްކޮށްލާށެެވެ. ދެން ވިޕްކްރީމް ރަނގަޅަށް ވިޕްވުމުން ކްރީމްކޮޅު އެހެން ޕޮޓަކައް އެޅުމައްފަހު އުނދުންމަތީގައި ހޫނުކޮށްލާނީއެވެ. ކްރީމް ރަނގަޅަށް ހޫނުވުމުން އުނދުން މަތިން ބޭލުމަށްފަހު، މަޑު ވަންދެން ބެހެއްޓި ޖެލެޓިންކޮޅު ކްރީމްގަނޑާ އެއްކޮށްލާނީ އެވެ. އެއަށްފަހު، ކްރީމްޗީޒްއަޅާފައި ދޭފަތަކުން ރަނގަޅައް އެއްކޮށްލާށެވެ.
ސްޕެކަލޯސް ބިސްކޯދު – ބަޓަރކޮޅު މަޑު ކްރީމްކޮޅަކަށް ވަންދެން ބީޓްކޮށްލުމަށްފަހު، ބިސް، ހަކުރު، ފުށް، ލޮނު، ބޭކިންޕައުޑަރ އަދި ސިނަމަންއަޅާ އެއްކޮށްލާށެވެ. އެއައްފަހު ފުށްގަނޑު ސިލިކޯން މެޓެއްމަތީ ފަތުރާލުމައްފަހު 170 ޑިގްރީ ސެލްސިއަސްގައި ފިހެލާނީއެވެ.
އާފަލު ކުރިސްޕް – ޝްގަރ ސިރަޕް ހެދުމަށް، ފެންފޮދުގެ ތެރެއައް ހަކުރުކޮޅުއަޅާ ރަންގަޅަށް އެއްކޮއްލާނީއެވެ. އެއަށްފަހު ބައިގަޑިއިރުވަންދެން ޝްގަރ ސިރަޕް ތެރޭގައި އާފަލުކޮޅު ބަހައްޓާށެވެ. ދެން ސިރަޕްގަނޑުތެރެއިން އާފަލުކޮޅު ނެގުމަންފަހު 90 ޑިގްރީ ސެލްސިއަސްގައި އެއްގަޑިއިރު ވަންދެން އަވަނުގައި ފިހެލާނީއެވެ.
އެސެމްބުލްކުރާނެ ގޮތް – ތައްޔާރުކުރި ކެރަމަލް ސޯސްކޮޅު ޓުރޭއެއްގެ ތެރެއަށް އަޅާލާށެވެ. ދެން ޕައިޕިންގ ބޭގެއް ބޭނުންކޮއްގެން ކުރީމް ޗީޒް ލޭޔަރއެއް އަޅާނީއެވެ. އެއައްފަހު ސްޕެކަލޯސް ކްރަމްބްސް މައްޗައްއަޅާލާފައި އަނެއްކާވެސް ކުރީމް ޗީޒް ލޭޔަރއެއް އަޅައި އޭގެ މައްޗަށް އާފަލު ކްރިސްޕްއަޅާލާނީއެވެ.
