ތ. ވަންދޫއަށް މަސްތުވާތަކެތި އެތެރެކުރަން އުޅުނު ފުލުސް އޮފިސަރަކު މިއަދު ހައްޔަރުކޮށްފިއެވެ. ހައްޔަރުކޮށްފައިވަނީ ތ. ހިރިލަންދޫ، ދިލާސާގެ، މުޙައްމަދު ނަވާޒް (25އ) އެވެ. އިންޓެލިޖެންސަށް ލިބުނު މައުލޫމާތަކާ ގުޅިގެން މިއަދު ހެނދުނު ވަންދޫ ބަނދަރުން ހިންގި އޮޕަރޭޝަނެއްގައި އޭނާ ހައްޔަރުކުރީ މަސްތުވާތަކެތި ގެންގުޅުނު ކަމުގެ ޝައްކު ކުރެވިގެންނެވެ.
އޭނާ ގެންގުޅުނު ބެއަރެއް ބެލިބެލުމުން ފަހާފަހުރި ކަމަށް ފާހަގަކުރެވުމުން އިތުރަށް ބަލާލިއިރު، މަސްތުވާތަކެތި ޝައްކުކުރެވޭ މާއްދާއެއް ހިމެނޭ ފަސް ރަބަރު ޕެކެޓް ވަނީ ފެނިފައެވެ. އަދި އޭނާގެ ކުޑަކަމުދާތަކެތި ޓެސްޓްކުރުމުން މަސްތުވާތަކެއްޗަށް ޕޮޒިޓިވް ވެފައިވާކަން ވެސް ފާހަގަކުރެވިފައިވެއެވެ. މި މައްސަލާގެ ސަބަބުން ނަވާޒް ވަނީ ފުލުހުންގެ ވަޒީފާއިން ސަސްޕެންޑް ކޮށްފައެވެ. މި މައްސަލާގެ ތަހުގީގު ދަނީ ކުރަމުންނެވެ.
ކޮމެންޓު ފޮނުވާ