ޔުއެފާ ނޭޝަންސް ލީގު ފުޓްބޯޅަ މުބާރާތުގައި ފުރަތަމަ ފަހަރަށް ޖަރުމަނު މޮޅުވެއްޖެއެވެ.
ރޭ ކިއޭވްގައި ޔުކްރެއިނާ ދެކޮޅަށް ކުޅުނު މެޗު ޖަރުމަނުން ކާމިޔާބުކުރީ 2-1 ލަނޑުންނެވެ. ޖަރުމަނުގެ މަތެއަސް ޖިންޓާ ލެނޑެއްޖަހައި ކުރިހޯދި އިރު ލީޑް އިތުރަށް ފުޅާކޮށް ދިނީ ލިއޯން ގޯޓްޒެކާގެ ލަނޑުންނެވެ. އެންމެފަހުން ގައުމީ ޖާޒީގައި ކުޅުނު ހަތަރު މެޗުގައި ވެސް އޭނާ ވަނީ ލަނޑުޖަހާފައެވެ. ޔޫކްރެއިން ލަނޑުޖެހީ ލިބުނު ޕެނަލްޓީއަކުން ރުސްލާން މިލްނޮވިސްކީއެވެ.
ދެއަހަރު ކުރިން ނޭޝަންސް ލީގުން ޖަރުމަނު ކެޓީ މޮޅެއް ނުލިބިއެވެ. މިއީ މުބާރާތުގައި ކުޅުނު 7 ވަނަ މެޗުން އެޓީމު ހޯދި ފުރަތަމަ މޮޅެވެ. 70،000 މީހުން ޖާގައިގެ ސްޓޭޑިއަމް ރޭގެ މެޗު ބުލުމަށް ވިހިހާސް މީހުން ދަނޑަށް ވަނުމުގެ ހުއްދަ ވަނީ ދީފައެވެ.
މި މޮޅާއެކު ޖަރުމަނު އޮތީ ފަސްޕޮއިންޓާއެކު ގުރޫޕްގެ ދެވަނާގައެވެ.
