ރާއްޖެއާއި މޮރިޝަސްގެ ޚާއްޞަ އިޤްތިޞާދީ ސަރަޙައްދާއި ކޮންޓިނެންޓަލް ސެލްފު ބައުންޑަރީ ކަނޑައެޅުމަށް އެދި ރާއްޖެ އާއި ދެކޮޅަށް މޮރީޝަސްއިން އިންޓަރނޭޝަންލް ޓްރައިބިއުނަލް ފޯ ދަ ލޯ އޮފް ދަ ސީ ޓްރައިބިއުނަލް، އިޓްލިސްއަށް ހުށައެޅި މައްސަލަ ނުބެލޭނެކަމަށް ކަނޑައަޅައިދިނުމަށް ރާއްޖެއިން އެދިއްޖެ އެވެ.
ރާއްޖެއިން މިކަމަށް އެދިފައިވަނީ ރާއްޖެއާއި މޮރީޝަސްގެ އެކްސްކުލޫސިވް އިކޮނޮމިކް ޒޯން ނުވަތަ ޚާއްޞަ އިޤްތިޞަދީ ސަރަހައްދު ފުށުއަރާތީ އެމައްސަލައަށް ހައްލެއް ހޯދައިދިނުމަށް މޮރިޝަސްއިން އިޓްލޮސްއަށް ހުށައެޅި މައްސަލައިގެ އަޑުއެހުންތައް މިއަދު ނިންމާލުމުގެ ގޮތުން ރާއްޖެއިން ފާހަގަކުރި ކަންކަމުގެ ތެރޭގައެވެ. ރާއްޖޭގެ ފަރާތުން މިއަޑުއެހުމުގައި ވާހަކަފުޅު ދެއްކެވީ ބަންޑާރަ ނާއިބު އިބްރާހީމް ރިފްޢަތާއި، ޑެޕިއުޓީ އެޓާނީ ޖެނެރަލް ޚަދީޖާ ޝަބީން އެވެ.
މިއަޑުއެހުމުގައި ރާއްޖޭގެ ފަރާތުން ވާހަކަފުޅު ދައްކަވަމުން ބަންޑާރަ ނާއިބު އިބްރަހީމް ރިފްޢަތު ވަނީ އަނގަބަހުންނާއި ލިޔެކިއުމުން ހުށައެޅި ބަޔާންތަކަށް ރިޔާއަތްކުރައްވާ މިމައްސަލައަކީ ޓްރައިބިއުނަލްއަށް ބެލޭނެ މައްސަލައެއް ނޫންކަމާއި، އެގޮތަށް ކަނޑައަޅައިދިނުމަށް އެދިވަޑައިގެންފައެވެ.
ބަންޑާރަ ނާއިބު ވަނީ ދެޤައުމުގެ އިމުގެ މައްސަލާގައި ރާއްޖެއާއި މޮރީޝަސް އާއި ދެމެދު އެއްވެސް މައްސަލައެއް ނެތްކަމަށްވެސް ވިދާޅުވެ ވާހަކަ ދައްކައިގެން ދެޤައުމުގެ ދެމެދު މައްސަލަ ޙައްލުކުރުމަށް ހުށައަޅާފައެވެ. އަދި މޮރީޝަސް އިން ބޭނުންވާ ހުށައެޅުމަކަށް ދިއުމަށް އިއުތިރާޒެއް ނެތްކަމަށްވެސް ރާއްޖޭގެ ފަރާތުން ވަނީ ހުށައަޅާފައެވެ.
Maldives concluded its oral pleadings at a Special Chamber of @ITLOS_TIDM in the hearing on Preliminary Objections in the dispute concerning delimitation of the maritime boundary between Mauritius and Maldives in the Indian Ocean #ITLOScase28 pic.twitter.com/l8go9mGsuO
— AG Office Maldives (@AGOmv) October 17, 2020
އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން މޮރިޝަސް އާއި އެއްކޮޅަށް ނެރުނު ބަޔާނާ ހަވާލާ ދެއްވާ ބަންޑާރަ ނާއިބު ވިދާޅުވީ ޖެހިގެން އުޅޭ މައްސަލައަކީ އިޤްތިޞާދީ ސަރަހައްދާއި ގުޅޭގޮތުން އައިސީޖޭ އިން ފާޅުކޮށްފައިވާ ޚިޔާލަކީ ޗާގޯސް އައިލެންޑްގެ މިލްކުވެރިކަމާއި ބެހޭގޮތުން މޮރިޝަސްއާއި އިނގިރޭސިވިލާތާއި ދެމެދު އޮތް ދެބަސްވުންތައް ނިމުމަކަށް ގެނެސް ވަކިގޮތެއް ކަނޑައެޅިދާނެ ނިންމުމެއްތޯ ކަމާމެދު އުފެދޭ ޚިޔާލު ތަފާތުވުމެއްކަމަށެވެ.
ރާއްޖެއާއި އަވަށްޓެރި މޮރީޝަސްގެ ރައްޔިތުންނާ އެކުވެރި ގުޅުމެއް އޮންނަން ރާއްޖެއިން ބޭނުންވޭ. ވީމާ އަޅުގަނޑުމެން މިދައުވަތު އަރުވަނީ މޮރިޝަނސްއަށް އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން ހުށައެޅި ލަފާތަކާގުޅޭގޮތުން މަޝްވަރާކުރުމަށް. އަދި އެމަޝްވަރާތަކަށް އައިސީޖޭއަށް ހުށައަޅައިގެން ވަކިގޮތެއް ނިންމުމަށް. ނޫނީ މޮރީޝަސްއިން ހުށައަޅާ ހުށައެޅުމަކަށް މަޝްވަރައަށް ދިއުމަށްވެސް ރާއްޖެއިން މިއޮތީ ތައްޔާރަށް.
