ހަނގުރާމަ ހުއްޓާލިކަން ޓްރަމްޕް އިއުލާން ކުރި ފަހުންވެސް އިރާނާ އިސްރާއީލުން ދަނީ ހަމަލާތައް ބަދަލު ކުރަމުންދާކަމަށް ބައިނަލްއަގުވާމި މީޑިއާތަކުން ރިޕޯޓު ކޮށްފިއެވެ.
އެގޮތުން އިސްރާއީލުގެ ވެރިރަށުގައި އިރާނުގެ މިސައިލް ހަމަލާ އަންނާތީ ސައިރެންގެ އަޑުން ގުގުމާލާފައިވާއިރު، މިއީ އީރާނުން ފޮނުވާ 25 ވަނަ މިސައިލް ހަމަލާ ކަމަށް ލަފާކުރެވޭ އިރު، އެމެރިކާގެ ރައީސް ޑޮނަލްޑް ޓްރަމްޕް ސުލްހައިގެ އެއްބަސްވުމެއް އިއުލާން ކުރެއްވި ފަހުން މިއީ އިރާނުން ފޮނުވާ ފުރަތަމަ ހަމަލާއެވެ.
އީރާންގެ ހާރިޖީ ވަޒީރު ވިދާޅުވެފައިވަނީ، އީރާން އެއްވެސް ކަމަކަށް އެއްބަސްވެފައި ނުވާ ކަމަށާއި، ނަމަވެސް އިސްރާއީލުން އެމީހުންގެ އުދުވާން ހުއްޓާލައިފިނަމަ، އީރާން ވެސް މިސައިލް ފޮނުވުން ހުއްޓާލާނެ ކަމަށެވެ.
އެހެންނަމަވެސް އީރާނުން ދަނީ އިސްރާއީލަށް މިސައިލް ހަމަލާތައް ދެމުންނެވެ. އަދި، އިސްރާއީލުން ބުނަނީ އީރާންގެ ސަރަހައްދުގައި ހުރި ޓާގެޓްތަކަށް ހަމަލާދިނުން ކުރިއަށް ގެންދާނެ ކަމަށެވެ.
އިސްރާއީލުގެ އޮފިޝަލުން، ނަން ހާމަނުކޮށް އިސްރާއީލުގެ މީޑިއާތަކަށް ވިދާޅުވެފައިވަނީ، އީރާންގެ ތެރޭގައި އިސްރާއީލުން ހަމަލާދޭން ބޭނުންވާ އިތުރު ގިނަ ޓާގެޓްތަކެއް އަދިވެސް ހުރި ކަމަށާއި، އެމީހުންގެ ލަނޑުދަނޑިތައް ހާސިލުކޮށް ނިމިފައި ނުވާ ކަމަށެވެ.
ނަމަވެސް މި ވަގުތު އެމީހުންގެ މައިގަނޑު މަގްސަދު ކަމަށްވާ ނިއުކްލިއާ ގާބިލްކަން ދަށްކުރުން ހާސިލުވެފައިވާ ކަމަށް ބުނެއެވެ.
ކޮމެންޓު ފޮނުވާ