އޭޓީޕީ އިވެންޓްގައި އެންޑީ މުރޭ ބައިވެރިނުވާން ނިންމައިފި

އަންނަ ހަފްތާގައި ބޭއްވުމަށް ހަމަޖެހިފައިވާ އޭޓީޕީ އިވެންޓްގައި އެންޑީ މުރޭ ބައިވެރިނުވާން ނިންމައިފިއެވެ.

އޮސްޓްރޭލިއަން އޯޕަން ފެށުމުގެ ކުރިން މުބާރާތުގައި ބައިވެރިވާ ހުރިހާ ކުޅުންތެރިން މެލްބަންގައި ހޭދަކުރަންޖެހޭ 14 ދުވަހުގެ ކަރަންޓީން މުއްދަތުގައި ގިނަ ކޮވިޑް ޓެސްޓް ތަކެއް ހަދަންޖެހެއެވެ. އޮސްޓްރޭލިއަން އޯޕަން މިހާރުވެސްވަނީ ކޮވިޑް 19 އާހެދި އާންމުކޮށް ފަށާ ތާރީހް ތިން ހަފްތާއަށް ފަސްކޮށް ފެބްރުއަރީ މަހުގެ 8 ވަނަ ދުވަހަށް ފަސްކޮށްފައެވެ.

ފްލޮރިޑާގެ ޑެލްރޭ ބީޗްގައި މިއަންނަ ހަފްތާގައި ބޭއްވުމަށް ހަމަޖެހިފައިވާ އޭޓީޕީ އިވެންޓުގައި އިނގިރޭސިވިލާތުގެ އެންޑީ މަރޭ ބައިވެރިނުވާން ނިންމައިފިއެވެ. މަރީ ހާމަކުރިގޮތުގައި އޭނާ މިމުބާރާތުގައި ބައިވެރިނުވާން ނިންމީ އަނިޔާގެ ސަބަބުން ނޫން ކަމަށާއި އޭގެ ބަދަލުގައި ކޮވިޑް 19 ޖެހޭ މިންވަރު އިތުރުވަމުން ދާތީއެވެ. މިގޮތުން އަހަރުގެ ފުރަތަމަ ގްރޭންޑް ސްލޭމް މުބާރާތް ކަމަށްވާ އޮސްޓްރޭލިއަން އޯޕަން ފެށުމުގެ ކުރިން ރިސްކް އެއް ނަގަން ބޭނުން ނުވާތީ ކަމުގައިވެސް އޭނާ ހާމަކުރިއެވެ.

ދުނިޔޭގެ ރޭންކިންގ ގެ 122 ވަނައިގާ މިހާރު އުޅޭ މަރޭއަށް އޮސްޓްރޭލިއަން އޯޕަން މުބާރާތުން ޖާގަދީފައިވަނީ ވައިލްޑް ކާޑް އެންޓްރީއެއްގެ ގޮތުގައެވެ. އަދި މިމުބާރާތުގައި މަރޭ ބައިވެރި މި ވަނީ އަނިޔާގެ ސަބަބުން ދެއަހަރުގެ މެދުކެނޑުމަކަށްފަހުއެވެ.