-ބަންޑާރަ ނާއިބު އިބްރާހީމް ރިފްޢަތު
ރާއްޖެއާއި މޮރިޝަސްގެ ޚާއްޞަ އިޤުތިޞާދީ ސަރަހައްދާއި ކޮންޓިނެންޓަލް ސެލްފު ބައުންޑަރީ ކަނޑައެޅުމަށް އެދި ރާއްޖެ އާއި ދެކޮޅަށް މޮރީޝަސްއިން އިންޓަރނޭޝަންލް ޓްރައިބިއުނަލް ފޯ ދަ ލޯ އޮފް ދަ ސީ ޓްރައިބިއުނަލް، އިޓްލިސްއަށް ހުށައެޅި މައްސަލައިގެ ފުރަތަމަ އަޑުއެހުން ބާއްވާފައިވަނީ މިމަހުގެ 13 ވަނަ ދުވަހު އެވެ. އެއަޑުއެހުމުގައިވެސް ބަންޑާރަ ނައިބު ވަނީ މޮރީޝަސް އިން މަސައްކަތްކުރަނީ ނަހަމަގޮތެއްގައި އެހެން މަޤްޞަދެއް ޙާސިލުކުރުމަށް ކަމުގައި ވިދާޅުވެފައެވެ.
ބަންޑާރަ ނައިބު އިބްރާހީމް ރިފްޢަތު ވަނީ އިޓްލަސްއަށް ހުށައަޅާފައިވާ މިމައްސަލައަކީ ސުލްހަވެރިކަމާއެކު މަޝްވަރާކޮށްގެން ޙައްލުކުރެވިދާނެ މައްސަލައެއްކަމަށެވެ. ބަންޑާރަ ނާއިބު ވިދާޅުވީ ދެޤައުމުގެ ސަރަހައްދު ކަނޑައެޅުމުގެ މައްސަލާގައި އިޓްލޮސްއަށް މައްސަލަ ހުށައަޅާފައި ވަނީ އެކަމުގައި ރާއްޖެއާއި ޚިލާފެއް އުފެދިގެން ނޫންކަމަށާއި، ޓްރައިބިއުނަލަށް މައްސަލަ ހުށައެޅުމުގައި ލިބިފައިވާ ހައްގުގެ ބޭނުން ނަހަމަގޮތުގައި ބޭނުން ހިފާ މުޅިން އެހެން މަޤްޞަދެއް ޙާސިލުކުރުމަށް ކަމަށެވެ. މިމައްސަލަ ހުށައަޅާފައިވަނީ ޗާގޮސް އައިލެންޑްސް ނުަވަތ ފޯޅަވަހިގެ ސިޔާދަތީ ބާރު ލިބިގެންވަނީ މޮރިޝަސްއަށްކަން ކަނޑައެޅުމަށްކަމަށެވެ. މޮރިޝަންސް އާއި އިނގިރޭސިވިލާތާއި ދެމެދު އޮތް މައްސަލައެއް ޙައްލުކުރުމަށް ރާއްޖެއާއި މޮރިޝަސްގެ ކަނޑުގެ ސަރަހައްދުގެ މައްސަލަ ޓްރައިބިއުނަލްއަށް ހުށައެޅީތީ ހިތާމަކުރާކަމެއްކަމަށް ބަންޑާރަ ނާއިބުގެ ވާހަކަފުޅުގައި ވިދާޅުވެފައެވެ.
ފޯޅަވަހި ނުވަތަ ޗާގޯސްގެ މައްސަލައަކީ ދިވެހިރާއްޖެ އާއި އިނގިރޭސިވިލާތާއި ދެމެދުގައި އޮތް މައްސަލައެއްގެ ގޮތުގައި ރާއްޖެއިން ކުރިން ދެކެމުން އައިނަމަވެސް 2010 ވަނަ އަހަރު ދިވެހިރާއްޖެއިން ކޮމިޝަން އޮންދި ލިމިޓްސް އޮފް ދި ކޮންޓިނެންޓަލް ޝެލްފަށް ދިވެހިރާއްޖޭ ކަނޑުގެ ސަރަހައްދު ކަނޑައަޅައި ދިނުމަށް އެދި ހުށަހެޅުމުން މޮރީޝަސްއިން ވަނީ އެކަމަށް ދެކޮޅު ހަދައި އދއަށް އެ މައްސަލަ ހުށައަޅާފައެވެ.
ރާއްޖޭގެ ހުށައެޅުމުގައި ފޯޅަވަހީގެ ޚާއްޞަ އިޤްތިޞާދީ ސަރަޙައްދު ފާހަގަކޮށްފައި ނުވާތީ މޮރީޝަސްއިން ވަނީ އެކަމަށް އިއުތިރާޒްކޮށް ރާއްޖެއިން ހުށައަޅާފައިވާ ސަރަހައްދާއި އެޤައުމުގެ ކަނޑުގެ ސަރަޙައްދާއި ފުށޫއަރާކަމަށް ބުނެފައެވެ. އަދި އައްޑު އަތޮޅުއާއި ފޯޅަވައްސާއި ދެމެދުގައިވާ ކަނޑުގެ ސަރަހައްދާއި މެދު ވަކިގޮތަކަށް އެއްބަސްވުމަށްވެސް މޮރީޝަސްއިން ވަނީ ރާއްޖެއަަށް ގޮވާލާފައެވެ.
ރާއްޖެ-މޮރީޝަސް އިމުގެ މައްސަލާގައި ރާއްޖެއިން އެދުނީ ޓްރައިބިއުނަލް އިން ނުބެލޭނެކަމަށް ކަނޑައަޅައިދިނުމަށް
ކޮމެންޓު ފޮނުވާ