އިންޓަ މިލާންގެ މިޑްފީލްޑާ ކްރިސްޓިއަން އެރިކްސަން، ކުރިއަށް އޮތް ޖަނަވަރީ ޓްރާންސްފާގައި އާސެނަލްއަށް ގެނައުމަށް އެ ކުލަބުން މަސައްކަތް ހުއްޓާނުލާ ކަމަށް އިނގިރޭސި މީޑިއާތަކުން ބުނެފި އެވެ.
އިންޓަގެ ސީއީއޯ ވިދާޅުވެފައި ވަނީ، އެރިކްސަން ބޭނުންނަމަ ކުރިއަށް އޮތް ޖަނަވަރީ ޓްރާންސްފާގައި އޭނާއަށް ކުލަބު ދޫކޮށްލެވި ދާނެ ކަމަށެވެ. މޮރާޓާ ވިދާޅުވީ ޓްރާންސްފާ ޕީރިއަޑްގައި އެރިކްސަންގެ ހާލަތު ގާތުން ބަލާނެ ކަމަށެވެ. އަދި އޭނާ އަށް ހުށަހަޅާ ޓްރާންސްފާތަކާ މެދުވެސް އިންޓައިން ފުންކޮށް ވިސްނާނެ ކަމަށެވެ.
އިންޓަ މިލާންއިން ވަނީ، ޑެންމާކުގެ ފޯވަޑް ދޫކޮށްލަން ތައްޔާރަށް އޮތް ކަމަށް ބުނެފަ އެވެ. އާސެނަލްއިން އެންމެ ފުރަތަމަ މަސައްކަތް ކުރީ ގުރެނިޓް ޒަކާ އިންޓަ އަށް ދިނުމަށް ފަހު އާއި އެރިކްސަން ގެނައުމަށެވެ. ނަމަވެސް އެކަމަށް ޒަކާ އެއްބަހެއް ނުވިއެވެ. ސްކައި ސްޕޯޓްސްއިން ރިޕޯޓް ކޮށްފައިވާ ގޮތުގައި ޒަކާ އެގޮތަށް ބޭނުން ނުވި ނަމަވެސް، އާސެނަލްއިން އަދިވެސް އެރިކްސަން ގެނައުމުގެ މަސައްކަތް ހުއްޓާ ނުލާ ކަމަށެވެ.
ޑެންމާކްގެ މިޑްފީލްޑާ އިންޓައަށް ބަދަލުވީ، މިދިޔަ ޖަނަވަރީ މަހު ޓޮޓެންހަމް ހޮޓްސްޕާސްއިންނެވެ.
ކޮމެންޓު ފޮނުވާ