ޑޮލަރު މާރުކުރުމުގެ ލައިސަންސް ހޯދުމަށް 98 ފަރާތަކުން ހުށަހަޅާފައިވާކަމަށް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން މިއަދު ހާމަކޮށްފިއެވެ. މި ފަރާތްތަކުގެ ތެރޭގައި ކުރިން ލައިސަންސް އޮތް 50 ފަރާތެއް ހިމެނެއެވެ.
އެމްއެމްއޭ އިން އިތުރަށް ހާމަކުރެއްވި ގޮތުގައި ކުރިން ޑޮލަރު މާރުކުރުމުގެ ހުއްދަ ދޫކުރެވިފައިވާ 212 ފަރާތުގެ ތެރެއިން 163 ފަރާތެއްގެ ލައިސަންސް ވަނީ ބާތިލުކުރެވިފައެވެ. އެއީ އެފަރާތްތަކުން އަލުން ލައިސަންސަށް އެދި ހުށަނޭޅުމުގެ ސަބަބުންނެވެ. އަދި މިހާތަނަށް އަލަށް ލައިސަންސަށް އެދި ހުށަހެޅި އެއްވެސް ފަރާތަކަށް ލައިސަންސް ދޫކުރެވިފައެއް ނުވެއެވެ.
މިދިޔަ އަހަރުގެ ޑިސެންބަރު 14 ވަނަ ދުވަހު ރައީސް ތަސްދީގު ކުރެއްވި ގާނޫނުގެ ދަށުން ބޭރުފައިސާއިން އާމްދަނީ ލިބޭ ވިޔަފާރިތަކުން ކޮންމެ ޓުއަރިސްޓެއްގެ އަތުން 500 ޑޮލަރު ނުވަތა އާމްދަނީގެ 20 އިންސައްތަ މާރުކުރަން ޖެހެއެވެ. އެމްއެމްއޭ އިން ބުނުއްވާ ގޮތުގައި މި ގާނޫނަށް އަމަލުކުރަން ފެށުމާއެކު ބައެއް ވިޔަފާރިވެރިން ކަންބޮޑުވުން ފާޅުކުރެއްވި ނަމަވެސް، ގިނަ ވިޔަފާރިވެރިން މިކަމުގައި އެއްބާރުލުން ދެއްވަމުން ގެންދަވައެވެ.
ކޮމެންޓު ފޮނުވާ